Люцыя Попава

Люцыя Попава
Дата нараджэньня	12 лістапада 1939(1939-11-12)[…]
Месца нараджэньня	Загарская Вэс[d], Малацкі, Браціслаўскі край, Славаччына
Дата сьмерці	16 лістапада 1993(1993-11-16) (54 гады)
Месца сьмерці	Мюнхэн, Нямеччына
Прычына сьмерці	рак мозгу[d]
Месца пахаваньня	Славічча удальле[d]
Месца вучобы	Вышэйшая школа музычнага мастацтва[d]
Занятак	опэрная сьпявачка
Жанры	опэра
Вакал	каляратурнае сапрана[d]
Інструмэнты	голас
Лэйблы	EMI[d], EMI Classics[d], Decca Records[d], Нямецкі грамафон[d] і Philips Records[d]
Узнагароды	Österreichischer Kammersänger[d]
Люцыя Попава ў Вікісховішчы

Лю́цыя По́пава (па-славацку: Lucia Poppová), у замежжы Люцыя Поп (Lucia Popp; 12 лістапада 1939, Загарская Вэс — 16 лістапада 1993, Мюнхэн) — славацкая опэрная сьпявачка (сапраністка).

Жыцьцяпіс

Нарадзіліся ў сям’і інжынэра і сапрана; ад маці вучылася сьпяваць у дзяцінстве.

Сьпярша вывучала мэдыцыну ў Браціславе, аднак пасьля другога сэмэстру перавялася ў Вышэйшую школу музычнага мастацтва, навучалася ў славацкай опэрнай сьпявачкі Ганны Грушаўскай(d).

У 1963 року на запрашэньне Гербэрта фон Караяна далучылася да Аўстрыйскай дзяржаўнай опэры. У 1966 року дэбютавала ў Ковэнт-Гардэне, а праз год — у Мэтраполітэн-опэры. Выступала ў Нямеччыне (Кёльн, Мюнхэн), ЗША (Нью-Ёрку), аднак усю кар’еру зьвязала зь Венскай опэрай, дзе ў 1979 року атрымала званьне камэрнай сьпявачкі(d).

Акрамя опэрных партыяў, зьнялася ў славацкім фільме пра Юрая Янашыка (1963) і ў «Вясёлых ўіндзарскіх жонках(d)» (1965).

Памерла ў Мюнхэне ад раку мозгу ў 54-гадовым веку. Пахаваная ў браціслаўскай «Салаўінай даліне(d)».

Сям’я

Першы муж — вугорскі піяніст і кампазытар Дзьёрдзь Фішэр. У 1973 року завяла працяглыя стасункі зь Пітэрам Джонасам(d), мастацкім кіраўніком Чыкагскім сымфанічным аркестрам. Другі шлюб скончыўся разводам. У 1986 року выйшла за нямецкага тэнара Пэтэра Зайфэрта.

Памяць

12 чэрвеня 2017 року ў Венская дзяржаўнай опэры ўсталяваны бюст Люцыі Попавай.

Выбраная дыскаграфія

• The very best of Lucia Popp (EMI)
• Mozart: Opera Arias. Lucia Popp, Leslie Pearson, English Chamber Orchestra, Münchner Rundfunkorchester, Georg Fischer, Leonard Slatkin (EMI)
• Richard Strauss: Songs. Lucia Popp, Wolfgang Sawallisch (EMI)
• Brahms, Mahler: Lieder. Lucia Popp, Geoffrey Parsons (Arts Music)
• Popp — Schubert, Schoenberg, Strauss, Dvorák, Mahler, Brahms (BBC Legends)
• Mozart: Die Zauberflöte (DVD). Lucia Popp, Kurt Moll, Wolfgang Sawallisch (Deutsche Grammophon)

Вонкавыя спасылкі

• Люцыя Попава (анг.) на сайце IMDb
• Люцыя Попава: непаўторная опэрная дзіва  (славацк.)
• Жыцьцяпіс  (анг.) на «Кантатах Баха»
• Нямецкія біяграфіі  (ням.)