Парашка (гара)
| Парашка | |
 | |
| Найвышэйшы пункт | |
|---|---|
| Вышыня | 1268,5 м н. у. м. |
| Адносная вышыня | 479 м н. у. м. |
| Геаграфія | |
| Месцазнаходжаньне | Львоўская вобласьць, Сколеўскі раён |
| Кантынэнт | Эўропа |
| Краіна | Украіна |
| Горная сыстэма | Карпаты |
| Парашка на мапе Ўкраіны   Парашка | |
Парашка (па-ўкраінску: Пара́шка або Параска) — гара ва Ўкраінскіх Карпатах, найвышэйшы пункт аднайменнага хрыбту ў Сколеўскіх Бяскідах. Вышыня гары складае 1268,5 м. Месьціцца за 8 км на паўночны захад ад м. Сколе. На схіле гары ўсталяваны памятны камень, на вяршыне — крыж. Згодна з паданьнем гара названая ў гонар Параскі — дачкі (па іншай вэрсіі — жонкі) князя Сьвятаслава Ўладзімеравіча, сына Уладзімера Сьвятаслававіча, якая была забітая на гары дружыньнікамі княза Сьвятаполка Ўладзімеравіча ў 1015 року. Гэтай падзеі папярэднічала бітва паміж Сьвятаполкам Уладзімеравічам і Сьвятаславам Уладзімеравічам каля места Сколе.
Гара Парашка знаходзіцца ў Нацыянальным прыродным парку «Сколеўскія Бяскіды», праз вяршыню праходзіць турыстычны шлях «м. Сколе — Парашка — с. Майдан». Працягласьць якога 28 км.
Схілы гары пакрытыя яловымі лясамі, з букавымі ды бярозавымі зонамі. Травяністае покрыва разнастайнае са шматлікімі рэдкімі расьлінамі, большасьць зь якіх занесеныя ў Чырвоную кнігу Ўкраіны. У падножжа гары бярэ пачатак Вялікая рака. Таксама побач працякаюць Опір і Стрый.
Дадатковыя зьвесткі[рэдагаваць | рэдагаваць крыніцу]
- Гара Парашка зьяўляецца найвышэйшым пунктам у Львоўскай вобласьці. У пагодлівы дзень зь вяршыні Парашкі можна ўбачыць Мікалаеў, Стрый, а часам і Львоў (90 км).
Вонкавыя спасылкі[рэдагаваць | рэдагаваць крыніцу]
Парашка (гара) — сховішча мультымэдыйных матэрыялаў