Казакі (сэрыя мультфільмаў)
| Казакі | |
| Козаки | |
 | |
| Тып мультфільму | анімацыйны фільм |
|---|---|
| Жанр | анімацыйная камэдыя, мультфільм-прыгоды |
| Рэжысэр | Уладзімер Дахно, Тадэвуш Паўленка |
| Аўтар сцэнару | Уладзімер Дахно, Уладзімер Капусьцян, Э. Кірыч і іншыя |
| Кампазытар | Уладзімер Губа, Ігар Паклад, Барыс Буеўскі і іншыя |
| Аніматары | Мікола Бондар, Канстанцін Чыкін, Міхаіл Цітоў, Ніна Чурылава, Аляксандар Лаўроў, Людміла Ткачыкава, Н. Усьценка. |
| Апэратар | Анатоль Гаўрылаў |
| Гукаапэратар | Віктар Грузьдзеў, Ігар Пагон і іншыя |
| Студыя | «Київнаукфільм» |
| Краіна | УССР |
| Працягласьць | ад 9 да 20 хвілін; сэрыял «Казакі. Футбол» — 2 хвіліны |
| Прэм’ера | 1967—1995 |
«Як казакі…» — сэрыя мультфільмаў, зьнятых у СССР на кінастудыі «Кіеўнавукфільм» рэжысэрам Уладзімерам Дахно. Пасьля распаду СССР цыкль быў працягнуты ў незалежнай Украіне на студыях «Укранімафільм» і Baraban. Усе мультфільмы кароткамэтражныя, іхняя працягласьць не перавышае 20 хвілінаў. Паводле сэрыялу зроблена гульня-квэст «Як казакі Мона Лізу шукалі».
Пра мультфільм
[рэдагаваць | рэдагаваць крыніцу]З выхадам першай сэрыі «Як казакі кулеш варылі» ў 1967 годзе мультфільм адразу набывае вялікую папулярнасьць. У сюжэтах галоўныя героі — тры казакі — трапляюць у неймаверныя прыгоды, сустракаюцца зь людзьмі з розных краінаў і эпохаў, і нават з багамі і іншаплянэцянамі. Усяго створана дзевяць мультфільмаў пра казакоў.
Напачатку 2010-х гадоў студыя «Укранімафільм» пачала рыхтаваць да выпуску другі сэзон сэрыялу «Як казакі…», прэм’ера якога адбылася 30 траўня 2016 году на тэлеканале «1+1». У 2018 годзе выйшаў працяг прыгодаў казакоў — «Казакі. Вакол сьвету».
Галоўныя героі
[рэдагаваць | рэдагаваць крыніцу]- Грай — хітры і разважны высокі казак.
- Вока — маленькі, але бадзёры і ваяўнічы, мае доўгі чуб і пышныя вусы.
- Тур — моцны, але сарамлівы і сантымэнтальны казак.
Сьпіс сэрыяў
[рэдагаваць | рэдагаваць крыніцу]- «Як казакі кулеш варылі» (1967) 09:49
- «Як казакі ў футбол гулялі» (1970) 18:23
- «Як казакі нявестаў ратавалі» (1973) 18:51
- «Як казакі соль куплялі» (1975) 09:20
- «Як казакі алімпійцамі сталі» (1978) 17:35
- «Як казакі мушкетэрам дапамагалі» (1979) 17:37
- «Як казакі на вясельлі гулялі» (1984) 19:28
- «Як казакі іншаплянэцянаў сустракалі» (1987) 17:20
- «Як казакі ў хакей гулялі» (1995) 17:57
Працяг
[рэдагаваць | рэдагаваць крыніцу]- «Казакі. Футбол» (2016)
- «Казакі. Вакол сьвету» (2018)
Цікавосткі
[рэдагаваць | рэдагаваць крыніцу]- Зь нерэалізаванага сцэнару вядома, што Тур родам з Хэрсоншчыны
- Мультсэрыял быў вельмі папулярным у Іране
- Ва ўсіх сэрыях прысутнічаюць аранжаваньні ўкраінскіх народных песьняў
- Падчас групавога турніру Эўра 2012 украінская зборная гуляла ў групе D з супернікамі ў пасьлядоўнасьці аналягічна «Як казакі ў футбол гулялі»: з рыцарамі (зборная Швэцыі), мушкетэрамі (зборная Францыі) і джэнтэльмэнамі (зборная Ангельшчыны). Таксама зборная Ўкраіны на Эўра-2012 выйграла ў швэдаў 2:1 — як і ў мультфільме казакі выйгралі ў рыцараў з тым самым лікам.
Вонкавыя спасылкі
[рэдагаваць | рэдагаваць крыніцу]- Афіцыйны сайт студыі «Укранімафільм»
- Усе сэрыі мультфільмаў «Як казакі…» на афіцыйным Youtube-канале KozakyTV