Перайсьці да зьместу

Ордэн падвойнага Белага крыжа

Зьвесткі зь Вікіпэдыі — вольнай энцыкляпэдыі
Ордэн падвойнага Белага крыжа
I ступені
II ступені
III ступені
Арыгінальная назва Rad Bieleho dvojkríža
Краіна Славаччына
Тып ордэн
Каму ўручаецца замежным грамадзянам
Статус уручаецца
Статыстыка
Дата заснаваньня 2 лютага 1994
Чарговасьць
Малодшая ўзнагарода Ордэн Андрэя Глінкі

Ордэн падвойнага Белага крыжа (па-славацку: Rad Bieleho dvojkríža) — першая па старшынстве славацкая дзяржаўная ўзнагарода, прызначаная выключна для замежных грамадзянаў. Ордэн Людавіта Штура ўсталяваны законам № 37/1994 2 лютага 1994 году.

Ім узнагароджваюць грамадзянаў іншых дзяржаваў за выбітныя заслугі па ўсебаковым разьвіцьці стасункаў між дзяржавамі, пашырэньне правоў і магчымасьцяў Славацкай Рэспублікі ў міжнародных стасунках і заслугі ў распаўсюджваньні добрага імя Славаччыны па-за яе межамі.

Клясы[рэдагаваць | рэдагаваць крыніцу]

Ордэн мае грамадзянскую і вайсковую катэгорыі, якія падзяляюцца на тры клясы.

  • Ордэн падвойнага Белага крыжа 1 клясы

Знак ордэна носяць на ордэнскай наплечнай стужцы. Зорку ордэну носяць на грудзёх.

  • Ордэн падвойнага Белага крыжа 2 клясы

Знак ордэна носяць на шыйнай стужцы. Зорку носяць на грудзёх.

  • Ордэн падвойнага Белага крыжа 3 клясы

Знак ордэна носяць на шыйнай стужцы.

Вонкавыя спасылкі[рэдагаваць | рэдагаваць крыніцу]