Трыюмфальная арка (Маладэчна)

Помнік грамадзянскай архітэктуры
Трыюмфальная арка
Трыюмфальная арка, 1937 г.
Краіна	Беларусь
Места	Маладэчна
Каардынаты	54°19′18.2″ пн. ш. 26°51′49.54″ у. д.
Тып будынка	арка
Дата пабудовы	1929 год
Стан	зьнішчана
Трыюмфальная арка на мапе Беларусі Трыюмфальная арка
Трыюмфальная арка на Вікісховішчы

Трыюмфальная арка, таксама Менская брама — помнік грамадзянскай архітэктуры ў Маладэчне, збудаваны ў 1929 годзе ў гонар кіраўніка міжваеннай Польскай Рэспублікі Юзэфа Пілсудзкага і зруйнаваны на пачатку 1960-х гадоў. Адкрыцьцё аркі адбылося падчас урачыстасьцяў, прысьвечаных сьвяткаваньню дзесяцігодзьдзя 86-га пяхотнага палку Войска Польскага.

Гісторыя

Трыюмфальную арку ў Маладэчне збудавалі ў 1929 годзе ў гонар кіраўніка міжваеннай Польскай Рэспублікі Юзэфа Пілсудзкага. Гэта быў парадны ўезд на тэрыторыю гарнізону 86-га пяхотнага палку з боку Маладэчанскага чыгуначнага вакзалу.

У пачатку 1960-х гадоў савецкія ўлады пастанавілі разбурыць арку. Адно з тлумачэньняў зьвязвае гэта з павелічэньнем аўтамабільнага руху, бо сярэдні праезд аркі быў занадта вузкім, у ім немагчыма было разьехацца двум аўтамабілям. Паводле іншай вэрсіі, савецкія ўлады кіраваліся выняткова ідэялягічнымі прычынамі, пра што сьведчыць той факт, што арку зруйнавалі без магчымасьці аднаўленьня: з дапамогай трактароў яе разарвалі на кавалкі і зьнішчылі канчаткова. Статуі львоў, якія стаялі з бакоў ад аркі, удалося захаваць: нейкі час яны былі ў Маладэчне, па чым трапілі ў парк пасёлку Бярэзінскага, што недалёка ад Маладэчна, дзе знаходзяцца і дагэтуль.

На месцы аркі прайшла вуліца Машэрава і ўтварыўся аўтобусны прыпынак «Драматычны тэатар».

Архітэктура

Помнік архітэктуры нэаклясыцызму. Пабудова аздаблялася шматлікімі барэльефамі, статуямі рыцараў і львоў. Наверсе знаходзілася невялікая капліца, адкуль палкавы капэлян бласлаўляў жаўнераў падчас вайсковых урачыстасьцяў. У арцы былі тры праёмы, адзін для транспарту і два для пешаходаў.

Галерэя

• Гістарычныя здымкі
• 
  1927—1929 гг.
• 
  22 чэрвеня 1930 г.
• 
  22 чэрвеня 1930 г.
• 
  22 чэрвеня 1930 г.

• 
  1933 г.
• 
  1930-я гг.
• 
  1930-я гг.
• 
  1937 г.

• 
  ліпень 1938 г.
• 
  1941 г.
• 
  1941—1944 гг.
• 
  1950-я гг..

Вонкавыя спасылкі

• Трыюмфальная арка ў Маладэчне, Radzima.org