Магда Вашар’ява

Магда Вашар’ява
Magda Vášáryová
славацкая акторка, палітык, дыплямат
Дэпутат Нацыянальнага сходу Славаччыны
17 чэрвеня 2006 — сакавік 2016
Амбасадарка Славаччыны ў Польшчы
2000 — 2005
Папярэднік	Ондрэй Немчак
Наступнік	Францішак Ружычка
Амбасадарка ЧСФР у Аўстрыі
1990 — 1993
Наступнік	Павал Яйтнэр
Асабістыя зьвесткі
Нарадзілася	26 жніўня 1948 (77 гадоў) Банская Шцьяўніца, Чэхаславаччына
Партыя	СДХУ — ДП
Адукацыя	Унівэрсытэт Коменскага
Сужэнец	Мілан Ласіца[d] і Dušan Jamrich[d]
Дзеці	Гана, Зоф’я
Узнагароды	Заслужаны артыст Чэхаславаччыны[d] (1988) ганаровы доктар Масарыкава ўнівэрсытэту[d] Martin Porubjak Award[d] Golden Slipper for Unique Contribution to films for children[d] (2018) Annual award ACFK[d] (2017)

У Вікіпэдыі ёсьць артыкулы пра іншых людзей з прозьвішчам Вашар’ява.

Ма́гда (Магдале́на) Ваша́р’ява (па-славацку: Magda Vášáryová; нар. 26 жніўня 1948, Банская Шцьяўніца, Чэхаславаччына) — славацкая акторка, дыпляматка, дзяржаўная дзяячка.

Жыцьцяпіс

Скончыла матэматычна-фізычную гімназію ў Браціславе, філязофскі факультэт Ўнівэрсытэту Коменскага ў Браціславе (1966—1971).

Тэатральную кар’еру пачала ў 1970 року. Працавала ў тэатрах „Новая сцэна“ (1971—1983), Славацкім нацыянальным тэатры (1983—1990).

У 1990—1993 — амбасадарка ЧСФР у Аўстрыі.

3 траўня 1993 заснавала Славацкае таварыства замежнай палітыкі, зьяўлялася ягонай кіраўніцай да 2000 року.

Брала ўдзел у прэзыдэнцкіх выбарах 1999 року, атрымала 6,6% галасоў выбарцаў.

У 2000—2005 — амбасадарка Славаччыны ў Польшчы.

З 21 лютага 2005 — намесьніца міністра замежных і эўрапейскіх справаў у другім урадзе Мікулаша Дзурынды.

Улетку 2005 року ўступіла ў Славацкую дэмакратычную і хрысьціянскую унію. Ад яе абраная дэпутаткай парлямэнту 2006 року скліканьня, у 2010 року пераабраная. Выйшла з партыі СДКУ — ДП 12 сьнежня 2013 року.

Валодае ангельскай, нямецкай, польскай, расейскай, сэрсбкахарвацкай і францускай мовамі.

Творчасьць

Дэбютавала ў кіно ў 15-гадовым веку (роля дзяўчынкі Эвы ў фільме „Senzi mama“). Пасьля галоўнай ролі ў фільме Францішка Ўлачыла „Маркета Лазарава“ стала адной з найпапулярнейшых акторак у краіне. Сярод шматлікіх роляў асабліва вылучаюцца здымкі ў фільмах „Радуз і Магулена“, „Уцекачы і пілігрымы“, „Прынц Баяя“, „Русалка“, „Пастрыжыны“

Аўтарка кнігі ўспамінаў пра Банскую Шцьяўніцу „Krátke listy jednému mestu“ (1988).

Фільмаграфія

• 1964: „Senzi mama“ (Эва)
• 1965 – „Markéta Lazarová“ (Маркета Лазарава)
• 1968: „Sladký čas Kalimagdory“ (Малімагдара)
• 1968: „Zbehovia a pútnici“ (Дамініка)
• 1969: „Kráľovská poľovačka“ (Марта ў маладосьці)
• 1969: „Vtáčkovia, siroty a blázni“ (Марта)
• 1970: „Na kometě“ (Анжэліка)
• 1970: „Radúz a Mahulena“ (Магулена)
• 1971: „Hry lásky šálivé“ (служка)
• 1971: „Princ Bajaja“ (Славена)
• 1972: „…a pozdravuji vlaštovky“ (Марушка Кудэржыкава)
• 1973: „Deň slnovratu“ (Бланка)
• 1973: „Skrytý prameň“ (Марыя)
• 1974: „Die Wahlverwandtschaften“ (Атылія)
• 1976: „Koncert pre pozostalých“
• 1977: „Rusalka“ (Русалка)
• 1978: „Krutá ľúbosť“ (Крыстка')
• 1978: „Pustý dvor“ (Крысьціна)
• 1980: „Postřižiny“ (Марыя)
• 1980: „Temné slunce“ (Крыс)
• 1984: „Noc smaragdového měsíce“ (Слаўка)
• 1985: „Tichá radosť“ (Соня)
• 1986: „Lev s bílou hřívou“ (Калма Вэсэла)
• 1986: „Alžbetin dvor“ (Цэлеста Фабічы)
• 1986: „Zkrocení zlého muže“ (Тэрэза Бур’янава)
• 1987: „Južná pošta“ (Марыя Юркавічава)
• 1987: „Svět nic neví“ (Іржына Сьцейнава)
• 1988: „Eugen Onegin“ (Тацяна)
• 1990: „Súkromné životy“ (Алена)

Прэміі і ўзнагароды

• Заслужаная артыстка Чэхаславаччыны (1988)
• Залаты мэдаль „За заслугі ў культуры Gloria Artis“ (2010)
• прэмія Ганны Р. Эленбоген Праскага таварыства міжнароднага супрацоўніцтва за дзяржаўную службу і пажыцьцёвую барацьбу з карупцыяй (2016)

Сям’я

Сястра акторкі Эміліі Вашар’явай.

Першы муж — актор Душан Ямрых. Другі — Мілан Ласіца. Мае двух дачок.

Вонкавыя спасылкі

• Магда Вашар’ява (анг.) на сайце IMDb
• Магда Вашар’ява  (чэс.) у Чэхаславацкай базе кіназьвестак