Софі Эліс-Бэкстар

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Софі Эліс-Бэкстар
Софі Мішэль Эліс-Бэкстар
Sophie Ellis-Bextor at Leeds Pride (9440318993).jpg
Дата нараджэньня 10 красавіка 1979 (40 гадоў)
Месца нараджэньня Лёндан Сьцяг Вялікабрытаніі Вялікабрытанія
Альма-матэр Godolphin and Latymer School[d]
Занятак сьпявачка, кампазытар, мадэль
Гады дзейнасьці 1997 — дагэтуль
Жанры поп-музыка
Інструмэнты вакал, фартэпіяна, гітара
Псэўданімы Mademoiselle E.B.
Гурты theaudience
Супрацоўніцтва Manic Street Preachers, DJ Spiller, The Freemasons, Armin van Buren, Junior Calder, Busface
Лэйблы Polydor, Fascination
Бацька Robin Bextor[d]
Маці Janet Ellis[d]
Узнагароды Showbusiness Recording Artist Award (2002)[1]; Edison Music Award — Best Dance Album (за альбом Read My Lips, 2003)[2]; European Top 100 Albums (за альбом «Trip the Light Fantastic», 2007)
Сайт SophieEllisBextor.net

Софі Мішэ́ль Э́ліс-Бэ́кстар (па-ангельску: Sophie Michelle Ellis-Bextor) — ангельская сьпявачка і кампазытар.

Жыцьцяпіс[рэдагаваць | рэдагаваць крыніцу]

Нарадзілася 10 красавіка 1979 году ў Лёндане (Вялікабрытанія) у сям’і актрысы Джэнэт Эліс і тэлерэжысэра Робіна Бэкстара. Бацькі разьвяліся, калі Софі было 4 гады. Мае трох сёстраў і двух братоў.

Музычную кар’еру распачала ў 1997 годзе ў якасьці вакалісткі гурта «Theaudience», які праіснаваў менш за год. Пасьля Софі спрабавала працаваць мадэльлю і займацца пісьменьніцтвам, але гэтыя заняткі яе не захапілі.

З 2005 году Софі замужам за бас-гітарыстам брытанскага гурта «The Feeling» Рычардам Джоўнзам. У іх пяць сыноў — Соні (2004 г. н.), Кіт Вэлэнтайн (2009 г. н.), Рэй Голідэй (2012 г. н.), Джэсі (2015 г. н.) і Мікі (2019 г. н.).

Актыўна ўдзельнічае ў грамадзкіх кампаніях ў абарону правоў жанчынаў [3], па ахове навакольнага асяродзьдзя[4][5] і ў абарону правоў жывёлаў[6].

2012 год

Творчасьць[рэдагаваць | рэдагаваць крыніцу]

Музыка Эліс-Бэкстар уяўляе сабой мілагучную сумесь поп-музыкі, сучасных танцавальных рытмаў, дыска і характэрных электронных эфэктаў 1980-х гг.

Посьпех да Эліс-Бэкстар прыйшоў ў 2000 годзе пасьля прапановы вядомага італьянскага ды-джэя Сьпілера запісаць вакальную партыю да яго кампазыцыі «Groovejet». Песьня атрымала назву «If This Ain’t Love…» («Калі гэта не каханьне…») і патрапіла на першыя месцы ў шматлікіх гіт-парадах, у тым ліку адразу на першае месца ў Вялікабрытаніі.

У 2001 годзе дэбютны альбом Эліс-Бэкстар «Read My Lips» («Чытай па маіх вуснах») дасягнуў другой пазыцыі ў сьпісе найбольш папулярных у Вялікабрытаніі альбомаў. Гэтай жа вышыні дасягнулі дзьве песьні з альбому: вэрсія песьні Шэр «Take Me Home» («Забяры мяне дамоў») і «Murder on the Dancefloor» («Забойства на танцавальнай пляцоўцы»). Апошняя песьня стала найбольш пасьпяховай у кар’еры сьпявачкі: кампазыцыя заставалася ў сьпісе Топ-40 на працягу 23 тыдняў і стала самай прайграванай песьняй у Эўропе ў 2002 годзе[7].

