Міхась Шаховіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міхась Шаховіч
Асабістыя зьвесткі
Нарадзіўся 20 лістапада 1953(1953-11-20)
Сакі, Гміна Бельск-Падляскі, Бельскі павет, Падляскае ваяводзтва, Польшча
Памёр 5 чэрвеня 2000(2000-06-05) (46 гадоў)
Беласток, Польшча
Пахаваны Беласток
Літаратурная дзейнасьць
Род дзейнасьці паэт
Мова беларуская мова

Міхась Шаховіч (20 лістапада 1953, Сакі, Бельскі павет, Беластоцкае ваяводзтва, Польшча — 5 чэрвеня 2000, Беласток, Польшча) — беларускі паэт.

Біяграфія[рэдагаваць | рэдагаваць крыніцу]

Нарадзіўся 20 лістапада 1953 году ў в. Сакі Бельскага павету Беластоцкага ваяводзтва Польшчы ў сялянскай сям’і[1].

У 1972 годзе скончыў Беларускі ліцэй імя Браніслава Тарашкевіча з беларускай мовай навучаньня ў Бельску Падляскім. У 1972 годзе паступіў на аддзяленьне беларускай філялёгіі Варшаўскага ўнівэрсытэту. У 1975 годзе перайшоў на завочнае навучаньне (скончыў у 1977) і пачаў працаваць журналістам у беларускім штотыднёвіку «Ніва». З 1985 году — адказны сакратар польскага грамадзка-культурнага штомесячніку «Кантрасты». З 1990 году — кіраўнік выдавецкай суполкі «Сумежжа». Сябра Саюзу польскіх пісьменьнікаў з 1985 году.

Жыў у Беластоку, дзе і памёр 5 чэрвеня 2000 году. Пахаваны ў Беластоку на гарадзкіх могілках.

Творчасьць[рэдагаваць | рэдагаваць крыніцу]

Дэбютаваў у 1974 годзе вершам «Туды» на старонках газэты «Ніва». Пісаў на беларускай мове. Аўтар зборнікаў паэзіі «Прамінаньне» (1978), «Сьвятая ноч» (паэма, з паралельным перакладам на польскую мову, 1979), «Напевы» (паэмы, 1987) і зборніку гумарыстычных апавяданьняў «Вада ў рэшаце» (1983).

У 1982 годзе пад яго рэдактарствам выйшаў навуковы зборнік «Мост праз стагодьдзі», прысьвечаны беларуска-польскім культурным узаемасувязям.

Крыніцы[рэдагаваць | рэдагаваць крыніцу]

  1. ^ Месца пад сузор’ямі (Памяці Міхася Шаховіча) 1953—2000 // Ніва № 46 (3001), 17 лістапада 2013 году

Літаратура[рэдагаваць | рэдагаваць крыніцу]

  • Міхась Шаховіч // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: БелЭн, 1992—1995.

Вонкавыя спасылкі[рэдагаваць | рэдагаваць крыніцу]