Касьцёл Найсьвяцейшай Тройцы і кляштар дамініканаў (Дунілавічы)

Сакральны комплекс
Касьцёл Найсьвяцейшай Тройцы і кляштар дамініканаў
Касьцёл Найсьвяцейшай Тройцы
Краіна	Беларусь
Вёска	Дунілавічы
Каардынаты	55°4′33″ пн. ш. 27°14′8″ у. д.
Канфэсія	каталіцтва
Эпархія	Віцебская дыяцэзія
Архітэктурны стыль	барокавая архітэктура
Дата заснаваньня	1773
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Касьцёл Найсьвяцейшай Тройцы і кляштар дамініканаў на мапе Беларусі Касьцёл Найсьвяцейшай Тройцы і кляштар дамініканаў
Касьцёл Найсьвяцейшай Тройцы і кляштар дамініканаў на Вікісховішчы

Касьцёл Найсьвяцейшай Тройцы і кляштар дамініканаў — рымска-каталіцкі сакральны комплекс у Дунілавічах, узьведзены ў 1773. Аб’ект Дзяржаўнага сьпісу гістарычна-культурных каштоўнасьцяў Рэспублікі Беларусь.

Гісторыя

Касьцёл будаваўся ў 1769—1773 пры 2-павярховым мураваным кляштары дамініканаў (імаверна, захаваліся падмуркі).

Па здушэньні вызвольнага паўстаньня (1830—1831) у 1850 расейскія ўлады скасавалі кляштар, па чым касьцёл дзейнічаў як парафільны. Па здушэньні нацыянальна-вызвольнага паўстаньня (1863—1864) у 1866 касьцёл гвалтоўна перарабілі ў царкву Маскоўскага патрыярхату.

У 1919 польскія ўлады вярнулі сьвятыню каталікам.

Архітэктура

Касьцёл — помнік архітэктуры барока. 3-нэфавая 2-вежавая базыліка з трансэптам і прастакутнай апсідай. 2-схільныя дахі крылаў трансэпта і цэнтральнага нэфа закрываюцца ў тарцах фігурнымі франтонамі. Над разьвітым антаблемэнтам галоўнага фасада — 2 чацьверыковыя з скошанымі кутамі 2-ярусныя вежы з паўсфэрычнымі купаламі і дэкаратыўнымі ліхтарамі.

Вакол касьцёл агароджа з каванай брамай, помнік архітэктуры нэарэнэсансу.

Літаратура

• Кулагін А. Каталіцкія храмы на Беларусі: Энцыкл. даведнік / А. Кулагін; маст. І. Бокі. — 2-е выд. — Менск: БелЭн, 2001. — 216 с.: іл. ISBN 985-11-0199-0.

Вонкавыя спасылкі

• Дунілавічы — парафія Найсьвяцейшай Тройцы. Catholic.by. Праверана 22 ліпеня 2012 г.