Другі студыйны альбом сьпявачкі «Shoot from the Hip» выйшаў у 2003 годзе і быў менш пасьпяховым за дэбютны. Дзьве кампазыцыі зь яго — «Mixed Up World» («Складаны сьвет») і «I Won’t Change You» («Я ня буду зьмяняць цябе») — дасягнулі ў сьпісе папулярных песень Вялікабрытаніі адпаведна 6 і 9 месцы.

Трэці альбом сьпявачкі «Trip the Light Fantastic» (2007) стаў залатым: было прададзена больш за 100 тысячаў яго асобнікаў.

У верасьні 2007 году Эліс-Бэкстар прадстаўляла Вялікабрытанію на Сопацкім музычным фэстывалі (Польшча).

У 2013 годзе ўзяла ўдзел у 11-м сэзоне тэлевізыйнага танцавальнага шоў «Strictly Come Dancing» на брытанскім канале «BBC One», дзе выступала разам з прафэсійным танцорам Брэнданам Коўлам.[8] [9] [10]

2007 год

Канцэрты і выступы ў Беларусі[рэдагаваць | рэдагаваць крыніцу]

Дыскаграфія (сольныя студыйныя альбомы)[рэдагаваць | рэдагаваць крыніцу]

Год выданьня Альбом Прафэсійны рэйтынг AllMusic
2001 Read My Lips («Чытай па маіх вуснах») [15] 2.5 з 5 зорак
2003 Shoot from the Hip (шматзначны сэнс: «Страляй ад сьцягна» ці «Здымак ад сьцягна») [16] 3 з 5 зорак
2007 Trip the Light Fantastic («Падарожжа на Вар’яцкую зорку», алюзія на раман Тэры Прачэта, на слэнгу назва альбома азначае «танцаваць», «запальваць») [17] 4 з 5 зорак
2011 Make a Scene (шматзначны сэнс: «Учыні сцэну» ці «Стань заўважным») [18] 3 з 5 зорак
2014 Wanderlust («Прага падарожжаў», у адзабленьні назвы альбому выкарыстаны асобныя кірылічныя літары, а ў музыцы шэрагу песень альбому адчувальны ўплыў усходнеэўрапэйскае музычнае традыцыі)[19] 3.5 з 5 зорак
2016 Familia («Сям’я»; як і папярэдні, гэты альбом мае адметную рэгіянальную накіраванасьць, але гэтым разам — лацінаамэрыканскую)[20] 3.5 з 5 зорак
2019 The Song Diaries (Orchestral Greatest Hits) («Песенныя дзёньнікі (Найвялікшыя хіты з аркэстрам)»; першы афіцыйны зборнік найлепшых песень сьпявачкі)[21] 0 з 5 зорак

Найбольш вядомыя песьні[рэдагаваць | рэдагаваць крыніцу]

  • 2000 — «Groovejet (If This Ain’t Love…)» («Файна (Калі гэта не каханьне…)»)[22]
  • 2001 — «Take Me Home» («Забяры мяне дамоў») [23]
  • 2001 — «Murder on the Dancefloor» («Забойства на танцавальнай пляцоўцы»)[24]
  • 2003 — «Mixed Up World» («Складаны сьвет»)[25]
  • 2003 — «I Won’t Change You» («Я не буду зьмяняць цябе»)[26]
  • 2007 — «Catch You» («Схапіць цябе»)[27]
  • 2007 — «Me and My Imagination» («Я і мая фантазія»)[28]
  • 2007 — «Today the Sun’s on Us» («Сёньня сонца сьвеціць нам»)[29]
  • 2009 — «Heartbreak (Make Me a Dancer)» («Няшчасьце (Зрабі мяне танцоркай)»)[30]
  • 2010 — «Can’t Fight This Feeling» («Не магу змагацца з гэтым пачуцьцём»)[31]
  • 2010 — «Bittersweet» («Горка-салодкі»)[32]
  • 2010 — «Not Giving Up on Love» («Не адмаўляюся ад каханьня»)[33]
  • 2013 — «Young Blood» («Маладая кроў»)[34]
  • 2014 — «Runaway Dreamer» («Летуценьнік-уцякач»)[35]
  • 2014 — «Love Is a Camera» («Любоў гэта фотаапарат»)[36]
  • 2014 — «The Deer and the Wolf» («Алень і воўк»)[37]

