Канстантын Ельскі
- Вікіпэдыя мае артыкулы пра іншых асобаў з прозьвішчам Ельскі (неадназначнасьць).
.jpg) Канстантын Ельскі | |
 Герб Пелеш | |
| Асабістыя зьвесткі | |
|---|---|
| Нарадзіўся | 17 лютага 1837[1] або 1 сакавіка 1837 Ляды Ігуменскага павету |
| Памёр | 26 лістапада 1896[1] (59 гадоў) або 8 сьнежня 1896 (59 гадоў) Кракаў |
| Род | Ельскія |
| Бацькі | Міхал Ельскі Клятыльда з Манюшкаў |
| Жонка | Алена з Корсакаў |
| Дзеці | Канстанцыя Марыя Клятыльда, Марыя, Антоні |
| Дзейнасьць | заоляг, арнітоляг, батанік, энтамоляг, куратар, калекцыянер жывёл |
Канстантын Раман Ельскі (17 лютага 1837, вёска Ляды Ігуменскага павету, цяпер Смалявіцкі раён Менскай вобласьці — 26 лістапада 1896 у Кракаве) — заоляг і падарожнік.
Біяграфія
[рэдагаваць | рэдагаваць крыніцу]З шляхецкага роду Ельскіх гербу Пелеш, сын Міхала, удзельніка падрыхтоўкі паўстаньня Тадэвуша Касьцюшкі, і Клятыльды з Манюшкаў.
У 1853 годзе скончыў Менскую гімназію. У 1853—1856 гадох навучаўся на мэдычным факультэце Маскоўскага ўнівэрсытэту, у 1860 годзе скончыў матэматычна-прыродазнаўчыы факультэт Кіеўскага ўнівэрсытэту. Працаваў выкладнікам у Кіеўскай гімназіі і Кіеўскім ўнівэрсытэце.
Вывучаў гмыз і малюскаў. За дасьледаваньне анатоміі малюска ў 1862 годзе атрымаў навуковую ступень магістра. Адзін зь першых у Расейскай імпэрыі падтрымаў эвалюцыйную тэорыю Чарлза Дарвіна.
Браў удзел у падрыхтоўцы нацыянальна-вызвольнага паўстаньня 1863—1864 гадоў ува Ўкраіне. Каб унікнуць арышту, эміграваў за мяжу.
Як заоляг і геоляг працаваў у Турэччыне, Нямеччыне і Францыі. У 1865 годзе выехаў у Гвіяну, а ў 1869 годзе — у Пэру. Вывучаў фаўну гэтых краінаў. Адкрыў новы від жывёлы Dinonys. 3 1878 году жыў у Кракаве.
У шлюбе з Аленай Корсак меў сына Антонія, а таксама дачок Канстанцыю Марыю Клятыльду і Марыю[2].
Па сьмерці К. Ельскага выйшла «Папулярнае прыродазнаўчае апавяданьне пра знаходжаньне ў францускай Гвіяне і часткова ў Пэру» (польск. Popularno-przyrodnicze opowiadania z pobytu w Gujanie francuskiej i po części w Peru, od 1865—1871; Кракаў, 1898).
У гонар навукоўца адзін зь відаў ляўра атрымаў назву Ocotea Jelscii. Апісаньне шматлікіх птушак і зьвяроў давалася паводле калекцыі К. Ельскага, некаторыя віды атрымалі ягонае імя[3].
Крыніцы
[рэдагаваць | рэдагаваць крыніцу]- ^ а б Konstantin Jelski // Biographies of the Entomologists of the World — Senckenberg German Entomological Institute.
- ^ Konstanty Roman Jelski h. Pielesz (пол.). Potomkowie Sejmu Wielkiego. Праверана 17 сакавіка 2011 г.
- ^ Рагойша В. Ельскі Канстанцін Міхайлавіч // ЭГБ. — Мн.: 1996 Т. 3. С. 350.
Літаратура
[рэдагаваць | рэдагаваць крыніцу]- Энцыклапедыя гісторыі Беларусі. У 6 т. / Беларус. Энцыкл.; Рэдкал.: Г. П. Пашкоў (гал. рэд.) і інш.; Маст. Э. Э. Жакевіч. — Мн.: БелЭн, 1996. — Т. 3: Гімназіі — Кадэнцыя. — 527 с. — ISBN 985-11-0041-2