Маларыта (рака)
| Маларыта лац. Małaryta | |
| Агульныя зьвесткі | |
|---|---|
| Выток | каля в. Арэхава |
| Вусьце | Рыта |
| Краіны басэйну | Беларусь |
| Вобласьці | Берасьцейская вобласьць |
| Даўжыня | 30,5 км |
| Сярэднегадавы сьцёк | 2,5 м³/с |
| Плошча басэйну | 602 км² |
| Нахіл воднай паверхні | 0,2 ‰ |
| Асноўныя прытокі | |
| Правыя | Верхняя Рыта |
Малары́та — рака ў Беларусі, левы прыток ракі Рыты (басэйн Віслы). Цячэ ў Маларыцкім раёне Берасьцейскай вобласьці. Даўжыня 30,5 км. Плошча вадазбору 602 км². Выдатак вады ў вусьці 2,5 м³/с. Сярэдні нахіл воднай паверхні 0,2‰.
Пачынаецца за 2 км на поўнач ад вёскі Арэхава ад аўтамабільнай дарогі Арэхава — Олтуш і ёсьць працягам канала Сярэдняга Рова (раней выцякала з Арэхаўскага возера, але ў выніку мэліярацыйных працаў выток ракі быў засыпаны). Вусьце за 2 км на паўночны ўсход ад вёскі Замшанаў. Цячэ Берасьцейскім Палесьсем.
Даліна невыразная. Схілы спадзістыя, парэзаныя сеткай меліярацыйных каналаў, пад лесам і разараныя. Абалона двухбаковая, нізкая, асушаная, шырынёй 1—1,5 км. Рэчышча на ўсім працягу каналізаванае, шырыня яго 6—8 м. Берагі выраўнаваныя, вышынёй да 2 м. Рака прымае сьцёк з мэліярацыйных каналаў[1].
Крыніцы
[рэдагаваць | рэдагаваць крыніцу]- ^ Блакітная кніга Беларусі. Энцыкл. — Мн.: 1994. С. 236—237.
Літаратура
[рэдагаваць | рэдагаваць крыніцу]- Блакітная кніга Беларусі: энцыкл / Рэдкал.: Н. А. Дзісько, М. М. Курловіч, Я. В. Малашэвіч і інш.; Маст. В. Г. Загародні. — Мн.: БелЭн, 1994. — 415 с. — ISBN 5-85700-133-1
- Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил.
- Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1—2. — Л., 1971.