Міхал Ян Зянковіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Міхал Ян Зянковіч
Міхал Ян Зянковіч. Невядомы мастак, 1762
Міхал Ян Зянковіч. Невядомы мастак, 1762
POL COA Siekierz.svg
Герб «Сястрэнец»
Асабістыя зьвесткі
Нарадзіўся 1670
Памёр 23 студзеня 1762
Род Зянковічы-Ператрускія
Дзейнасьць тытулярны біскуп, ксёндз і сьвятар

Міхал Ян Зянковіч (1670, каля Дарагічына на Падляшшы — 23 студзеня 1762) — рэлігійны й дзяржаўны дзяяч Вялікага Княства Літоўскага. Біскуп-суфраган жамойцкі (ад 1718), пісар вялікі літоўскі (1724—1729), біскуп віленскі (ад 1730).

Біяграфія[рэдагаваць | рэдагаваць крыніцу]

Прадстаўнік шляхецкага роду Зянковічаў-Ператрускіх гербу «Сястрэнец»[1].

Доўгі час быў пробашчам у Барысаве і Лідзе. Ад 1699 году канонік віленскі, архідыякан жамойцкі. 27 красавіка 1718 году зрабіўся біскупам-суфраганам жамойцкім, а ў 1724 годзе — пісарам вялікім літоўскім. Ад 2 кастрычніка 1730 году біскуп віленскі.

Падтрымліваў караля і вялікага князя Станіслава Ляшчынскага. У зьвязку зь перамогай Аўгуста Моцнага мусіў зьехаць у Прусію (1734), адкуль вярнуўся ў 1736 годзе.

Аднавіў Віленскую катэдру, фундаваў у месьце касьцёл Сьв. Язэпа і Нікадзіма, шпіталь Сьв. Лазара. Дзеля павышэньня ўзроўню навучаньня ў Віленскай духоўнай сэмінарыі запрасіў для яе кіраваньня ксяндзоў-камуністаў.

8 верасьня 1750 году быў каранатарам абраза Найсьвяцейшай Панны Марыі ў бэрнардынскім касьцёле Сьв. Міхала (Вільня)[2].

Крыніцы[рэдагаваць | рэдагаваць крыніцу]

  1. ^ Зянковіч Міхал Ян // ВКЛ. Энцыкл. Т. 3. — Менск, 2010. С. 235.
  2. ^ Андрэй Шпунт. Знак асаблівай пашаны // «Наша Вера» № 1 (7), 1999.

Літаратура[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]

Commons-logo.svg Міхал Ян Зянковічсховішча мультымэдыйных матэрыялаў