Перайсьці да зьместу

Кірыл Кірыленка

Зьвесткі зь Вікіпэдыі — вольнай энцыкляпэдыі
Кірыл Кірыленка
Пэрсанальная інфармацыя
Нарадзіўся 8 кастрычніка 2000(2000-10-08)[1][2] (25 гадоў)
Рост 180 см
Вага 72 кг[4]
Пазыцыя нападнік
Клюбная інфармацыя
Клюб Славія Мазыр
Нумар 21
Клюбы
Гады Клюб Гульні (галы)¹
2017—2018 Дынама Берасьце 11 (0)
2019 БАТЭ 0 (0)
2019—2020 Карпаты 4 (0)
2020 Алімпік Данецк 2 (0)
2021—2022 Тарпэда-БелАЗ 32 (1)
2022—2023 Брашоў[d] 7 (0)
2023 Нафтан 21 (2)
2024 Славія Мазыр 12 (2)
2024 МЛ Віцебск 15 (8)
2025 Арсэнал Койданаў 8 (3)
2025 Зымбру 1 (0)
2025—4 Славія Мазыр 5 (0)
Зборныя
2017—2018 Беларусь (да 19)[d] 5 (0)
2019—2021 Беларусь (да 21) 4 (0)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
5 кастрычніка 2025.

Кірыл Кірыленка (нар. 8 кастрычніка 2000 году) — беларускі футбаліст, нападнік.

Кар’ера

[рэдагаваць | рэдагаваць код]

Клюбная

[рэдагаваць | рэдагаваць код]

Выхаванец школы футбольнага клюбу «Менск». У канцы 2016 году пачаў выступаць за клюбны дубль, у трох матчах забіў два галы.

Да сэзону 2017 году рыхтаваўся з асноўнай камандай «Менску». У сакавіку 2017 году, перад самым пачаткам чэмпіянату, стала вядома аб цікавасьці да Кірыленкі з боку берасьцейскага «Дынама». 2 красавіка 2017 году было абвешчана аб пераходзе маладога нападніка ў склад берасьцейцаў[5]. 30 красавіка таго ж году дэбютаваў у Найвышэйшай лізе, выйшаўшы на замену на 79-й хвіліне ў матчы супраць мазырскай «Славіяй» (3:1). У сэзоне 2017 году пераважна спаборнічаў у складзе дублю «Дынама». За галоўную каманду правёў 5 матчаў у чэмпіянаце Беларусі і толькі адзін у Кубку. Канец сэзону 2017 году прапусьціў праз пашкоджаньне. У першай палове сэзону 2018 году прыцягваўся да асноўнай каманды, дзе часам выходзіў на замену. Аднак з жніўня гуляў толькі за дубль.

У студзені 2019 году паводле пагадненьня бакоў пакінуў берасьцейскае «Дынама»[6]. У лютым 2019 году знаходзіўся на праглядзе ў «Зэніце-2», аднак у выніку ў сакавіку далучыўся да барысаўскага БАТЭ[7], дзе выступаў за дубль. У ліпені 2019 году пасьля прагляду падпісаў трохгадовы кантракт зь львоўскімі «Карпатамі»[8]. Гуляў пераважна ў моладзевай камандзе, правёў некалькі матчаў у Прэм’ер-лізе. У чэрвені 2020 году паводле пагадненьня бакоў пакінуў «Карпаты»[9].

У ліпені 2020 году стаў гульцом данецкага «Алімпіка», падпісаўшы трохгадовы кантракт[10]. На полі зьяўляўся зрэдку, толькі двойчы выйшаў на замену ў Прэм’ер-лізе. У студзені 2021 году кантракт з «Алімпікам» быў скасаваны[11]. Неўзабаве пачаў трэнавацца з жодзінскім «Тарпэда-БелАЗ» і ў лютым афіцыйна стаў гульцом каманды[12]. Замацаваўся ў складзе, чаргаваў выхады ў першай адзінаццатцы і на замену.