Музычны гурт[рэдагаваць | рэдагаваць крыніцу]

  • Клявішныя: Кіран Джэрэмія (Ciaran Jeremiah)
  • Гітара: Сэтан Донт (Seton Daunt)
  • Бас-гітара: Рычард Джоўнз (Richard Jones)
  • Барабаны: Філ Уілкінсан (Phil Wilkinson)
  • Бэк-вакал і скрыпка: Гіта Лэнглі (Gita Langley) і Кэт Паркер (Cat Parker)

Крыніцы[рэдагаваць | рэдагаваць крыніцу]

  1. ^ Showbusiness Award
  2. ^ The Edison Music Awards
  3. ^ Софі Эліс-Бэкстар: я хачу, каб мае дзеці вырасьлі палітычна сьвядомымі
  4. ^ Праграма зелянейшых школаў Софі Эліс-Бэкстар
  5. ^ Софі Эліс-Бэкстар дае старт кампаніі ‘Lights Out London’
  6. ^ «Мех гэта сьмерць», — кажа Софі Эліс-Бэкстар
  7. ^ Murder On The Dancefloor, World Charts
  8. ^ Strictly Come Dancing: Sophie Ellis-Bextor BBC One Праверана 4 лістапада 2013 г.
  9. ^ BBC (27 верасьня 2013) Вальс у выкананьні Софі Эліс-Бэкстар і Брэндана Коўла YouTube
  10. ^ BBC (14 сьнежня 2013) Пасадобль у выкананьні Софі Эліс-Бэкстар і Брэндана Коўла пад музыку Пракоф'ева YouTube
  11. ^ Софі Эліс-Бэкстар «закахалася» ў беларускія бліны БЕЛТА
  12. ^ Харызматычная брытанка Софі Эліс-Бэкстар дала першы канцэрт у Менску Onliner
  13. ^ Фотасправаздача Сьвятланы Ярашук з канцэрту Софі Эліс-Бэкстар Relax.by
  14. ^ A-Fest: мазгабойня, ветлівая міліцыя і цяжарная Софі Эліс-Бэкстар КП ў Беларусі
  15. ^ Рэцэнзія на альбом на Allmusic.com Праверана 31 кастрычніка 2011 г.
  16. ^ Рэцэнзія на альбом на Allmusic.com Праверана 31 кастрычніка 2011 г.
  17. ^ Рэцэнзія на альбом на Allmusic.com Праверана 31 кастрычніка 2011 г.
  18. ^ Рэцэнзія на альбом на Allmusic.com Праверана 31 кастрычніка 2011 г.
  19. ^ Старонка альбому на Allmusic.com Праверана 4 лістапада 2013 г.
  20. ^ Старонка альбому на Allmusic.com Праверана 2 верасьня 2016 г.
  21. ^ Sophie Ellis-Bextor: Orchestral Greatest Hits Праверана 22 ліпеня 2018 г.
  22. ^ YouTube
  23. ^ YouTube
  24. ^ YouTube
  25. ^ YouTube
  26. ^ YouTube
  27. ^ YouTube
  28. ^ YouTube
  29. ^ YouTube
  30. ^ YouTube
  31. ^ YouTube
  32. ^ YouTube
  33. ^ YouTube
  34. ^ YouTube
  35. ^ YouTube
  36. ^ YouTube
  37. ^ YouTube

Вонкавыя спасылкі[рэдагаваць | рэдагаваць крыніцу]

Інтэрвію[рэдагаваць | рэдагаваць крыніцу]