Сумчатыя

Сумчатыя
	Сумчатыя
	; Macropus giganteus
Клясыфікацыя
Царства	Жывёлы (Animalia)
Тып	Хордавыя (Chordata)
Падтып	Хрыбетныя (Vertebrata)
Надкляса	Чатырохногія (Tetrapoda)
Кляса	Сысуны (Mammalia)
Падкляса	Зьвяры (Theria)
Інфракляса	Сумчатыя
Бінамінальная намэнклятура
	Marsupialia ; Illiger, 1811
Арэал
	Сучаснае распаўсюджваньне сумчатых
	Сумчатыя на Віківідах Сумчатыя ў Вікісховішчы ITIS 179918

Сумчатыя, торбачнікі^[1] (Marsupialia) — інфракляса сысуноў, члены якога распаўсюджаныя ў Аўстралазіі(en), Паўночнай і Паўднёвай Амэрыках.

Распаўсюджанасьць і паводзіны[рэдагаваць | рэдагаваць крыніцу]

Сумчатыя распаўсюджаныя ў Аўстралазіі(en), Паўночнай і Паўднёвай Амэрыках; прадстаўнікі Peradectidae распаўсюдзіліся таксама ў Эўропе і Азіі ў кайназоі. Сумчатыя каланізавалі розныя асяроддзя пражываньня: лясы, лугі, горны рэльеф і пустыні. Многія віды жывуць на дрэвах. Толькі Chironectes minimus і, у меншай ступені, Lutreolina crassicaudata вядуць паўводны лад жыцьця. Сумчатыя могуць быць дзённыя і начныя, адзінкавыя і групавыя, аднак, іх сацыяльныя паводзіны даволі слаба развіты. Дыета таксама значна вар'іруецца — ёсць ярка выяўленыя траваедныя, таксама ўсяедныя і можна сустрэць мясаедных.

Вонкавы выгляд[рэдагаваць | рэдагаваць крыніцу]

Адметнай характарыстыкай, агульнай для большасьці відаў сумчатых, ёсьць тое, што маці носяць у мяшочку маладняк. Да добра вядомых сумчатых адносяць кенгуру, валабі, каалы, апасумы, вомбаты, тасманійскіх д'яблаў і вымерлы тылацын. Самы буйны жывы сумчаты, чырвоны кенгуру, вырастае да 1,8 метра ў вышыню і да 90 кілаграмаў у вазе, але вымерлы Diprotodon optatum быў да 3 м у даўжыню і да 2790 кілаграмаў у вазе. Самы маленькі від — гэта Pilbara ningaui, даўжыня якога складае ад 4,6 да 5,7 см, а вага — усяго ад 2 да 9 г.