Леанід Барткевіч

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Леанід Барткевіч
LeonBortkevich-2013.jpg
Дата нараджэньня 25 траўня 1949 (70 гадоў)
Месца нараджэньня Менск, БССР
Альма-матэр Расейскі ўнівэрсытэт тэатральнага мастацтва
Занятак вакаліст
Жанры поп-музыка і фолк-музыка[d]
Інструмэнты гітара
Гурты Песьняры
Узнагароды

Заслужаны артыст Беларускай ССР[d]

Леані́д Леані́давіч Бартке́віч (нарадзіўся 25 траўня 1949 году ў Менску) — беларускі сьпявак і музыка.

Біяграфія[рэдагаваць | рэдагаваць крыніцу]

У дзяцінстве быў салістам ў хоры хлапцоў Менскага палаца піянэраў. Пасьля сканчэньня музычнай школы па клясе трубы быў салістам харавога ансамблю «Юнацтва» пры Менскай кансэрваторыі.

Адукацыю атрымаў ў Менскім архітэктурным тэхнікуме па спэцыяльнасьці «праектаваньне». Пад час навучаньня ў тэхнікуме быў салістам мясцовага аркестру, у далейшым стаў вакалістам створанага ім вакальна-інструмэнтальнага ансамбля «Залатыя яблыкі».

Некаторы час працаваў архітэктарам у «Белгіпрасельбудзе». З 1970 году ўвайшоў у склад вакальна-інструмэнтальнага ансамбля «Песьняры».

У 1977 годзе Барткевіч разьвёўся зь першай жонкай і ажаніўся з Вольгай Корбут, вядомай савецкай гімнасткай.

У 1980 годзе Барткевіч пакідае «Песьняры», і паступае ў ГІТІС на рэжысэрскае аддзяленьне.

Некаторы час быў удзельнікам ансамбля «Мальвы», а таксама працаваў салістам ва «Ўкрканцэрце». Потым быў вакалістам Дзяржаўнага радыё і тэлебачаньня СССР.

У 1991 годзе разам з жонкай і сынам эміграваў у ЗША, але ў 2000 годзе вярнуўся ў Беларусь і зноў некаторы час працаваў у «Песьнярах». Пасьля сьмерці Ўладзімера Мулявіна, Барткевіч арганізаваў у Расеі музычны калектыў з назвай «ансамбль „Песьняры“», зарэгістраваўшы аднаіменную гандлёвую марку.