Церабоўля

Церабоўля укр. Теребовля
Населены пункт
Сьцяг Герб
Краіна	Украіна
Вобласьць	Тарнопальская
Раён	Церабаўлянскі
Першыя згадкі	1097
Дата заснаваньня	1097
Геаграфія
Плошча	11 км²
Вышыня НУМ	265 м
Часавы пас	UTC+2 UTC+3 (летні час)
Каардынаты	49°18′ пн. ш. 25°42′ з. д.
Насельніцтва
Колькасьць	13 595 чал. (2017)
Лічбавыя ідэнтыфікатары
КОАТУУ	6125010100
Церабоўля на мапе Ўкраіны Церабоўля

Церабо́ўля (па-ўкраінску: Теребовля) — горад у Тарнопальскай вобласьці Ўкраіны. Адміністрацыйны цэнтар Церабаўлянскага раёну.

Гісторыя

Першыя пасяленьні на сучаснай тэрыторыі Церабоўлі ўзьніклі яшчэ з часоў нэаліту. З XI стагодзьдзя горад быў цэнтрам Церабаўлянскага княства. Ад сярэдзіны XIV стагодзьдзя Церабоўля пад уладай Польскага Каралеўства. У 1389 годзе горад атрымаў Магдэбурскае права. Ад канца XIV стагодзьдзя, пасьля будаўніцтва замку, горад стаў цэнтрам абароны супраць наскокаў крымскіх татараў. У 1594 годзе Сэвэрын Налывайка, падчас паўстаньня, захапіў замак. У 1772—1918 гадах горад уваходзіў, як і ўся Ўсходняя Галіччына, да складу Аўстра-Вугоршчыны. Ад лістапада 1918 па ліпень 1919 году Церабоўля ўваходзіла ў склад ЗУНР. За часам Польскай Рэспублікі горад быў цэнтрам павету. У 1939—1941 — пад савецкай, 1941—1944 пад нямецкай акупацыяй. Ад 1944, і да 1991 году, горад ізноў пад кантролем СССР.

Насельніцтва

• XVI стагодзьдзе: 1565 год — 1400 жыхароў
• XVIII стагодзьдзе: 1785 год — 2775 жыхароў
• XX стагодзьдзе: 1930 год — 10 000 жыхароў; 1975 год — 11 600 жыхароў; 1989 год — 15 000 жыхароў
• XXI стагодзьдзе: 2001 год — 13 660 жыхароў

Вонкавыя спасылкі

Церабоўля — сховішча мультымэдыйных матэрыялаў

• Церабоўля на vlasenko.net (укр.)
• Замки та храми України. Прыватная інтернэт-старонка (укр.)
• Мирослав Смалига «Тут оживає минуле», Тернопіль, Терно-граф, 2008 р., 196 с.
• The fate of Jews in Terebovlia (анг.)
• Terebovlia Shtetlinks Jewish Site (анг.)
• Private Terebovlia Site (анг.)
• The Old City of Terebovlya (анг.)