Уладзімер Коранеў

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Уладзімер Коранеў
Дата нараджэньня 20 чэрвеня 1940(1940-06-20)
Месца нараджэньня Севастопаль, Крымская аўтаномная савецкая сацыялістычная рэспубліка, Расейская Савецкая Фэдэратыўная Сацыялістычная Рэспубліка, СССР
Дата сьмерці 2 студзеня 2021(2021-01-02)[1] (80 гадоў)
Месца сьмерці Масква, Расея
Месца пахаваньня Увядзенскія могілкі
Грамадзянства СССР
СССР
Месца вучобы Расейскі ўнівэрсытэт тэатральнага мастацтва
Занятак актор і тэатральны пэдагог
Месца працы Stanislavsky Electrotheatre[d]
Узнагароды
народны артыст Расейскай Фэдэрацыі заслужаны артыст РСФСР
IMDb ID nm0466186
Сайт http://korenev.narod.ru/

Уладзімер Ко́ранеў (20 чэрвеня 1940, Севастопаль — 2 студзеня 2020, Масква) — савецкі і расейскі актор тэатру і кіно. Народны артыст РФ (1998)[2].

Жыцьцяпіс[рэдагаваць | рэдагаваць крыніцу]

Нарадзіўся ў сям’і будучага контр-адмірала Барыса Коранева (1913—1965).

Дзяцінства прайшло ў Ізмаіле, пазьней сям’я пераехала ў Талін, дзе ў яго зьявілася цікавасьць да літаратуры і тэатру. Аднаклясьніца Ларыса Лужына прывяла Ўладзімера ў драмгурток, якім кіраваў актор Расейскага драматычнага тэатру Іван Расамахін. У гуртку таксама займаліся будучыя акторы Віталь Каняеў, Ігар Ясуловіч і Ліліян Малкіна. Спэктаклі, пастаўленыя пад кіраўніцтвам Расамахіна, паказвалі не толькі на школьнай, але і на прафэсійнай сцэне[3].

Пасьля заканчэньня школы Коранеў абраў прафэсыю актора і ў 1957 годзе паступіў у ГІТІС ў майстэрню народнага артыста РСФСР Рыгора Конскага і народнай артысткі СССР Вольгі Андроўскай, вучняў Станіслаўскага і Неміровіча-Данчанкі[4].

Ён вучыўся на апошнім курсе, калі зь Ленінграду ў Маскву прыехаў асыстэнт па акторах шукаць выканаўцу на галоўную ролю ў фільме «Чалавек-амфібія» (рэжысэру Ўладзіміру Чаботарову на ролю Іхтыяндра патрэбен быў артыст, якога ніхто б ня ведаў). Пасьля выхаду фільму (які стаў лідэрам савецкага кінапракату 1962 гаду) Коранеў стаў знакаміты як «Чалавек-амфібія», стаўшы сэкс-сымбалем СССР[5].

У 1961 годзе прыйшоў у трупу Маскоўскага драматычнага тэатру імя К. С. Станіслаўскага, куды яго запрасіў Міхаіл Яншын, які кіраваў тэатрам у той час. З тых часоў Уладзімер Коранеў быў вядучым артыстам трупы.

Да 2015 году — прафэсар, мастацкі кіраўнік факультэту тэатральнага мастацтва Інстытуту гуманітарнай адукацыі і інфармацыйных тэхналёгіяў. Пасьля заканчэньня 2014—2015 навучальнага году факультэт расфармаваны з прычыны адсутнасьці прыбытку.

Памёр 2 студзеня 2021 году на 81-м годзе жыцьця ў Маскве ад COVID-19[6].

Крыніцы[рэдагаваць | рэдагаваць крыніцу]