Лоўчэн Цэціне (гандбольны клюб)

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Лоўчэн Цэціне
Поўная назва Рукометни клуб Ловћен
Кароткая назва Лоўчэн
Заснаваны 1949
Арэна Спартовая арэна «Лоўчэн», Цэціне
Зьмяшчальнасьць: 2 020 месцаў
Галоўны трэнэр Зоран Абрамавіч
Чэмпіянат Першая ліга
2012–2013 1-е месца
Форма
Клюбныя колеры          
Камандныя колеры
Kit body.png
Камандныя колеры
Камандныя колеры
Kit shorts.png
Камандныя колеры


Хатняя
Камандныя колеры
Kit body.png
Камандныя колеры
Камандныя колеры
Kit shorts.png
Камандныя колеры


Выязная
Спасылкі
Спартовае таварыства «Лоўчэн»
Football pictogram.svg Handball pictogram.svg Basketball pictogram.svg
Футбол Гандбол Баскетбол
Table tennis pictogram.svg Athletics pictogram.svg Tennis pictogram.svg
Настольны тэніс Атлетыка Тэніс
F1 pictogram.svg Boxing pictogram.svg Cycling (road) pictogram.svg
Аўтагонкі Бокс Вэляспорт

«Ло́ўчэн» (па-сэрбску: Рукометни клуб Ловћен / Rukometni klub Lovćen) — чарнагорскі гандбольны клюб з Цэціне, створаны ў 1949 годзе. Выступае ў нацыянальным чэмпіянаце. «Лоўчэн» — найбольш пасьпяховы чарнагорскі клюб і адзіны з Чарнагорыі, які перамагаў у югаслаўскіх чэмпіянатах.

Мінуўшчына[рэдагаваць | рэдагаваць крыніцу]

ГК «Лоўчэн» створаны ў 1949 року ў складзе спартовага клюбу «Лоўчэн». Узыходжаньне пачалося з 80-х гадоў XX стагодзьдзя, калі «Лоўчэн» замацаваўся ў другой югаслаўскай лізе. У другой палове 80-х «Лоўчэн» стаў першым мужчынскім клюбам з Чарнагорыі, які трапіў у Першую лігу Югаславіі.

Першы свой сэзон (1988—1989) у найвышэйшым дывізіёне клюб з Лоўчэну скончыў на 6-м месцы. Згуляўшы ў першай лізе 3 сэзоны, па выніках сэзону 1990—1991 рокаў «Лоўчэн» вылецеў у ніжэйшую лігу, адкуль вярнуўся ў 1995.

Гэтым разам чарнагорцы дабіліся большага посьпеху. Ужо ў першым сэзоне яны занялі ў чэмпіянаце другое месца, што ўпершыню дало ім магчымасьць удзельнічаць у эўрапейскім спаборніцтве. Два наступныя сэзоны клюб таксама займаў прызавыя месцы ў саюзным чэмпіянаце і даходзіў да чвэрцьфіналаў эўрапейскіх Кубку гарадоў і Кубку ЭГФ.

17 траўня 2000 «Лоўчэн» упершыню атрымаў тытул чэмпіёна Югаславіі і атрымаў магчымасьць выступіць у Лізе чэмпіёнаў. Сэзон 2000—2001 рокаў стаў самым пасьпяховым у ягонай гісторыі. «Лоўчэн» заняў першае месца ў групе D і дайшоў да чвэрцьфіналу Лігі чэмпіёнаў, а на мясцовым узроўні другім разам заваяваў чэмпіёнства.

У сэзоне 2001—2002 рокаў «Лоўчэн» ізноў выступаў у Лізе чэмпіёнаў, упершыню заваяваў Кубак Югаславіі, а ў чэмпіянаце саступіў у трох драматычных матчах сэрыі плэй-оф бялградзкаму «Партызану» (24:23, 24:25, 24:25). Праз рок чарнагорцы паўтарылі посьпех у Кубку Югаславіі.

Пасьля абвяшчэньня незалежнасьці Чарнагорыі «Лоўчэн» стаў першым пераможцам нацыянальнага чэмпіянату, скончыўшы сэзон 2006—2007 рокаў з вынікам 18 перамог, 1 нічыя, 1 параза. Аднак у 2007—2011 яны ня здолелі ніводнага разу заваяваць чэмпіёнскі тытул, хоць тройчы станавіліся ўладальнікамі кубку краіны.

Урэшце ў сэзонах 2011/12 і 2012/13 рокаў клюб двойчы зрабіў дубаль, прычым у апошнім сэзоне паказаў абсалютны вынік, атрымаўшы перамогі ва ўсіх 21 матчах чэмпіянату і кубку.

Дасягненьні[рэдагаваць | рэдагаваць крыніцу]

Нацыянальныя спаборніцтвы[рэдагаваць | рэдагаваць крыніцу]

Чэмпіянат Чарнагорыі:

  • 2 × 1 — 2007, 2012, 2013
  • 3 × 2 — 2008, 2009, 2011
  • 1 × 3 — 2010

Чэмпіянат Саюзнай рэспублікі Югаславія і Сэрбіі й Чарнагорыі:

  • 2 × 1 — 2000, 2001
  • 4 × 2 — 1997, 1999, 2002, 2003
  • 2 × 3 — 1998, 2006

Кубак Чарнагорыі:

  • 4 × 1 — 2009, 2010, 2011, 2012, 2013

Кубак Саюзнай рэспублікі Югаславія і Сэрбіі й Чарнагорыі:

  • 2 × 1 — 2002, 2003

Міжнародныя спаборніцтвы[рэдагаваць | рэдагаваць крыніцу]

Ліга чэмпіёнаў:

  • 2000/01: чвэрцьфінал
  • 2001/02: групавы этап

Кубак уладальнікаў кубкаў:

  • 2002/03: 1/8 фіналу
  • 2003/04: 1/8 фіналу
  • 2005/06: 1/16 фіналу
  • 2009/10: 1/16 фіналу
  • 2011/12: 1/16 фіналу

Кубак ЭГФ:

  • 1997/98: 1/16 фіналу
  • 1999/00: 1/4 фіналу
  • 2007/08: 1/16 фіналу
  • 2008/09: 1/8 фіналу
  • 2010/11: 1/16 фіналу

Кубак выкліку:

  • 2006/07: 1/4 фіналу

Кубак гарадоў:

  • 1998/99: 1/4 фіналу

Вонкавыя спасылкі[рэдагаваць | рэдагаваць крыніцу]