Зімовыя Алімпійскія гульні 2026 году
| XXV зімовыя Алімпійскія гульні | |
 | |
| Горад-арганізатар | Мілян і Картына-д’Ампэцца, Італія |
|---|---|
| Узнагароды | 116 у 8 відах спорту |
| Цырымонія адкрыцьця | 6 лютага |
| Цырымонія закрыцьця | 22 лютага |
| Афіцыйна адкрыў | Сэрджа Матарэльля |
| Стадыён | Сан-Сыра, Вэронская арэна |
| Афіцыйны сайт | milanocortina2026 |
Зімо́выя Алімпі́йскія гу́льні 2026 го́ду (афіцыйна — Гульні XXV Алімпія́ды) — чарговыя Алімпійскія гульні, спаборніцтва, якое лічыцца найбуйнейшай спартовай падзеяй на плянэце. Ладзіліся з 6 па 22 лютага 2026 году ў Міляне і Картыне-д’Ампэцца ў Італіі. Заяўкі ад гарадоў абраныя 24 чэрвеня 2019 году на 131-й сэсіі МАК у Лязане (Швайцарыя). Гэта першыя Алімпійскія гульні, якія афіцыйна ладзіліся сумесна некалькімі гарадамі, прычым галоўным спаборніцтвы па лёдзе праводзіліся ў Міляне, а апошнія старты адбыліся на спартовых аб’ектах ля Картыны-д’Ампэцца і далінаў Вальтэліна і Ф’емэ. Гэта трэція зімовыя Алімпійскія гульні і чацьвертыя агулам, якія арганізавала ў сябе Італія. Раней Картына-д’Ампэцца ўжо ладзіла зімовыя Алімпійскія гульні 1956 году.
Выбар месца правядзеньня
[рэдагаваць | рэдагаваць код]Чатыры гарады, як то Калгары, Сапара, Сіён і Стакгольм, далучыліся да этапу дыялёгу аб арганізацыі турніру з моманту ад 29 верасьня 2017 году і ўзялі ўдзел у Праграме назіраньня за Пхёнчханам у 2018 годзе[1]. Астатнія гарады, як то сумесная заяўка Міляну і Картыны-д’Ампэцца, а таксама Эрзурума і Грацу, далучыліся своечасова да тэрміну 31 сакавіка 2018 году, каб разглядацца у якасьці кандыдатаў.
Тры з чатырох гарадоў, якія ўсё яшчэ заставаліся ў стадыі дыялёгу на кастрычнік 2018 году, атрымалі запрашэньне ад МАК далучыцца да этапу падачы заявак. Сярод гэтых гаралоў былі Калгары, Стакгольм і сумесная заяўка Міляну і Картыны-д’Ампэцца. Эрзурум быў адзіным горадам, які заставаўся ў стадыі дыялёгу, але ягоныя прадстаўнікі былі запрошаныя да далейшага ўдзелу[2]. Калгары адклікаў сваю заяўку 19 лістапада 2018 году, а Стакгольм падаў сумесную новую заяўку з Орэ 11 студзеня 2019 году.
Мілян і Картына-д’Ампэцца былі афіцыйна абраныя гарадамі-гаспадарамі 24 чэрвеня 2019 году на 134-й сэсіі МАК у швайцарскай Лязане. Тры італьянскія сябры МАК, як то Франка Карара, Іва Фэрыяні і Джаваньні Маляго, і два швэдзкія сябры арганізацыі, як Гуніла Ліндбэрг і Стэфан Гольм, ня мелі права голасу, як гэта прадугледжана Алімпійскай хартыяй[3][4][5].
| Вынікі галасаваньня | ||||||
|---|---|---|---|---|---|---|
| Кандыдаты | Краіна | 1-ы раўнд | ||||
| Мілян—Картына-д’Ампэцца |  Італія |
47 | ||||
| Стакгольм—Орэ |  Швэцыя |
34 | ||||
Гульні
[рэдагаваць | рэдагаваць код]Цырымонія адкрыцьця
[рэдагаваць | рэдагаваць код]
Цырымонія адкрыцьця, якая атрымала назву «Гармонія», адбылася 6 лютага 2026 году на мілянскім стадыёне Сан-Сыра[6]. Прадусарствам цырымоніі занялася француская кампанія Banijay. Крэатыўны кіраўнік цырымоніі растлумачыў, што слова «гармонія» было выбранае, бо яно паходзіць з старажытнагрэцкай мовы. У музычным пляне яно азначае «аб’яднаньне» розных элемэнтаў[7]. На цырымоніі адкрыцьця таксама адбыліся выступы амэрыканскай сьпявачкі Мэраі Кэры[8][9][10] і італьянскіх выканаўцаў Ляўры Паўзыні ды Андрэа Бачэльлі[11][12].
