Касьцёл і калегіюм езуітаў (Бабруйск): розьніца паміж вэрсіямі
д + Radzima.org, Globus.tut.by |
катэгорыя |
||
| Радок 14: | Радок 14: | ||
* [http://globus.tut.by/bobrujsk/kostel_barokko_gallery.htm Здымкі на Globus.tut.by] |
* [http://globus.tut.by/bobrujsk/kostel_barokko_gallery.htm Здымкі на Globus.tut.by] |
||
[[Катэгорыя: |
[[Катэгорыя:Храмы Беларусі|Бабруйск]] |
||
[[Катэгорыя:Касьцёлы Беларусі|Бабруйск]] |
|||
[[Катэгорыя:Барочныя збудаваньні ВКЛ|Бабруйск]] |
|||
[[Катэгорыя:Барочныя збудаваньні Беларусі|Бабруйск]] |
|||
[[Катэгорыя:Бабруйск]] |
[[Катэгорыя:Бабруйск]] |
||
Вэрсія ад 01:51, 14 студзеня 2008
Касьцё́л Сьвяты́х Апосталаў Пятра́ й Па́ўла ў Бабру́йску – помнік архітэктуры XVII – XVIII стагодзьдзяў, былы езуіцкі касьцёл. Разам з кляштарам быў цэнтрам Бабруйскае езуіцкае рэзыдэнцыі.
Заснаваны ў 1615 на фундацыю бабруйскага старосты Пятра Трызны. У 1625 касьцёл быў перададзены езуітам. Сярод архітэктараў касьцёлу вядомыя Уладзіслаў Дзягілевіч (1699–1700), Казімер Мацелякоўскі (1735–1736), Тамаш Жаброўскі (1746), Габрыэль Лянкевіч (1747–1748) і Францішак Карава (1757–1758). Вядома таксама пра ўдзел у будаўніцтве ў 1732-1747 муляра Якуба Руофа.
Касьцёл быў пабудаваны ў стылі барока. Уяўляў сабой трохнававую базыліку без трансэпту, меў дзьве вежы, на адной зь якіх быў гадзіньнік з боем, а на другой – матэматычны компас. Вежы падзяліліся на тры ярусы, паміж верхнімі чацьверыкамі зьмяшчаўся фігурны франтон з валютамі. Прэзьбітэр меў паўкруглае завяршэньне, па бакох вімы месьціліся дзьве сымэтрычныя закрыстыі.
Унутры навы былі перакрытыя цыліндрычнымі скляпеньнямі з распалубкамі на здвоеных падпружных арках, якім на фасадах адпавядалі здвоеныя пілястры, у чым можна бачыць прыкмету позьняга барока. Пры ўваходзе мясьціўся «хор мураваны на 2 філярах са сходамі з абодвух бакоў». Невялікія хоры разьмяшчаліся таксама над закрыстыямі. Галоўны аўтар, які ўключаў 8 позьнебарочных скульптураў сьвятых (у т.л. скульптуры сьвятых Ігната, Бергіяша, Ксавэра, Станіслава), 6 бакавых аўтароў, амбону, усё сакральнае начыньне інтэр'еру былі драўлянымі й былі зробленыя майстрамі Язэпам Шылам і Антонам Марціноўскім. На сьценах меўся фрэскавы жывапіс, а сярод абразоў знаходзіліся сармацкія данатарскія партрэты караля Жыгімонта Вазы й Пятра Трызны.
Пры будаўніцтве ў ХІХ стагодзьдзі Бабруйскае крэпасьці вежы касьцёлу былі зьнішчаныя, а сам ён быўкарэнным чынам перабудаваны пад цэйхгаўз. У 1885 годзе касьцёл дадаткова пацярпеў ад пажару. За савецкім часам ў будынку касьцёлу была гаўптвахта.