Перайсьці да зьместу

Селядзец пад футрам

Зьвесткі зь Вікіпэдыі — вольнай энцыкляпэдыі
Селядзец пад футрам
2006 год
2006 год
Іншыя назвыселядцовая салата
Тыпсалата
Нацыянальная стравашвэдзкая
ПаходжаньнеШвэцыя
РэгіёнСкандынавія
Дата зьяўленьняпачатак XIX стагодзьдзя
Асноўны складнікселядзец
Распаўсюджаныя складнікібурак, морква, рэпчатая цыбуля і яблык
Падобныя стравывінэгрэт зь селядцом

Селядзе́ц пад фу́трам — рыбная салата з гароднінай.

У 1-й палове XIX стагодзьдзя ў скандынаўскай кухні мела пашырэньне селядцовая салата. У 1845 годзе ангельская кухарская кніга згадвала швэдзкую салату, што зьмяшчала нарвэскі селядзец на дне, пакрыты рэзаным бураком, бульбай, марынаванымі гуркамі, цёртым яблыкам і рубленымі яйкамі. У нарвэскім рэцэпце 1851 году морква замяняла агурок, а складнікі ўкладвалі слаямі. У 2-й палове XIX стагодзьдзя рэцэпт селядца пад футрам зьявіўся ў расейскай кухні. У 1960-я гады салату сталі запраўляць маянэзам.

Складнікі[рэдагаваць | рэдагаваць крыніцу]

Для прыгатаваньня салаты выкарыстоўваюць: 300 грамаў сьмятаны, 200 грамаў хлеба, па 2 буракі і яблыкі, па 2 морквы і рэпчатыя цыбулі, селядзец, 2 сталовыя лыжкі сланечнікавага алею, па сталовай лыжцы воцату і гарчыцы, чайную лыжку чорнага перца і карыцу на кончыку нажа[1].

Прыгатаваньне[рэдагаваць | рэдагаваць крыніцу]

Ступені прыгатаваньня (2007 год)

Па 2 буракі і морквы адварваюць. Абодва яблыкі чысьцяць ад лупіны і сярэдзіны. Затым усё надзіраюць на буйной тарцы. Дзьве цыбулі дробна сякуць і марынуюць 15 хвілінаў з 2 чайнымі лыжкамі цукру і лімоннай кісьляй на канцы нажа. Хлеб (200 грамаў) наразаюць дробнымі кубікамі. Селядзец чысьцяць і наразаюць малымі кубікамі. Для заліўкі зьмешваюць 200 грамаў сьмятаны, па сталовай лыжцы воцату і гарчыцы, чайную лыжку чорнага перца і карыцу на кончыку нажа. Затым салату ўкладваюць слаямі. На дно кладуць кубікі хлеба і селядца, а таксама марынаваную цыбулю, якія паліваюць 2 сталовымі лыжкамі алею. Пасьля кладуць слой яблыкаў, буракоў і морквы, якія паліваюць сьмятанна-гарчычнай заліўкай[1].

Крыніцы[рэдагаваць | рэдагаваць крыніцу]

  1. ^ а б Селядзец пад футрам // Зьвязда : газэта. — 26 кастрычніка 2013. — № 203 (27568). — С. 8. — ISSN 1990-763x.