Партызан Бялград (гандбольны клюб)

Партызан
Поўная назва	Гандбольны клюб «Партызан Бялград»
Заснаваны	1948
Арэна	Спартовы цэнтар «Баніца»(sr), Бялград Зьмяшчальнасьць: 3000
Чэмпіянат	Супэрліга
2025—2026	1 месца
Форма
Клюбныя колеры
Хатняя Выязная
Спасылкі
Афіцыйная бачына
Галерэя здымкаў у Вікісховішчы

«Партыза́н» (па-сэрбску: Рукометни клуб Партизан / Rukometni klub Partizan) — сэрбскі гандбольны клюб зь Бялграду. Выступае ў Сэрбскай гандбольнай супэрлізе. Хатнія матчы праводзіць на арэне «Баніца» зьмяшчальнасьцю ў 3000 чалавек.

Уваходзіць у склад спартовага клюбу «Партызан».

Мінуўшчына

Клюб быў заснаваны ў красавіку 1948 року. Першая каманда была сфармаваная з навучэнцаў першай і другой мужчынскіх гімназіяў. Спачатку выступаў у вялікім гандболе(hr). Першы матч быў згуляны супраць крагуевацкіх «Раднічкаў», а выніковы лік 22:2 у дэбютнай гульні быў на карысьць «Партызану». Першым капітанам каманды быў Богдан Янчыч.

Першую гульню ў малы гандбол клюб згуляў 7 студзеня 1957. 29 лістапада 1959 року клюб заваяваў свой першы трафэй — Кубак Югаславіі(sr), прычым на той час «Партызан» выступаў у другой лізе. У фінале бялградцы перамаглі заграбскую «Младаст». Фінальны лік сустрэчы быў 10:8, пры гэтым бялградзец Драган Мікі Стэванавіч адзначыўся шасьцю закінутымі мячамі. У сэзоне 1965—1966 рокаў «Партызан» паўтарыў гэты посьпех, ізноў выступаючы ў другой лізе. На гэты раз у фінале каманда перамаглі «Босну» з Сараева. Першая сустрэча скончылася зь лікам 14:9, а матч у адказ адбыўся 25 траўня у Цітава-Кумраўцы, скончыўшыся зь нічыйным лікам 11:11. Неўзабаве пасьля перамогі ў Кубку краіны Стэванавіч быў прызначаны сакратаром клюбу. Таксама ў той час за «Партызан» гуляў і футбольны брамнік Мілуцін Шошкіч.

Матч «Партызану» супраць «Раднічкаў» у 2023 годзе.

У сэзоне 1970—1971 рокаў клюб вярнуўся ў першую лігу і трэцім разам стаў уладальнікам кубку краіны, то бок ізноў фактычна падчас свайго выступу ў другой лізе. Аднак пасьля бялградцы ня здолелі прыставацца да зьменаў у югаслаўскім гандболе і 17 рокаў правялі ў ніжэйшым дывізіёне. Аднойчы дайшлі да фіналу Кубку Югаславіі, дзе саступілі ў дадатковы час «Црвене Зьвезьдзе» зь лікам 22:24. У 1991 року «Партызан» вярнуўся ў найвышэйшы дывізіён. У гэтае дзесяцігодзьдзе клюб сабраў калекцыю ўсіх трафэяў Югаславіі і Сэрбіі й Чарнагорыі. У 1993 упершыню заваяваў чэмпіёнскі тытул, перамогшы ў фінале плэй-офу «Црвену Зьвезду». Цягам 1990-х і пачатку 2000-х гадоў клюб быў сталым удзельнікам эўрапейскіх турніраў.

Пасьля 2004 року клюб перажыў час арганізацыйных і фінансавых цяжкасьцей. Не зважаючы на тое, што «Партызан» заставаўся канкурэнтаздольным у гэты пэрыяд і нават браў нацыянальныя кубкі, бесьперапыннасьці ў заваёве тытулаў чэмпіёна краіны не было. У 2007 року «Партызан» выйграў першы Кубак Сэрбіі. Фінал тады быў зарганізаваны ў Крагуеўцы, а супернікам сталічнай каманды быў клюб «Югавіч». Гэты ж посьпех паўтарыўся праз год. У гэты час адбываліся частыя зьмены ў складзе каманды і кіраўніцтве клюбу, што таксама адбілася на выніках. «Партызан» агулам фінішаваў у верхняй палове турнірнай табліцы, але бракам значных эўрапейскіх посьпехаў. Зрэшты, клюб працягваў адыгрываць важную ролю ў разьвіцьці маладых гульцоў.

Дасягненьні

Нацыянальныя спаборніцтвы

• Чэмпіянат Сэрбіі:
  • Чэмпіёны (11): 1993, 1994, 1995, 1999, 2002, 2003, 2009, 2011, 2012, 2025, 2026
  • Віцэ-чэмпіёны (8): 1992, 1996, 2004, 2007, 2013, 2021, 2022, 2023
• Кубак Сэрбіі:
  • Уладальнікі (13): 1959, 1966, 1971, 1993, 1994, 1998, 2001, 2007, 2008, 2012, 2013, 2024, 2026
  • Фіналісты (5): 2003, 2004, 2006, 2009, 2025
• Супэркубак Сэрбіі:
  • Уладальнікі (5): 2009, 2011, 2012, 2025, 2026
  • Фіналісты (2): 2013, 2024

Міжнародныя спаборніцтвы

• Кубак уладальнікаў кубкаў ЭГФ:
  • Паўфіналіст (2): 1998/99, 2001/02
• Кубак выкліку ЭГФ:
  • Паўфіналіст (1): 2010/11

Вонкавыя спасылкі

• Афіцыйная бачына  (сэрб.)
• Статыстыка ў чэмпіянаце Сэрбіі
• Профіль у гандбольнай лізе Сэрбіі
• Профіль у Лізе чэмпіёнаў ЭГФ
• Профіль на бачыне Эўрапейскай гандбольнай фэдэрацыі
• Партызан Бялград у Facebook