Кайрат Алматы
| Кайрат | |||||
 | |||||
| Поўная назва | Қайрат Алматы Футбол Клубы | ||||
|---|---|---|---|---|---|
| Заснаваны | 1954 | ||||
| Горад | Алматы, Казахстан | ||||
| Стадыён | Цэнтральны Умяшчальнасьць: 23 804 | ||||
| Галоўны трэнэр | |||||
| Чэмпіянат | Прэм’ер-ліга | ||||
| · 2025 | 1 месца | ||||
| |||||
 Галерэя здымкаў у ВікісховішчыАфіцыйны сайт | |||||
«Кайра́т» (па-казаску: Қайрат) — казаскі футбольны клюб з гораду Алматы. Заснаваны ў 1954 годзе. Пяціразовы чэмпіён Казахстану (1992, 2004, 2020, 2024, 2025), дзесяціразовы ўладальнік Кубка Казахстану (1992, 1996, 1999, 2001, 2003, 2014, 2015, 2017, 2018, 2021). «Кайрат» быў вядучым казаскім клюбам за савецкім часам і быў адзіным прадстаўніком Казаскай ССР у Найвышэйшай лізе СССР[2]. Хатняя пляцоўкай клюбу ёсьць Цэнтральны стадыён, які здольны зьмясьціць 23 804 чалавекі. Звычайнымі колерамі ўважаюцца жоўты і чорны.
Гісторыя
[рэдагаваць | рэдагаваць код]У 1954 годзе на базе алмацінскага «Дынама» быў заснаваны клюб «Лякаматыў», які ў 1955 годзе атрымаў назоў «Ураджай». У 1956 годзе згодна з пастановамі прэзыдыюма Ўсесаюзнага цэнтральнана савета прафэсійных саюзаў каманда была аб’яднаная з рэспубліканскімі спартовымі таварыствамі калгасьнікаў. Менавіта ў той жа год было пастаноўлена ўзяць назоў «Кайрат». У 1960 годзе «Кайрат» стаў адзіным казаскім клюбам, які ўзяў удзел у чэмпіянаце СССР сярод камандаў найвышэйшага дывізіёну. У 1963 годзе «Кайрат» прабіўся ў паўфінал Кубка СССР, усталяваўшы найлепшае дасягненьне казаскіх камандаў у гэтым турніры. У тым паўфінале алмацінцы толькі ў дадатковы час саступілі данецкаму «Шахтару» зь лікам 1:2.
Па здабыцьці Казахстанам незалежнасьці і арганізацыі ўласнага чэмпіянату «Кайрат» далучыўся да наваўтворанай лігі, дзе стаў гегемонам. Будучы наймацнейшым казаскім клюбам таго часу, «Кайрат» быў абраны базавай структурай дзеля фармаваньня зборнай Казахстану[3]. Галоўны трэнэр каманды Бахтыяр Байсеітаў таксама ачоліў зборную[3]. У першым сэзоне алмацінцы сталі чэмпіёнамі краіны[4]. Яны таксама дасягнулі свайго першага дублю, перагуляўшы «Фосфар» у фінале Кубка Казахстану 1992 году[5].
У наступным сэзоне вынікі «Кайрату» рэзка пагоршыліся. Праз 11-е месца ў сэзоне 1993 году Байсеітаў быў звольнены[3]. Паводле вынікаў двух сэзонаў «Кайрат» пад кіраўніцтвам свайго былога гульца Курбана Бердыева заняў 11-е і 9-е месцы. У 1997 годзе ўжо Вахід Масудаў прывёў каманду да другога посьпеху ў Кубку Казахстану[6]. У канцы сэзону алмацінцы мелі фінансавыя праблемы ў сувязі зь фінансавым крызісам у краіне. Міністэрства абароны Казахстану пастанавіла ўзяць апеку над клюбам[7]. Аднак палова каманды не пагадзілася з гэтым рашэньнем перайсьці пад вайсковы кантроль[8]. У выніку рознагалосьсяў «Кайрат» быў падзелены на дзьве каманды, як то «Кайрат» і «Кайрат-ЦСКА», апошні зь якіх утрымліваўся вайскоўцамі[8]. Пры гэтым менавіта армейскі клюб працягнуў выступы ў найвышэйшым дывізіёну, у той час «Кайрат» быў адпраўлены ў першы дывізіён[8]. У сэзоне 1998 году «Кайрат» знайшоў заступніка ў асобе казаскага бізнэсоўца Булата Абілава, падтрымка якога прывяла да перамогі ў Першай лізе і выхаду ў элітны дывізіён[8]. Наступныя два сэзоны адзначыліся ўдзелам абодвух «Кайратаў» у лізе. Перапоўнены Цэнтральны стадыён прымаў матчы паміж клюбамі і выклікаў вялікую цікавасьць, але і супярэчнасьці сярод заўзятараў[8]. У 2000 годзе «Кайрат» здабыў Кубак Казахстану, перамогшы ў фінале «Аксэс-Голдэн Грэйн» зь лікам 5:0.
1 сакавіка 2001 году намесьнік мэра Алматы Кайрат Букенаў абвесьціў аб аб’яднаньні абодвух клюбаў[8]. Ужо як аб’яднаны «Кайрат» клюб стаў уладальнікам двух Кубкаў Казахстану ў 2001 і 2003 гадах. У 2004 годзе пад кіраўніцтвам Аляксея Пятрушына клюб выйграў чэмпіянат.
Склад
[рэдагаваць | рэдагаваць код]- Актуальны на 22 лютага 2026 году
|
|
.svg){kind=small}
.svg){kind=small}
Крыніцы
[рэдагаваць | рэдагаваць код]- ↑ https://www.transfermarkt.com/kairat-almaty/mitarbeiterhistorie/verein/10482
- ↑ «„Кайрат“: пять поводов для гордости». УЭФА.
- 1 2 3 «Почему тренеры футбольной сборной остаются не востребованы в Казахстане?». kaz-football.kz
- ↑ «Сергей Климов — форвард по характеру». kaz-football.kz
- ↑ «История Кубков Казахстана — 1992–й, турнир новый, трофей старый». Астанінская фэдэрацыя футболу.
- ↑ «„Кайрат“: Выбор Масудова». Караван.
- ↑ «„Кайрат“: Команда-скандал». Караван.
- 1 2 3 4 5 6 «Точки бифуркации – «Кайрат» против «Кайрата», словно брат против брата». Астанінская фэдэрацыя футболу.