Маанзундзкі архіпэляг

Маанзундзкі архіпэляг
па-эстонску: Lääne-Eesti saarestik
Амываючыя акваторыі	, Балтыйскае мора
Колькасьць астравоў	4
Найбуйнейшы востраў	Саарэмаа
Агульная плошча	3933 км²
Найвышэйшы пункт	68 м
Краіна	Эстонія
Насельніцтва	46 000 чал. (2003)
Шчыльнасьць насельніцтва	11,7 чал./км²
Каардынаты	58°30′ пн. ш. 23°00′ у. д.
Маанзундзкі архіпэляг на мапе Эстоніі Маанзундзкі архіпэляг

Маанзундзкі архіпэляг (ад нямецкай назвы праліву Муху-Вяйн — Moonsund), або Заходні Эстонскі архіпэляг (па-эстонску: Lääne-Eesti saarestik) — група астравоў ва ўсходняй частцы Балтыйскага мора, належыць Эстоніі.

Агульная плошча — каля 4 тысячаў км². У склад архіпэлягу ўваходзяць чатыры буйныя астравы: Саарэмаа, Хіюмаа, Муху і Вормсі і каля 500 дробных. Ад мацерыка аддзяляецца пралівам Вяйнамэры, які складаецца з праліваў Суўр-Вяйн паміж мацерыком і Муху і Вааз-Вяйн паміж мацерыком і Вормсам. Найбольшая вышыня — 54 м (ўзгорак Раўнамягі на востраве Саарэмаа).

Клімат умераны марскі, лагодны. Сярэдняя тэмпэратура студзеня складае −4 °C, ліпеня — 17 °C. Ападкаў 550 мм у год. Вялікая колькасьць азёр. Астравы малаўрадлівыя, бо складаюцца галоўным чынам з вапнякоў і марскіх адкладаў антрапагэну. Глебы друзавыя і пясчаныя. Расьліннасьць прадстаўлена лугамі і беднымі хваёвымі лясамі, па берагах сустракаюцца зарасьнікі трысьнягу.

На астравах ёсьць запаведнікі Війдумяэ й Вільсандзі. Найбуйнейшыя гарады — Курэсаарэ (Саарэмаа, насельніцтва — 14 тысячаў чалавек) і Кярдла (Хіюмаа, 4 тысячы чалавек).