Прэвідза

Прэвідза
славац. *Prievidza*
	Прэвідза; славац. Prievidza
	Населены пункт
	Помнік Сьвятой Троіцы ў Прэвідзы
Сьцяг	Герб
Краіна	Славаччына
Край	Трэнчынскі край
Першыя згадкі	1113
Дата заснаваньня	1113
Места з	1325
Геаграфія
Плошча	40,5 км²
Вышыня НУМ	280 м
Часавы пас	UTC+1; UTC+2 (летні час);
Каардынаты	48°46′ пн. ш. 18°38′ у. д.HGЯO
Насельніцтва
Колькасьць	50 484 чал. (2009)
Лічбавыя ідэнтыфікатары
Тэлефонны код	0 46
Паштовы індэкс	971 01
Нумарны знак	PD
Сайт	prievidza.sk
	Прэвідза на мапе Славаччыны Прэвідза

Прэ́відза (па-вугорску: Privigye, па-нямецку: Priwitz) — горад у заходняй Славаччыне, на рацэ Нітры ў падножжа горнага масіва Втачнік. Насельніцтва каля 51 тыс. чалавек.

Гісторыя

Прэвідза была ўпершыню згадана ў 1113 годзе ў лісьце зобарскіх бэнэдыкінцаў. У 1325 годзе стала горадам, у 1383 годзе стала вольным каралеўскім горадам. З XVI да першай трэці XVII ст. горад кантралявала сям’я Турза. У 1431—1433 была разбураная гусітамі. У 1599 годзе патрывала напад з боку туркаў. Падчас паўстаньня ў 1673 годзе Прэвідза згарэла ізноў, у пламені была згубленая частка архіва гораду. У 1678 горад разараюць куруцы князя Цёкёя. У 1709—1711 — пошасьць чумы. У 1831 — пошасьць халеры.

У 1870 годзе насельніцва складала 2719 чалавек. З канца XIX — пачатку XX стагодзьдзяў пачынаецца індустрыялізацыя гораду, была пабудаваная чыгунка. Узьнікае фабрыка «Карпатыя». Падчас Другой сусьветнай вайны горад быў адным з цэнтраў партызанаў. Пасьля 1945 году адчыняецца шмат шахтаў і пачынаецца здабыча вугля. Пасьля сканчэньня вайны насельніцтва гораду рэзка ўзрасло з 5000 да 53 000 жыхароў. Прэвідза стаў домам для шматлікіх шахтараў і работнікаў, якія знайшлі работу ў вугальных шахтах, электрастанцыях і хімічным заводзе ў суседнім горадзе Новакі.

Адміністрацыйны падзел

Прэвідза складаецца з 5 раёнаў: Старэ Места, Пілы, Нэцпалы, Копаніцэ, Запатоцкага і трох былых вёскаў, аб’яднаных у раён (Градэц, Мала Легуатка і Велька Легуатка).

Гарады-пабрацімы