Лясныя могілкі (Стакгольм)

Лясныя могілкі анг. Skogskyrkogården
Сусьветная спадчына ЮНЭСКО
Краіна	Швэцыя
Тып	культурны
Крытэры	ii, iv
ID	558
Рэгіён	Эўропа і Паўночная Амэрыка
Гісторыя ўключэньня
Уключэньне	1994 (18)

Лясныя могілкі (па-швэдзку: Skogskyrkogården) — могілкі, разьмешчаныя ў паўднёвай частцы Стакгольму, Швэцыя. Адлюстроўваюць разьвіцьцё архітэктуры ад рамантычнага нацыяналізму да сталага функцыяналізму.

Гісторыя стварэньня

Статуя на капліцы Сьвятога крыжа

Капліца Ўваскрасеньня

У 1915 годзе быў абвешчаны міжнародны конкурс на праект новых могілак у Эншэдзе на поўдні Стакгольму. Быў абраны праект маладых архітэктараў руху функцыяналізму Гунара Асплюнда і Сыгурда Левэрэнца. Працы распачаліся ў 1917 годзе на тэрыторыі старога кар'ера, зарослага хвоямі, і працягваліся тры гады. Выкарыстаньне архітэктарамі натуральнага ляндшафту дазволіла ім стварыць дзіўную атмасфэру спакою, што ў наступным мела моцны ўплыў на праекты могілак па ўсім сьвеце.

Апошняя архітэктурная праца Гунара Асплюнда, крэматорый з капліцамі Веры, Надзеі і Сьвятога крыжа, адкрыўся неўзабаве пасьля яго сьмерці ў 1940 годзе. У 1994 годзе Лясныя могілкі былі ўнесеныя ў сьпіс Сусьветнай спадчыны, і, хоць на іх няма такой колькасьці вядомых пахаваньняў, як на Паўночных могілках Стакгольму, Лясныя могілкі зьяўляюцца буйною турыстычнаю славутасьцю. У Павільёне Талюм наведвальнікам прапаноўваецца да агляду выстава, прысьвечаная могілкам, іхнай гісторыі і двум архітэктарам, якія іх стварылі.

Асобы, пахаваныя на Лясных могілках

Магіла Грэты Гарбу на Лясных могілках

• Гунар Асплюнд — архітэктар
• Грэта Гарбу — акторка
• Эйвінд Юнсан — пісьменьнік, ляўрэат Нобэлеўскай прэміі па літаратуры

Глядзіце таксама

• Паўночныя могілкі (Стакгольм)

Вонкавыя спасылки

Лясныя могілкі (Стакгольм) — сховішча мультымэдыйных матэрыялаў