Навабеліцкі раён (Гомель)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Ля ўезда ў раён

Навабеліцкі раён — адзін з раёнаў гораду Гомля. Разьмешчаны ў паўднёвай яго частцы, на левым беразе ракі Сож. Асноўныя вуліцы раёну — Ільліча, Севастопальская, Зайцава. Зьяўляецца самым старым з сучасных раёнаў гораду.

Гісторыя[рэдагаваць | рэдагаваць крыніцу]

Сьвята-Аляксандра-Неўская царква

Да 1777 году на месцы сучаснага Навабеліцкага раёну знаходзілася пяшчаная забалочаная мясцовасьць з 20 дварамі старавераў (Шчэкатоўская дача) і двума дварамі перасяленцаў зь вёскі Каранёўка (Каранёўская дача). Горад Гомель, які знаходзіўся тады на правым беразе, у 1775 годзе быў падараваны Кацярынай II рускаму вайскаводу графу П. А. Румянцаву-Задунайскаму, які, не жадаючы прысутнасьці ў Гомлі павятовых службоўцаў, выклапатаў дазвол ператварыць Гомель у прыватнаўласьніцкае мястэчка пры ўмове пабудовы ім новага гораду.

За 1777—1786 гады быў пабудаваны новы павятовы цэнтар Новая Беліца, які стаў цэнтрам Беліцкага павету Магілёўскай губэрні. У 1781 годзе Новая Беліца атрымала герб. У 1852, калі горадам валодаў найясьнейшы князь Ф. І. Паскевіч, павятовы цэнтар перамясьціўся ў Гомель і павет стаў звацца Гомельскім, і ў 1854 годзе Новая Беліца была далучаная да Гомля ў якасьці прадмесьця, а на аснове яе герба быў распрацаваны герб Гомля. У пачатку XX стагодзьдзя ў Навабеліцы былі разьмешчаныя досыць буйныя прамысловыя прадпрыемствы: запалкавая фабрыка «Везувій», лесапільная фабрыка, лесапільна-бандарны завод, гарадзкія бойні.

Навабеліцкі раён гораду Гомля быў утвораны ў 1940 годзе, скасаваны ў 1948, ізноў заснаваны ў 1951. У 1950—1960-х гадах да раёну былі далучаныя вёскі Якубоўка, Масьцішча, Хутар.

Глядзіце таксама[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]