Касьцёл Сьвятога Юрыя (Сваятычы)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Касьцёл Сьвятога Юрыя (неадназначнасьць).

Помнік сакральнай архітэктуры
Касьцёл Сьвятога Юрыя
Касьцёл Сьвятога Юрыя
Краіна	Беларусь
Вёска	Сваятычы
Каардынаты	53°08′40.30″ пн. ш. 26°20′50.60″ у. д. / 53.1445278° пн. ш. 26.3473889° у. д. / 53.1445278; 26.3473889Каардынаты: 53°08′40.30″ пн. ш. 26°20′50.60″ у. д. / 53.1445278° пн. ш. 26.3473889° у. д. / 53.1445278; 26.3473889
Канфэсія	Каталіцкая царква
Эпархія	Пінская дыяцэзія
Архітэктурны стыль	ампір^[d]
Аўтар праекту	Пётр Айгнер^[d]
Касьцёл Сьвятога Юрыя на мапе Беларусі Касьцёл Сьвятога Юрыя
Касьцёл Сьвятога Юрыя на Вікісховішчы

Касьцёл Сьвятога Юрыя — помнік архітэктуры XIX стагодзьдзя ў Сваятычах. Знаходзіцца ў цэнтры колішняга мястэчка каля сядзібы Чапскіх, на гістарычнай Касьцельнай вуліцы^[a]. Дзее. Твор архітэктуры ампіру.

Гісторыя

Мураваны касьцёл у Сваятычах збудавалі ў 1825 годзе на сродкі Чапскіх. Па здушэньні нацыянальна-вызвольнага паўстаньня (1863—1864) у 1864 годзе расейскія ўлады гвалтоўна зачынілі касьцёл, які перарабілі пад царкву Ўрадавага сыноду Расейскай імпэрыі (Маскоўскай царвы).

У 1920 годзе ўлады міжваеннай Польскай Рэспублікі вярнулі будынак касьцёла каталікам. Па Другой сусьветнай вайне савецкія ўлады зачынілі касьцёл. У 1990 годзе будынак касьцёл зноў вярнулі каталікам, пачалося яго аднаўленьне.

Архітэктура

Помнік архітэктуры ампіру. Гэта прастакутны ў пляне аб’ём пад 2-схільным дахам. Да алтарнай частцы далучаюцца бакавыя нізкія закрысьціі пад 1-схільнымі пакрыцьцямі. Фасад вылучаецца дарычным 2-калённым з бакавымі антамі портыкам-лёджыяй з трыкутным франтонам на фоне высокага атыка з 2-гранным ступеньчатым шчыпцом у завяршэньні. Бакавыя фасады рытмічна падзяляюцца высока ўзьнятымі паўкруглымі вокнамі-люкарнамі і пілястрамі ў прасьценках, апярэзваюцца карнізам на дэнтыкулах. Пад будынкам месьціцца крыпта-пахавальня.

Перад касьцёлам стаіць мураваная званіца — 4-гранная 2-ярусная вежа пад шатровым дахам. Ніжні ярус глухі з прастакутным уваходным праёмам, другі — раскрываецца аркавымі прасьветамі, дэкаруецца кутнімі пілястрамі і апярэзваецца карнізам на дэнтыкулах^[1]

Галерэя

Гістарычныя здымкі
Праект іканастаса, 1868—1869 гг.
Праект іканастаса, 1868—1869 гг.
каля 1900 г.
1910 г.

1917 г.
1917 г.
А. Віслоцкі, 1923 г.
да 1939 г.

Заўвагі

^ Цяперашні афіцыйны адрас — вуліца Арлоўская, 36.

Крыніцы

^ Кулагін А. Каталіцкія храмы Беларусі. — Менск, 2008. С. 326.

Літаратура

Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

Касьцёл Сьвятога Сьвятога Юрыя ў Сваятычах, Radzima.org

[1] Цяперашні афіцыйны адрас — вуліца Арлоўская, 36.

[2] Кулагін А. Каталіцкія храмы Беларусі. — Менск, 2008. С. 326.

[a]

[1]