Леанід Валодзька

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку

Леанід Вікенцьевіч Валодзька (2 студзеня 1928, в. Баравое, Койданаўскі раён, Менская акруга, БССР29 верасьня 1978) — фізык. Акадэмік АН Беларусі (1977, член-карэспандэнт 1969), доктар фізыка-матэматычных навук (1966), прафэсар (1967). Заслужаны дзяяч навукі Беларусі (1971).

Біяграфія[рэдагаваць | рэдагаваць крыніцу]

У 1953 г. закончыў БДУ, працаваў у ім з 1956 г. (з 1966 прарэктар па навуковай рабоце). Навуковыя працы па малекулярнай спэктраскапіі і люмінэсцэнцыі. Распрацаваў пытаньні расшыфроўкі і інтэрпрэтацыі спэктраў уранілавых злучэньняў, прапанаваў мэтад статыстычнай рэгістрацыі кінэтыкі люмінэсцэнцыі. Аўтар кнігі «Ураниловые соединения» (разам з А. І. Камяком, Дз. С. Умрэйкам, 1981). Ляўрэат Дзяржаўнай прэміі Беларусі 1974 году.

Літаратура[рэдагаваць | рэдагаваць крыніцу]

  • Памяць: Гіст.-дакум. хроніка Дзяржынскага р-на. — Менск: БЕЛТА, 2004. — 704 с.: іл. ISBN 985-6302-64-1.