Маскоўская лінія

Маскоўская лінія
Менскі мэтрапалітэн
Пачатак працы	30 чэрвеня 1984
Даўжыня, км	12,2
Колькасьць станцыяў	11 (+4 будуюцца)
Вагонаў у складзе	5
Завантажаныя станцыі	Кастрычніцкая
Наземныя часткі	Няма
Электрадэпо	ЦЧ-1 «Маскоўскае»

Маскоўская лінія — першая лінія Менскага мэтрапалітэну, пачаўшая сваю працу 30 чэрвеня 1984 году ў складзе васьмі станцыяў. Зараз станцыя доўжыцца 12,2 км і складаецца з 11 станцыяў. Маскоўская лінія амаль цалкам ідзе пад праспэктам Незалежнасьці — галоўнай магістралью гораду.

Гісторя

Будаўніцтва першае лініі мэтрапалітэну пачалося ў 1977 годзе. 26 чэрвеня 1984 году першыя людзі краіны аднымі зь першых апрабавалі новы від транспарту, афіцыйна свае дзьверы першая лінія расчыніла праз 4 дні — 30 чэрвеня.

Першая чарга лініі складалася з васьмі станцыяў: «Інстытут Культуры», «Плошча Леніна», «Кастрычніцкая», «Плошча Перамогі», «Плошча Якуба Коласа», «Акадэмія навук», «Парк Чалюскінцаў» і «Маскоўская».

Пазьней, праз два з паловай гады — 31 сьнежня 1986 году — была здана другая чарга, якая складалася толькі з адной станцыі пасьля «Маскоўскай» — «Усход». Апошні працяг лініі, зноў ж на паўночны ўсход, адбыўся 7 лістапада 2007 году. Пачалі сваю працу дзьве новыя станцыі: «Барысаўскі тракт» і «Уручча».

Участак			Пачатак працы
Інстытут Культуры	—	Маскоўская	30 чэрвеня 1984
Маскоўская	—	Усход	31 сьнежня 1986
Усход	—	Уручча	7 лістапада 2007

Маскоўская лінія
Уручча Барысаўскі тракт Усход Маскоўская Парк Чалюскінцаў Акадэмія навук Плошча Якуба Коласа Плошча Перамогі Кастрычніцкая Плошча Леніна Інстытут Культуры ЦЧ-1 «Маскоўскае» Грушаўка Міхалова Пятроўшчына Малінаўка Шчомысьліца