Касьцёл Божага Цела (Давыд-Гарадок)

Помнік сакральнай архітэктуры
Касьцёл Божага Цела
Касьцёл Божага Цела
Краіна	Беларусь
Места	Давыд-Гарадок
Каардынаты	52°03′23,43″ пн. ш. 27°12′55,71″ у. д.
Канфэсія	каталіцтва
Эпархія	Пінская дыяцэзія
Архітэктурны стыль	канструктывізм[d]
Дата заснаваньня	1623
Касьцёл Божага Цела на мапе Беларусі Касьцёл Божага Цела

Касьцёл Божага Цела — помнік архітэктуры першай паловы XX стагодзьдзя ў Давыд-Гарадку. Знаходзіцца ў цэнтры места, на гістарычнай Веляміцкай вуліцы. Дзее. Твор архітэктуры гістарызму, часткова зруйнаваны савецкімі ўладамі.

Гісторыя

Праект касьцёла, 1904 г.

Касьцёл, 1936 г.

Вялікае Княства Літоўскае

Першы драўляны касьцёл у Давыд-Гарадку збудавалі ў 1623 годзе з фундацыі Яна Альбрэхта Радзівіла.

Пад уладай Расейскай імпэрыі

Па другім падзеле Рэчы Паспалітай, калі Давыд-Гарадок апынуўся ў складзе Расейскай імпэрыі, касьцёл працягваў дзеяць. У 1839 годзе драўляны касьцёл згарэў. Новы драўляны касьцёл збудавалі ў 1848 годзе, аднак ён згарэў у 1890 годзе.

З 1903 году набажэнствы праводзіліся ў плябаніі.

Найноўшы час

У 1936 годзе збудавалі новы мураваны касьцёл. Па Другой сусьветнай вайне савецкія ўлады зачынілі касьцёл, будынак якога часткова зруйнавалі і перарабілі пад клюб.

У 2017 годзе будынак касьцёла вярнулі каталікам, пачалося яго аднаўленьне.

Архітэктура

Помнік архітэктуры гістарызму. Гэта прастакутны ў плян аб’ём пад 2-схільным дахам, да якога далучаюцца паўкруглая апсыда з бакавой закрысьціяй і прастакутны прытвор. Роўнічныя бакавыя фасады рытмічна падзяляюцца высокімі аркавымі аконнымі праёмамі з клінчатымі броўкамі. Цокальная частка сьценаў аздабляецца гарызантальным рустам.

Галерэя

• Гістарычныя здымкі
• 
  Будоўля касьцёла. Э. Навіцкі, 1908 г.
• 
  Плябанія, 1914 г.
• 
  Інтэр’ер капліцы ў плябаніі. 1914 г.
• 
  Новы касьцёл, 1936 г.

Літаратура

• Кулагін А. Каталіцкія храмы Беларусі: Энцыкл. даведнік / А. Кулагін; фатограф А. Дыбоўскі. — 2-е выд. — Менск: БелЭн, 2008. — 488 с.: іл. ISBN 978-985-11-0395-5.

Вонкавыя спасылкі

• Касьцёл Божага Цела ў Давыд-Гарадку, Radzima.org