Майкл Бантынг
| Майкл Бантынг | ||
|---|---|---|
| ||
| Рост | 183 см[1] | |
| Вага | 89 кг | |
| Пазыцыя | нападнік | |
| Грамадзянства | ||
| Дата нараджэньня | 17 верасьня 1995[1] (29 гадоў) | |
| Месца нараджэньня | ||
| Клюб | Пітсбург Пінгвінз | |
| Выступаў за | ||
| Драфт НХЛ | 117, 2014 Арызона Каётыз | |
| Гульнявая кар’ера | 2015 — цяпер | |
Майкл Бантынг (па-ангельску: Michael Bunting; нар. 17 верасьня 1995 году) — канадзкі хакеіст, нападнік клюбу «Пітсбург Пінгвінз» з Нацыянальнай хакейнай лігі. У 2014 годзе быў абраны на драфце НХЛ клюбам «Нью-Джэрзі Дэвілз» у чацьвертым раўндзе пад агульным 117-м нумарам.
Кар’ера
[рэдагаваць | рэдагаваць крыніцу]Юнаком гуляў у шэрагу канадзкіх юнацкіх лігаў. У драфце НХЛ у 2014 годзе «Арызона Каётыз» выбрала Бантынга ў чацьвертым раўндзе пад агульным 117-м нумарам. 23 ліпеня 2015 году гулец склаў трохгадовы кантракт пачаткоўца з «Каётыс». У сэзоне 2015—2016 гадоў быў выпраўлены ў клюб «Спрынгфілд Фэлканз» з Амэрыканскай хакейнай лігі. Аднак, перш чым згуляць за спрынгфілдзкі клюб далучыўся да каманды «Рэпід-Сіці Раш» з Хакейнай лігі Ўсходняга ўзьбярэжжа[2]. У наступных сэзонах абараняў колеры клюбу «Тусан Роўдранэрз»[3]. 13 кастрычніка 2018 году згуляў свой 200-ы матч у АХЛ. Та гульня была супраць «Бэйкерсьфілд Кондарз»[4]. У канцы году быў выкліканы ў «Арызону Каётыз», дзе запачаткаваў кар’еру ў НХЛ. У першым жа матчы адзначыўся голам у браму «Бостан Бруінз»[5]. Пасьля вярнуўся ў АХЛ, дзе яшчэ згуляў некалькі сэзонаў.
Зьяўляючыся вольным агентам, 28 ліпеня 2021 году Бантынг падпісаў двухгадовы кантракт з «Таронта Мэйпл Ліфс» на суму 1,9 мільёнаў даляраў[6]. Большую частку сэзону гуляў левым нападнікам у зьвяне з Астанам Мэт’юзам і Мітчам Марнэрам. 29 студзеня 2022 году адзначыўся хет-трыкам. У другі сэзон гульца ў Таронта, ягоныя зносіны з судзьдзямі пагоршыліся, у выніку сам клюб ініцыяваў сустрэчу з кіраўніцтвам НХЛ, каб абмеркаваць перадузятае судзейства ў бок Бантынга[7]. Улетку 2023 году вольным агентам далучыўся да «Караліны Гарыкейнз», а амаль праз год быў абменены у «Пітсбург Пінгвінз».
Крыніцы
[рэдагаваць | рэдагаваць крыніцу]- ^ а б в г https://www.iihf.com/en/events/2024/wm/teams/roster/45147/canada — Міжнародная фэдэрацыя хакею на лёдзе.
- ^ «Michael Bunting, Dakota Mermis recalled to Springfield Falcons». MassLive.
- ^ «Coyotes to buy Springfield Falcons, move AHL club to Tucson». ESPN.
- ^ «Roadrunners 2, Condors 1». AHL.
- ^ «Marchand has 2 goals, 1 assist as Bruins beat Coyotes 4-3». ESPN.
- ^ «Maple Leafs sign Michael Bunting for two-years». Sportsnet.
- ^ «Keefe says Dubas will talk to league about Bunting calls». TSN.
Вонкавыя спасылкі
[рэдагаваць | рэдагаваць крыніцу]- Нарадзіліся 17 верасьня
- Нарадзіліся ў 1995 годзе
- Нарадзіліся ў Антарыё
- Канадзкія хакеісты
- Хакеісты зборнай Канады
- Хакеісты клюбу «Спрынгфілд Фэлканз»
- Хакеісты клюбу «Рэпід-Сіці Раш»
- Хакеісты клюбу «Тусан Роўдранэрз»
- Хакеісты клюбу «Арызона Каётыз»
- Хакеісты клюбу «Таронта Мэйпл Ліфс»
- Хакеісты клюбу «Караліна Гарыкейнз»
- Хакеісты клюбу «Пітсбург Пінгвінз»