У жніўні 2022 году перайшоў у румынскі «Брашоў»[13]. У красавіку 2023 году вярнуўся ў Беларусь, далучыўшыся да складу наваполацкага «Нафтана»[14]. У сьнежні 2023 году перайшоў у мазырскую «Славію»[15]. Кірыленка хутка замацаваўся ў складзе каманды, няблага пачаўшы сэзон 2024 году. Тым ня менш, напрыканцы чэрвеня 2024 году нападнік сышоў з клюбу, як мяркуецца, праз канфлікт з галоўным трэнэрам мазырчукоў Іванам Біёнчыкам[16]. Неўзабаве прыяднаўся да першалігавага «Макслайну»[17], дзе быў адным зь лідэраў. Разам з камандай здабыў павышэньне ў Найвышэйшую лігу, але пасьля сэзону пакінуў каманду праз канфлікты ўнутры каманды[18]. У студзені 2025 году стаў футбалістам койданаўскага «Арсэналу»[19]. Праз паўгады, згуляўшы ў складзе каманды ў чэмпіянаце 8 матчаў, футбаліст перайшоў у малдаўскі «Зымбру», дзе галоўным трэнэрам крыху раней быў прызначаны Алег Кубараў[20]. Згуляўшы толькі адзін матч, футбаліст сышоў з каманды. Як паведамляла кіраўніцтва клюбу, беларус запакаваў валізу і зьехаў з каманды[21].

Міжнародная

[рэдагаваць | рэдагаваць код]

У 2016—2017 гадах выступаў за зборную Беларусі (да 17 гадоў) ў кваліфікацыі чэмпіянату Эўропы. У студзені 2017 году з трыма галамі быў найлепшым бамбардзірам на міжнародным юнацкім турніры «Кубак Разьвіцьця», які ладзіўся ў Менску. У кастрычніку 2017 году і кастрычніку 2018 году гуляў за зборную Беларусі (да 19 гадоў) ў адборачным раўндзе чэмпіянату Эўропы.

10 верасьня 2019 году дэбютаваў у складзе зборнай Беларусі (да 21 году), выйшаўшы на зьмену ў другім тайме адборачнага матча чэмпіянату Эўропы супраць зборнай Партугаліі (0:2).

Статыстыка

[рэдагаваць | рэдагаваць код]
Клюб Сэзон Чэмпіянат
Дывізіён Матчы Галы
Дынама Берасьце 2017 Найвышэйшая ліга 5 0
2018 Найвышэйшая ліга 6 0

Крыніцы

[рэдагаваць | рэдагаваць код]
  1. ^ а б в Kirill Kirilenko // Transfermarkt (мн.) — 2000.
  2. ^ а б в Kirill Kirilenko // FBref (анг.)
  3. ^ а б https://www.transfermarkt.com/kirill-kirilenko/profil/spieler/470265
  4. ^ а б https://teams.by/kirilenko-kirill-olegovich/player-149773/
  5. ^ Футбол. Кирилл Кириленко подписал контракт с брестским "Динамо" (рас.) Архіўная копія ад 2019-08-03 г.
  6. ^ Брестское "Динамо" рассталось с Кириленко (рас.)
  7. ^ Форвард брестского "Динамо" перешел в БАТЭ (рас.)
  8. ^ Кирилл Кириленко перешел в "Карпаты" (рас.)
  9. ^ Кириленко покинул "Карпаты" (рас.)
  10. ^ Кириленко стал игроком "Олимпика" (рас.)
  11. ^ "Олимпик" расторг контракт с Кириленко (рас.)
  12. ^ Кириленко стал игроком "Торпедо-БелАЗ" (рас.)
  13. ^ "Торпедо-БелАЗ" подтвердило переход Кириленко в румынский "Брашов" (рас.)
  14. ^ "Нафтан" подписал Кирилла Кириленко, который вернулся из румынского "Брашова" (рас.)
  15. ^ Кирилл Кириленко стал игроком "Славии" (рас.)
  16. ^ Кириленко покинул "Славию" (рас.)
  17. ^ Кирилл Кириленко стал игроком "Макслайна" (рас.)
  18. ^ Кирилл Кириленко: "В "МЛ Витебск" сказали: если что-то не нравится, можно спокойно разорвать контракт" (рас.). Football.by (2025-01-10). Праверана 2025-03-21 г.
  19. ^ Кирилл Кириленко — футболист "Арсенала" (рас.). Прессбол (2025-01-18). Праверана 2025-03-21 г.
  20. ^ Кирилл Кириленко перебрался из "Арсенала" к Олегу Кубареву в "Зимбру" (рас.). Football.by (2025-06-17). Праверана 2025-06-22 г.
  21. ^ «Собрал чемодан и уехал». В «Зимбру» назвали причины отъезда Кирилла Кириленко (рас.). Белорусский футбол (2025-07-03). Праверана 2025-07-06 г.

Вонкавыя спасылкі

[рэдагаваць | рэдагаваць код]
Атрымана з «https://be-tarask.wikipedia.org/w/index.php?title=Кірыл_Кірыленка&oldid=2623607»