Касьцёл Божага Цела (Крашын)

Гэтая назва мае некалькі сэнсаў. Калі вас цікавяць іншыя сэнсы, глядзіце Касьцёл Божага Цела (Крашын) (неадназначнасьць).

Помнік сакральнай архітэктуры
Касьцёл Божага Цела
Касьцёл Божага Цела
Краіна	Беларусь
Вёска	Крашын
Каардынаты	53°12′01″ пн. ш. 26°09′44″ у. д.
Канфэсія	каталіцтва
Эпархія	Пінская дыяцэзія
Касьцёл Божага Цела на мапе Беларусі Касьцёл Божага Цела
Касьцёл Божага Цела на Вікісховішчы

Касьцёл Божага Цела — помнік архітэктуры першай паловы XX стагодзьдзя ў Крашыне. Знаходзіцца ў заходняй частцы колішняга мястэчка каля могілак, пад адрасам вуліца Паўлюка Багрыма, 22. Дзее. Твор архітэктуры мадэрну.

За касьцёлам знаходзіцца магіла паэта Паўлюка Багрыма з помнікам у выглядзе стэлы зь невялічкім бюстам паэта, а таксама памятны валун з надпісамі па-лацінску і па-беларуску: «Vita brevis — Patria eterna», што азначае «Жыцьцё кароткае — Радзіма вечная».

Гісторыя

Вялікае Княства Літоўскае

Першы драўляны касьцёл у Крашыне збудавалі ў 1442 годзе.

Пад уладай Расейскай імпэрыі

Па дргуім падзеле Рэчы Паспалітай (1793 год), калі Крашын апынуўся ў складзе Расейскай імпэрыі, касьцёл працягваў дзеяць. У 1818 годзе ў мястэчку збудавалі новы драўляны касьцёл.

У 1881 годзе паэт і каваль Паўлюк Багрым уласнаруч вырабіў жырандолю для сядзібы Сьвятаполк-Завадзкіх, якія пазьней перадалі яе ў касьцёл.

Найноўшы час

У 1920-я гады ў Крашыне збудавалі новы мураваны касьцёл. Па Другой сусьветнай вайне савецкія ўлады зачынілі касьцёл, у будынку якога разьмясьцілі музэй Паўлюка Багрыма. У 1990-я гады будынак касьцёла вярнулі каталікам.

Архітэктура

Помнік архітэктуры мадэрну. Прастакутны ў пляне ўзьняты на высокі цокаль будынак з пашыранай алтарнай часткай і прастакутнай апсыдай-рызалітам, завершанай 2-гранным шчытом. Фасад праразаецца ў цэнтры высокай і глыбокай аркавай нішай, якая з бакоў дэкаруецца лапаткамі і прастакутнымі нішамі. У завяршэньні фасаду высокі прастакутны атык з 2-гранным шчытом і кутнімі 4-граннымі пінаклямі; у цэнтры рэльефная выява крыжа. 2-схільны дах з вальмай на апсыдай завяршаецца вытанчанай 8-граннай шатровай сыгнатуркай. Бакавыя фасады рытмічна падзяляюцца прастакутнымі аконнымі праёмамі з аркавымі броўкамі.

Ва ўнутранай прасторы апсыда адкрываецца ў нэф аркавым прасьветам і асьвятляецца тарцовай паўкруглай люкарнай. Памяшканьні перакрываюцца цыліндрычным скляпеньнем. Пры ўваходзе галерэя хораў. У інтэр’еры захоўваецца абраз XIX ст. «Апостал».

Галерэя

Гістарычныя здымкі і графіка

• Старыя здымкі і графіка
• 
  Стары касьцёл, 1914 г.
• 
  Інтэр’ер старога касьцёла, 1914 г.
• 
  Праект новага касьцёла, 1930 г.

Сучасныя здымкі

• Сучасны стан
• 
  Агульны выгляд
• 
  Жырандоля Паўлюка Багрыма
• 
  Магіла Паўлюка Багрыма

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Божага Цела ў Крашыне, Radzima.org