Кампаніла

Кампаніла Джота пры саборы Санта-Марыя-дэль-Ф'ёрэ,Флярэнцыя.

Кампані́ла (па-італьянску: campanile — «званіца») — у італьянскай архітэктуры Сярэднявечча й Адраджэньня квадратная (радзей круглая) ў аснове званіца, якая стаіць як правіла асобна ад асноўнага будынка храма. Правобразам кампанілы паслужылі сярэднявечныя гарадзкія вежы. Кампанілы мелі ў вышыню 4, 5 і больш паверхаў; пры гэтым вышыня паверхаў, а таксама велічыня або колькасьць аконных праёмаў звычайна ўзрасталі зьнізу дагары (ніжнія паверхі часта наагул былі глухімі), што стварала своеасаблівы эфэкт накіраванасьці ўвысь.

Найбольш вядомай у сьвеце кампанілай зьяўляецца круглая Пізанская вежа.