Як казакі ў футбол гулялі

	Як казакі ў футбол гулялі
	Як козаки у футбол грали
Тып мультфільму	анімацыйны фільм
Жанр	анімацыйная камэдыя, мультфільм-прыгоды
Рэжысэр	Уладзімер Дахно
Аўтар сцэнару	Уладзімер Капусьцян
Кампазытар	Барыс Буеўскі
Аніматары	Сяргей Дзёжкін, Адольф Пядан, Марк Драйцун, Ніна Чурылава, Аляксандар Лаўроў, Уладзімер Дахно і інш.
Апэратар	Анатоль Гаўрылаў
Гукаапэратар	Леанід Мароз
Студыя	«Київнаукфільм»
Краіна	УССР
Працягласьць	17 хвілін 33 сэкундаў
Прэм’ера	1970

«Як казакі ў футбол гулялі» (па-ўкраінску: Як козаки у футбол грали) — мультфільм студыі «Кіеўнавукфільм», зьняты ў 1970 годзе, як другі з сэрыі «Усё пра казакоў».

Сюжэт[рэдагаваць | рэдагаваць крыніцу]

Мультфільм пачынаецца з таго, што казакі чакаюць прыбыцьця Грая, Вока і Тура з Лёндану. Яны распавядаюць ня толькі пра горад, а пра гульню, якую яны там пабачылі — футбол. І казацкі атрад пачынае трэніроўкі, для таго, каб атрымаць чэмпіёнскі кубак па футболе ў Ангельшчыне. Трое казакоў, якія навучылі азам футболу іншых, зьбіраюць каманду і вырушаюць на Захад. Дарэчы, дастаткова сымбалічным зьяўляецца тое, што яны складаюць зброю. То бок, гэта азначае тое, што патрэбна спыніць ваенныя дзеяньні, а перамясьціць палі бітваў на футбольныя баталіі.

Казакі гуляюць у трох краінах Эўропы — першая зь якіх невядомая, паколькі на табло пры паказе рахунку асьвятляецца слова «Рыцары». Хутчэй за ўсё, гэта гульцы зь сярэднявечнай Нямеччыны, зыходзячы з шматлікіх намёкаў. Яны карыстаюцца своеасаблівым стылем ў гульні ў футбол — пабудова «клінам», або «сьвінячай галавою», што было традыцыйнай пабудовай нямецкіх ваяроў. Існуе вэрсія, што казакі гулялі з швэдзкімі вікінгамі^[1], якіх перамаглі з тым жа лікам, які быў зафіксаваны ў гульні зборнай Украіны супраць зборнай Швэцыі на Эўра-2012. Таксама яны гулялі ў Францыі і Ангельшчыне.

У Францыі яны гуляюць супраць мушкетэраў у палацы, а ў Ангельшчыне матч ідзе ў Лёндане, паколькі паказана дажджлівае надвор’е, вежа з гадзіньнікам, першы цягнік і каралева — гэта прыкметы гораду Лёндану. У гэтым заключаецца гумарыстычная пародыя на нацыянальныя стэрэатыпы.