Маспэкс

«Маспэкс»
	польск. Maspex
Тып	таварыства з абмежаванай адказнасьцю
Заснаваная	1990
Краіна	Польшча
Разьмяшчэньне	Малапольскае ваяводзтва
Адрас	Вадавіцы, вул. Шапэна, д. 10
Ключавыя фігуры	Кжыштаф Павінскі
Галіна	харчовая прамысловасьць
Прадукцыя	гарэлка, крупы, макарона, нэктар, сок
Абарачэньне	14,27 млрд злотых (2022 год; 3,212 млрд $)
Чысты прыбытак	7,9 млн € (2018);
Лік супрацоўнікаў	7500 (2018 год)
Даччыныя кампаніі	MASPEX Czech[d]
	maspex.com
	«Маспэкс» у Вікісховішчы

Каардынаты: 49°52′55″ пн. ш. 19°30′20″ у. д. / 49.88194° пн. ш. 19.50556° у. д. / 49.88194; 19.50556

«Маспэкс» — харчовы холдынг Польшчы, заснаваны ў 1990 годзе ў Вадавіцах (Малапольскае ваяводзтва).

На 2023 год быў найбольшым прыватным прадпрыемствам харчовай прамысловасьці Польшчы і адным з найбольшых у Сярэдняй і Ўсходняй Эўропе. Быў асноўным пастаноўніком нектараў і сокаў у Польшчы, Румыніі, Славаччыне і Чэхіі. Пры гэтым быў вядучым іх вытворцам у Баўгарыі, Вугоршчыне, Латвіі і Летуве. Таксама ў Польшчы займаў вядучае месца ў вытворасьці кетчупа і кансэрваў з агародніны, як і ў пастаўцы джэмаў, макаронаў і падліваў. Урэшце, ажыцьцяўляў найбольшыя пастаўкі гарэлкі, у тым ліку з-за мяжы. Меў 17 заводаў на 160 вытворчых лініяў. Выпускаў 4000 найменьняў вырабаў пад 70 таварнымі знакамі^[2].

Вытворчасьць і збыт

За 2022 год «Маспэкс» перапрацаваў 280 тыс. тонаў агародніны і садавіны, а таксама перамалоў 130 000 тонаў пшаніцы. Заводы месьціліся ў 5 краінах Сярэдне-Ўсходняй Эўропы:

10 у Польшчы — Абарнікі (Велікапольскае ваяводзтва), Альштынак і Коршы (Вармінска-Мазурскае ваяводзтва), Беласток, Вадовіцы і Тымбарк (Малапольскае ваяводзтва), Вонсаш Дольны і Тыхы (Сылескае ваяводзтва), Ловіч (Лодзінскае ваяводзтва) і Люблін;
4 у Румыніі — Ватра Дорней (Сучаўскі павет), Валеній-дэ-Мунтэ (Прахаўскі павет), Джурджу і Тымішаара;
па адным у Баўгарыі (Велінград, Пазарджыцкая вобласьць), Вугоршчыне (Ньярлёрынц, Бач-Кішкунскі павет) і Чэхіі (Вэсэлі-над-Лужніцы, Паўднёвачэскі край)^[4].

Складзкая гаспадарка налічвала 4 даставачна-распаўсюдніцкія асяродкі і 19 складоў у Баўгарыі, Вугоршчыне, Польшчы, Румыніі і Чэхіі на 450 000 паддонаў з магчымасьцю адгрузкі да 20 000 паддонаў за дзень^[5].

Тавары прадавалі ў больш як 270 гандлёвых сетках звыш 70 краінаў. Большасьць збыту ішло ў краіны Эўропы, Паўночнай Амэрыкі, Паўднёва-Заходняй і Ўсходняй Азіі. Аснову паставак складалі сокі, нэктары, кава, шакаляд, вяршкі, гарбата, какава, макарона, энэргетычныя напоі, кансэрвы з агародніны і садавіны, а таксам кетчуп. Вядучую долю адпаведныя тавары займалі ў такіх краінах Эўропы, як Баўгарыя, Вугоршчына, Румынія, Славаччына, Украіна і Чэхія, а таксама на Балканах і ў Прыбалтыцы^[6].

