Мікіта Капленка
| Мікіта Капленка | ||
| Пэрсанальная інфармацыя | ||
|---|---|---|
| Нарадзіўся | 18 верасьня 1995[1] (29 гадоў) | |
| Рост | 190 см | |
| Вага | 83 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Сокал Саратаў[d] | |
| Нумар | 59 | |
| Клюбы | ||
| Гады | Клюб | Гульні (галы)¹ |
| 2015—2019 | Дынама Менск | 73 (0) |
| 2015 | → Бяроза-2010 | 26 (7) |
| 2020 | Тарпэда-БелАЗ | 17 (1) |
| 2021 | Чайка[d] | 11 (0) |
| 2021—2022 | Валгар[d] | 29 (0) |
| 2023—2024 | Шахцёр Салігорск | 31 (1) |
| 2024— | Сокал Саратаў[d] | |
| Зборныя | ||
| 2014—2016 | Беларусь (да 21) | 7 (0) |
Мікі́та Капле́нка (нарадзіўся 18 верасьня 1995 году) — беларускі футбаліст, паўабаронца расейскага «Сокала».
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]Выхаванец дзіцячай школы менскага «Дынама». З 2011 году пачаў выступаць за клюбны дубль. У дублі апусьціўся з першапачатковай пазыцыі нападніка на пазыцыю паўабаронцы. Сэзон 2015 году правёў у арэндзе ў клубе Першай лігі «Бяроза-2010».
У студзені 2016 году «Бяроза-2010» спыніла існаваньне, і Капленка вярнуўся ў «Дынама», дзе стаў працаваць з асноўнай камандай[3]. Сэзон 2016 году, аднак, пачаў у дублі, пазьней стаў трапляць на лаўку запасных асноўнай каманды. 4 чэрвеня 2016 году дэбютаваў у Найвышэйшай лізе, адгуляўшы ўвесь матч супраць берасьцейскага «Дынама» (4:1), і з таго часу замацаваўся ў асноўным складзе менчукоў на пазыцыі апорнага паўабаронцы. У лістападзе 2016 году падпісаў новы двухгадовы кантракт з дынамаўцамі[4]. Пачынаў сэзон 2017 году ў якасьці асноўнага апорнага паўабаронцы. Улетку страціў месца ў складзе і стаў часьцей заставацца на лаўцы запасных, у кастрычніку вярнуўся ў асноўны склад. У красавіку 2018 году падоўжыў кантракт з «Дынама»[5].
Сэзон 2019 году пачынаў у дублі, але з траўня пачаў выступаць у стартавым складзе асноўнае каманды. Зь верасьня часьцей заставаўся на лаве запасных. У студзені 2020 году кантракт з дынамаўцамі быў скасаваны[6], і неўзабаве паўабаронца стаў гульцом жодзінскага «Тарпэда-БелАЗ»[7]. Прапусьціў пачатак сэзона 2020 году, але ў далейшым замацаваўся ў складзе жодзінцаў і дапамог клубу здабыць бронзавыя мэдалі чэмпіянату.
У студзені 2021 году пакінуў «Тарпэда-БелАЗ»[8] і неўзабаве стаў гульцом «Чайкі» з расейскай ФНЛ[9]. У ліпені 2021 году «Чайка» была адпраўленая ў трэці дывізіён. Паўабаронца яшчэ некаторы час гуляў за каманду, аднак у жніўні пакінуў клюб[10]. У верасьні 2021 году далучыўся да складу астраханскага «Валгара»[11]. Пакінуў клюб у лістападзе 2022 году[12]. У сьнежні 2022 году склаў трохгадовую працоўную ўгоду з салігорскім «Шахцёрам»[13]. У складзе клюбу зь Менскай вобласьці быў гульцом першай адзінаццатцы, аднак сэзон 2024 году ўжо страціў такі статус, прапускаючы матчы і не дагульваючы іх цалкам. 28 чэрвеня 2024 году стала вядома, што Капленка паводле ўзаемнай угоды сыходзіць з каманды[14][15]. Ужо на наступны дзень стала вядома, што гулец далучыцца да расейскага «Сокала», да галоўнага трэнэра Аляксея Багі, зь якім Капленка працаваў у «Шахцёры»[16].
Міжнародная
[рэдагаваць | рэдагаваць крыніцу]У 2012 годзе гуляў за зборную Беларусі (да 17 гадоў) ў кваліфікацыі чэмпіянату Эўропы. 25 студзеня 2014 году дэбютаваў у зборнай Беларусі (да 21 году), выйшаўшы на замену ў сярэдзіне другога тайму матчу супраць зборнай Казахстану на Кубку Садружнасьці ў Санкт-Пецярбургу. Пазьней трывала выклікаўся ў моладзевую зборную, хоць часьцей заставаўся на лаўцы запасных. Усяго за моладзевую зборную правёў 7 матчаў.
Дасягненьні
[рэдагаваць | рэдагаваць крыніцу]- Срэбраны прызэр чэмпіянату Беларусі: 2017
- Бронзавы прызэр чэмпіянату Беларусі: 2016, 2018, 2020
- Уладальнік Супэркубка Беларусі: 2023
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дынама Менск | 2016 | Найвышэйшая ліга | 16 | 0 |
| 2017 | Найвышэйшая ліга | 20 | 0 | |
| 2018 | Найвышэйшая ліга | 23 | 0 | |
Крыніцы
[рэдагаваць | рэдагаваць крыніцу]- ^ а б в Nikita Kaplenko // Transfermarkt (мн.) — 2000.
- ^ а б https://www.pressball.by/footballstat/nikita_kaplenko/
- ^ Бондаренко, Капленко и еще три экс-игрока «Березы-2010» вызваны на сбор в минское «Динамо»
- ^ Футбол. Никита Капленко подписал новый контракт с минским "Динамо", рассчитанный сроком на два года
- ^ Капленко и Лапун продлили контракты с минским "Динамо"
- ^ Никита Капленко покинул минское "Динамо"
- ^ Капленко перешел в "Торпедо-БелАЗ"
- ^ Капленко ушел из "Торпедо-БелАЗ"
- ^ Никита Капленко подписал контракт с российской "Чайкой"
- ^ Никита Капленко расстался с "Чайкой"
- ^ Никита Капленко перешел в астраханский "Волгарь" из российской ФНЛ
- ^ Никита Капленко покинул "Волгарь" и близок к контракту с "Шахтером"
- ^ Футбол. Никита Капленко подписал трехлетний контракт с "Шахтером" (рас.). pressball.by (2022-12-23). Праверана 2022-12-23 г. Архіўная копія ад 23 снежня 2022 г.
- ^ Никита Капленко распрощался с "Шахтером". Прессбол.
- ^ Из "Шахтера" ушел еще один опытный игрок
- ^ Никита Капленко перешел в "Сокол" Алексея Баги
Вонкавыя спасылкі
[рэдагаваць | рэдагаваць крыніцу]- Нарадзіліся 18 верасьня
- Нарадзіліся ў 1995 годзе
- Нарадзіліся ў Маладэчне
- Футбалісты клюбу «Сокал» Саратаў
- Футбалісты клюбу «Дынама» Менск
- Футбалісты клюбу «Бяроза-2010»
- Футбалісты клюбу «Тарпэда-БелАЗ» Жодзін
- Футбалісты клюбу «Чайка» Песчанакопскае
- Футбалісты клюбу «Валгар» Астрахань
- Футбалісты клюбу «Шахцёр» Салігорск
- Футбалісты моладзевай зборнай Беларусі
- Беларускія футбалісты