Перайсьці да зьместу

Карлес Кота

Зьвесткі зь Вікіпэдыі — вольнай энцыкляпэдыі
Карлес Кота
Пэрсанальная інфармацыя
Нарадзіўся 11 лютага 1988(1988-02-11)[1] (37 гадоў)
Рост 173 см
Вага 68 кг
Пазыцыя флянгавы паўабаронца
Клюбы
Гады Клюб Гульні (галы)¹
2007—2008 Эксэльсіёр Мускрон[d] 21 (2)
2008—2009 Сэвільля Атлетыка[d] 20 (0)
2009—2010 Бэнідорм[d] 31 (0)
2010—2011 Анартосіс Фамагуста 18 (1)
2011—2013 Дынама Тбілісі 44 (6)
2013 Дынама Менск 6 (1)
2014 Бунядкор[d] 5 (0)
2014—2015 Сан-Марына[d] 22 (2)
2015—2016 Этнікос Ахнас 35 (6)
2016 Докса Катакапіяс 8 (1)
2017 Эрміс Арадыпу 16 (0)
2017—2018 Раё Махадаонда[d] 32 (6)
2018—2019 Воляс[d] 24 (0)
2019—2021 Фігерас[d] 24 (0)
2021—2023 Санта-Калёма 46 (8)
2023—2024 Рода[d] 32 (0)
Зборныя
2007 Гішпанія (да 19)[d] 6 (0)

Ка́рлес Ко́та Пахэ́с (па-каталянску: Carles Coto Pagès; нар. 11 лютага 1988 году, Фігерас, Гішпанія) — колішні гішпанскі футбаліст, атакуючы паўабаронца.

Карлес нарадзіўся ў Каталёніі. У 2001 годзе ва ўзросьце 13 гадоў быў прыняты ў моладзевую сыстэму клюбу «Барсэлёна», але да гэтага гуляў у дзіцячай камандзе клюбу з роднага гораду. Аднак, Карлес ня скончыў акадэмію знакамітага клюбу, зьехаўшы ў 2007 годзе ў бэльгійскі «Мускрон».

Улетку 2008 году Кота вярнуўся ў Гішпанію, гуляючы за каманду «Атлетыка Сэвільля» ў другім гішпанскім дывізіёне. Потым сэзон правёў у іншым клюбе Сэгунды — «Бэнідорм», разам зь якім вылецеў у трэці дывізіён. У пачатку ліпеня 2010 году, не зважаючы на дзейны кантракт з «Бэнідормам», Карлес стаў гульцом кіпрскага «Анартосісу», якім кіраваў ягоны былы трэнэр па моладзеваму складу «Барсэлёны» Гільлерма Анхэль Оёс[2].

28 чэрвеня 2011 году далучыўся да «Дынама» Тбілісі, пераход быў праведзены ў якасьці абмену некалькімі гульцамі[3]. Разам з грузінскім клюбам Карлес стаўся чэмпіёнам краіны. 12 ліпеня 2013 году Кота перайшоў у табар менскага «Дынама»[4][5]. Карлес стаўся, такім чынам, адным з трох першых гішпанскіх гульцоў у чэмпіянаце Беларусі. Спачатку часта выходзіў у кашулі дынамаўцаў на пляцоўку, але праз высокую канкурэнцыю і ліміты на колькасьць іншаземцаў у складзе, страціў месца ў камандзе[6]. У сакавіку 2014 году перайшоў у «Бунядкор»[7].

«Дынама» Тбілісі

Вонкавыя спасылкі

[рэдагаваць | рэдагаваць крыніцу]