Мінуўшчына

У 1990 годзе заснавалі прадпыремства «Маспэкс», якое занялося пакаваньнем какавы і кавы. У 1995 годзе «Маспэкс» набыў «Польскую ежу» ў Альштынку (Вармінска-Мазурскае ваяводзтва), што вырабляла сокі «Кубусь». У 1998 гадох заснавалі прадстаўніцтвы ў Вугоршчыне, Румыніі, Славаччыне і Чэхіі. У 1999 годзе набылі прадпрыемствы «Анін» і «Тымбарк» (Ліманоўскі павет), якія выпускалі нэктары. У сакавіку 2003 году прыдбалі «Любэлу» (Люблін), што вырабляла крупы, макарону і муку. У верасьні 2003 году набылі «Польскі лек», які выпускаў вітаміны і шыпучыя таблеткі ад застуды. У 2004 годзе выкупілі чэскую вытворчасьць сокаў «Вальмарк» і вугорскага вытворцу нэктараў «Алімпас». У 2005 годзе набылі баўгарскага вытворцу сокаў «Куінс», а ў Вугоршчыне выкупілі «Плюш Вітамін» і вытворцу мінэральнай вады «Апэнта». У 2007 годзе быў набыты румынскі вытворца макароны «Арнос» (Арадзя)^[2].

У 2008 годзе набылі расейскі завод напояў «Марк IV», які прадалі ў 2021 годзе. У 2015 годзе «Маспэкс» набыў плодаагароднінны завод «Аграс Нова» ў Котліне (Ярацінскі павет), які выпускаў адпаведныя кансэрвы пад таварнымі знакамі «Доктар Віт», «Кракус», «Ловіч», «Тарчын», «Улацлавак» і «Фруктус». У 2016-м дадалі румынскі завод мінэралкі «Рыё Букавіна». У 2022 годзе набылі «Сярэднеэўрапейскую карпарацыю распаўсюду» (Варшава), якая была найбольшым у сьвеце вытворцам гарэлкі, якую выпускала пад таварнымі знакамі «Жуброўка», «Сопліца», «Абсальвэнт», «Больс», «Жытнёўка» і «Райская». За 2022 год выпусьцілі звыш 2,2 млрд літраў нэктараў і сокаў, 280 000 тонаў крупаў і макаронаў, 180 000 тонаў джэмаў і варэньня, а таксама 155 млн літраў алькаголю^[2].

Крыніцы

^ Зьвесткі для сувязі (пол.) // ТАА «Маспэкс», 2023 г. Праверана 28 сакавіка 2023 г.
^ ^а ^б ^в ^г Аб прадпрыемстве (пол.) // ТАА «Маспэкс», 2023 г. Праверана 28 сакавіка 2023 г.
^ https://www.coface.cz/content/download/186543/3096111/file/CER-CZ-CEE_Top_500_2019_booklet.zip — Compagnie Française d'Assurance pour le Commerce Extérieur, 2019.
^ Вытворчасьць (пол.) // ТАА «Маспэкс», 2023 г. Праверана 28 сакавіка 2023 г.
^ Дастаўка (пол.) // ТАА «Маспэкс», 2023 г. Праверана 28 сакавіка 2023 г.
^ Замежныя продажы (пол.) // ТАА «Маспэкс», 2023 г. Праверана 28 сакавіка 2023 г.

Вонкавыя спасылкі

Навіны (пол.) // ТАА «Маспэкс», 2023 г. Праверана 28 сакавіка 2023 г.
- Заводы (пол.)

Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго.

[1] Зьвесткі для сувязі (пол.) // ТАА «Маспэкс», 2023 г. Праверана 28 сакавіка 2023 г.

[а-2] а ^б ^в ^г Аб прадпрыемстве (пол.) // ТАА «Маспэкс», 2023 г. Праверана 28 сакавіка 2023 г.

[_ed46df4aa41e779b-3] ttps://www.coface.cz/content/download/186543/3096111/file/CER-CZ-CEE_Top_500_2019_booklet.zip — Compagnie Française d'Assurance pour le Commerce Extérieur, 2019.

[4] Вытворчасьць (пол.) // ТАА «Маспэкс», 2023 г. Праверана 28 сакавіка 2023 г.

[5] Дастаўка (пол.) // ТАА «Маспэкс», 2023 г. Праверана 28 сакавіка 2023 г.

[6] Замежныя продажы (пол.) // ТАА «Маспэкс», 2023 г. Праверана 28 сакавіка 2023 г.

[1]

[2]

[3]

[4]

[5]

[6]