Петрапаўлаўск-Камчацкі
| Петрапаўлаўск-Камчацкі рас. Петропавловск-Камчатский | |||||
| Населены пункт | |||||
 Выгляд гораду з боку Авачынскай бухты, далей відаць вулькан Карацкая сопка | |||||
| |||||
| Краіна | Расея | ||||
|---|---|---|---|---|---|
| Суб’ект фэдэрацыі | Камчацкі край | ||||
| Дата заснаваньня | 1740 | ||||
| Горад з | 1812 | ||||
| Кіраўніцтва і ўлада | |||||
| Кіраўнік адміністрацыі | Konstantin Viktorovich Bryzgin[d] | ||||
| Геаграфія | |||||
| Плошча | 362,14 км² | ||||
| Вышыня НУМ | 150 м | ||||
| Часавы пас | UTC+12 | ||||
| Каардынаты | 53°01′ пн. ш. 158°39′ у. д.HGЯO | ||||
| Насельніцтва | |||||
| Колькасьць | 181 015 чал. (2015) | ||||
| Лічбавыя ідэнтыфікатары | |||||
| Тэлефонны код | +7 415,4152 | ||||
| Паштовыя індэксы | 683000–683099 | ||||
| Узнагароды | |||||
| Сайт | pkgo.ru (рас.) | ||||
| Петрапаўлаўск-Камчацкі на мапе Расеі   Петрапаўлаўск-Камчацкі | |||||
.png)
Петрапаўлаўск-Камчацкі (па-расейску: Петропавловск-Камчатский) — горад на Далёкім Усходзе Расеі, адміністрацыйны цэнтар Камчацкага краю. Насельніцтва на 2015 год — 181 015 чалавек. Разьмешчаны ў паўднёва-ўсходняй частцы паўвостраву Камчатка, на берагах Авачынскай бухты Ціхага акіяну. Непадалёк ад гораду знаходзяцца вулканы Каракская Сопка й Авачынская Сопка. Месца дысьлякацыі базы Ціхаакіянскага флёту Расеі.
Гісторыя
[рэдагаваць | рэдагаваць код]Упершыню расейцы дабраліся да Камчаткі і, у тым ліку, да Авачынскай бухты, у 1697 годзе — гэта былі казакі на чале з Уладзімерам Атласавым, якія заснавалі там астрог. 17 кастрычніка 1740 году сюды прычалілі два пакетботы Другой Камчацкай экспэдыцыі, якая мела месца ў 1733—1743 гадох, на чале зь Вітусам Бэрынгам і Аляксеем Чырыкавым — дата, якая лічыцца днём заснаваньня гораду. Але заснавальнікам гораду зьяўляецца штурман мічманскага рангу Іван Ялагін, які па загадзе Бэрынга прыбыў у Авачынскую бухту 10 чэрвеня 1739 году і заснаваў там расейскае пасяленьне. Назву Петрапаўлаўскі астрог атрымаў пазьней ад імёнаў караблёў-пакетботаў «Сьвяты апостал Пётар» і «Сьвяты апостал Павал».
У 1924 горад быў пераназваны ў Петрапаўлаўск-Камчацкі, каб адрозьніваць яго ад Петрапаўлаўску ў Казахстане. 1 ліпеня 2007 горад становіцца адміністрацыйным цэнтрам Камчацкага краю. 3 лістапада 2011 гораду прысвоена званьне Горад воінскай славы.
Насельніцтва
[рэдагаваць | рэдагаваць код]
На 1 студзеня 2015 году насельніцтва Петрапаўлаўску-Камчацкага складала 181 015 чалавек — 104 месца сярод 1114 гарадоў Расеі. Найбольшая колькасьць насельніцтва ў горадзе была зафіксаваная ў 1989 годзе — 268 743 чалавек, пасьля чаго да 2010 году насельніцтва гораду пастаянна памяншалася, і толькі з 2011 зноў назіраўся невялічкі прырост (179 800 чал.), які аднак, усё яшчэ чаргуецца з памяншэньнем.
Паводле перапісу 2010 году, найбольш прадстаўнічымі нацыяльнасьцямі сярод жыхароў гораду зьяўляюцца расейцы — 142 361 чал. (79,19 %), украінцы — 6399 чел. (3,56 %), татары — 1341 чел. (0,75 %) ды беларусы — 1064 чел. (0,59 %). Пражываюць у горадзе і прадстаўнікі шэрагу іншых нацыянальнасьцяў: азэрбайджанцы, карэйцы, армяне, каракі, ітэльмэны, немцы і інш.
Славутасьці
[рэдагаваць | рэдагаваць код]
- Камчацкі дзяржаўны аб’яднаны музэй
- Камчацкі краявы мастацкі музэй
- Музэй ласосю
- Помнік Вітусу Бэрынгу (1826)
- Магіла ангельскага мараплаўцы Чарльза Кларка (1913)
- Помнік Жану-Франсуа Ляпэрузу (1892)
Па-за горадам
[рэдагаваць | рэдагаваць код]- Даліна гейзэраў
- Вульканы (Казельскі, Авачынская Сопка, Карацкая Сопка)
Асобы
[рэдагаваць | рэдагаваць код]- Алег Ерафееў (нар. 1940) — расейскі адмірал
- Анатоль Магілёў (нар. 1955) — украінскі палітык
- Ігар Сьмірноў (нар. 1941) — прэзыдэнт Прыднястроўя ў 1992—2011 гадах
Вонкавыя спасылкі
[рэдагаваць | рэдагаваць код]
Петрапаўлаўск-Камчацкі — сховішча мультымэдыйных матэрыялаў