Тодар Кашкурэвіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Тодар Кашкурэвіч
Todar Arlenavich Kashkurevich - Minsk 2013 AD.JPG
Дата нараджэньня 1963
Месца нараджэньня Менск
Грамадзянства Беларусь
Адукацыя Беларускі дзяржаўны мастацкі інстытут
Альма-матэр Беларуская дзяржаўная акадэмія мастацтваў
Занятак мастак, музыка, этнакультуроляг, дудар

Тодар Кашкурэвіч (нарадзіўся ў 1963 годзе ў Менску) — мастак, музыка, этнакультуроляг, дудар.

Біяграфія[рэдагаваць | рэдагаваць крыніцу]

Скончыў Менскую мастацкую вучэльню, Беларускі дзяржаўны мастацкі інстытут. Прадстаўнік мастацкай дынастыі Кашкурэвічаў (разам з бацькам Арленам і братам Ігарам). Працуе ў галіне манумэнтальнага мастацтва, жывапісу, кніжнай графікі і дызайну. Разам зь іншымі энтузіястамі запачаткаваў у Беларусі традыцыю экспэрымэнтальнай археалёгіі, адмысловец у працы з мэталам, дрэвам, настаўнік вядомых беларускіх гравёраў і ювэліраў[1].

Дасьледуе і аднаўляе старадаўную музычную традыцыю (беларуская дуда, ліра). Адзін з найбольш вядомых у балтыйскім рэгіёне майстроў, што вырабляюць дуды паводле аўтэнтычных узораў і пачынальнікаў сучаснага дударскага руху ў Беларусі. Удзельнік гурта рытуальнага фальклёру «ESSA», а таксама беларуска-літоўскага фольк-джаз праекту «TYLOS LABANORO»[1].

Адзін з заснавальнікаў і актыўных чальцоў Цэнтру этнакасмалогіі «KRYŬJA», галоўны рэдактар альманаху «DRUVIS». Даследуе беларускую традыцыйную культуру, рэлігію і міталёгію, вывучае архаічную знакавую сыстэму, паходжаньне і сэмантыку сымбаляў. Займаецца штудыямі ў галіне этнамузыкалёгіі, традыцыйнай эстэтыкі, сакральнай геаграфіі[1].

Крыніцы[рэдагаваць | рэдагаваць крыніцу]