Мікола Гайдук

Мікола Гайдук
Асабістыя зьвесткі
Нарадзіўся	29 траўня 1931(1931-05-29) Кабылянка, Гміна Міхалова, Беластоцкі павет, Падляскае ваяводзтва, Польшча
Памёр	2 верасьня 1998(1998-09-02) (67 гадоў) Беласток, Польская Народная Рэспубліка
Пахаваны	Праваслаўныя могілкі ў Беластоку
Літаратурная дзейнасьць
Род дзейнасьці	пісьменьнік і журналіст
Узнагароды

Міко́ла Гайду́к (29 траўня 1933, в. Кабылянка на Беласточчыне, Польская Рэспубліка — 2 верасьня 1998, Беласток, Польшча) — беларускі пісьменьнік, журналіст, краязнаўца, пэдагог.

Біяграфія

Мікола Гайдук нарадзіўся 29 траўня 1933 году ў вёсцы Кабылянка Беластоцкага ваяводзтва Польскай Рэспублікі ў сялянскай сям’і.

У 1951 годзе скончыў агульнаадукацыйны ліцэй, у 1959 годзе — Беларускі дзяржаўны ўнівэрсытэт.

Працаваў у Агульнаадукацыйным ліцэі зь беларускай мовай навучаньня імя Браніслава Тарашкевіча ў Бельску Падляскім настаўнікам беларускай і лацінскай моў. З 1965 году — дырэктар ліцэя.

У 1986—1988 гадох — намесьнік галоўнага рэдактара газэты «Ніва» (Беласток). Сябра Беларускага літаратурнага аб’яднаньня «Белавежа» з 1958 году. Сябра Саюзу польскіх пісьменьнікаў з 1985 году.

Памёр 2 верасьня 1998 году. Пахаваны на гарадзкіх могілках Беластоку.

Творчасьць

Друкаваўся з 1957 году ў газэці «Ніва». Аўтар зборніку вершаў «Ціш», апавяданьняў, аповесьцей і гістарычных эсэ «Трызна», «Паратунак», «Брэсцкая унія», казак, артыкулаў, нарысаў.

Выступае як публіцыст, літаратуразнаўца і перакладчык паэзіі з польскай на беларускую мову. Апублікаваў каля 600 уласных запісаў беларускіх песень з нотамі, краязнаўчы слоўнік. Суаўтар падручнікаў на беларускай мове для 3, 4, 5 класаў (1962—1987) (па 3 выданні) і «Граматыкі беларускай мовы для 5-8 класаў беларускай пачатковай школы» (1975).

Аўтар працы па гісторыі праваслаўя «Берасьцейская царкоўная ўнія 1596 году» (1996).

Бібліяграфія

• «Ціш» (Беласток, 1988)
• «Белавежскія паданні» (па-польску, Беласток, 1990)
• «Трызна» (1991)
• «Паратунак» (1993)
• «Белавежскія быліцы і небыліцы» (1996)
• «Легенды Беласточчыны» (1997)

Узнагароды

• Заслужаны дзяяч культуры Польшчы (1986),
• ордэн Адраджэньня Польшчы,
• срэбраны крыж Заслугі,
• залаты крыж Заслугі,
• ордэн Сьвятой роўнаапостальнай Марыі Магдалены III ступені (1993),
• ордэн Сьвятойроўнаапостальнай Марыі Магдалены II ступені (1995).

Вонкавыя спасылкі

• Анна Шайкоўская (2 верасьня 2010) 12 гадоў без Міколы Гайдука. Радыё «Рацыя». Праверана 2 верасьня 2010 г.
• Биография, Гайдук Мікола (Гойдук Микола, Николай). Біяграфія.. SLOVO.ws. Праверана 2 верасьня 2010 г.
• Валянціна Швед Гайдук Мікола Раманавіч. Pracownia Filmu, Dźwięku i Fotografii Niezbudka. Праверана 29 чэрвеня 2015 г.