Віды спорту
[рэдагаваць | рэдагаваць код]
На зімовых Алімпійскіх гульнях 2026 году было заплянавана 116 мэдальных спаборніцтваў у 16 дысцыплінах, што на сем відаў спорту больш, чым у было ў Пэкіне на папярэдніх зімовых Алімпійскіх гульняў 2022 году. Новыя мэдальныя спаборніцтвы ўлучалі мужчынскі і жаночы паралельны могул у фрыстайле, мужчынскія і жаночыя двойкі у санным спорце, мужчынскую і жаночую камандную камбінацыю ў гарналыжным спорце, жаночы індывідуальны скок на вялікім трампліне ў скачках з трампліну і зьмяшаную эстафэту ў скелетоне. Гульні мелі найвялікшы адсотак удзелу жанчынаў у гісторыі зімовых Алімпійскіх гульняў, як то 47%[13][14].
Паралельныя спаборніцтвы па гарналыжным спорце ў зьмяшаных камандах былі адмененыя. Гарналыжнае камбінаванае спаборніцтва перайшло з індывідуальнага фармату на каманды з двух чалавек, бо ўдзел у гэтым спаборніцтве зьмяншаўся празь зьмены тэхнічных і трэнавальных патрабаваньняў, і было выключанае з Кубка сьвету па гарналыжным спорце ў 2020 годзе[15][16][17]. Камандныя скачкі з трампліну і лыжныя падвойныя спаборніцтвы таксама перайшлі на каманды з двух чалавек[14]. Упершыню на Алімпійскіх гульнях жанчыны мелі ў лыжных гонках тыя ж самыя дыстанцыі, што і мужчыны[14].
На 138-й сэсіі МАК 20 ліпеня 2021 году была ўхваленая прапанова арганізацыйнай рады дадаць скі-альпінізм у якасьці дэбютнага дадатковага віду спорту. Ён складаўся з трох мэдальных дысцыплінаў, як то мужчынскага і жаночага спрынту, а таксама зьмяшанай эстафэты[18]. У лютым 2024 году Міжнародная фэдэрацыя хакею на лёдзе абвесьціла аб пагадненьні з Нацыянальнай хакейнай лігай, якое дазволіла ейным гульцам узяць удзел у мужчынскім хакейным турніры Алімпійскіх гульняў упершыню з 2014 году[19].
Цырымонія закрыцьця
[рэдагаваць | рэдагаваць код]Цырымонія закрыцьця ладзілася на Вэронскай арэне 22 лютага 2026 году, а ейным назовам быў абраны выраз «Прыгажосьць у дзеі»[20]. Акрамя культурных сэгмэнтаў на цырымоніі былі прамоўленыя заключныя словы і была зробленая афіцыйная перадача права на правядзеньне зімовых Алімпійскіх гульняў 2030 году ў Францускіх Альпах[21]. Першым пацьверджаным удзельнікам цырымоніі закрыцьця стаў танцор балета Рабэрта Больле, які ўважаецца за вядучага плясуна балету тэатра Ля Скаля. Ён і рэжысэр Альфрэда Акатына раней разам працавалі над цырымоніяй адкрыцьця зімовых Алімпійскіх гульняў 2006 году[22].
Каляндар
[рэдагаваць | рэдагаваць код]Першая вэрсія раскладу была высунутая ў сакавіку 2024 году. Спаборніцтвы пачаліся за два дні да цырымоніі адкрыцьця 4 лютага з турніру па кэрлінгу ў зьмяшаных парных разрадах і скончыліся 22 лютага 2026 году фіналам мужчынскага турніру па хакеі з шайбай[23]. Другая вэрсія раскладу была апублікаваная ў сьнежні 2024 году[24].
| ЦА | Цырымонія адкрыцьця | ● | Спаборніцтвы | 1 | Фіналы спаборніцтваў | ЦЗ | Цырымонія закрыцьця |
| Люты | 4 Сер |
5 Чац |
6 Пят |
7 Суб |
8 Няд |
9 Пан |
10 Аўт |
11 Сер |
12 Чац |
13 Пят |
14 Суб |
15 Няд |
16 Пан |
17 Аўт |
18 Сер |
19 Чац |
20 Пят |
21 Суб |
22 Няд |
Узнагароды |
|---|---|---|---|---|---|---|---|---|---|---|---|---|---|---|---|---|---|---|---|---|
 Цырымоніі | ЦА | ЦЗ | ||||||||||||||||||
 Біятлён
| 1 | 1 | 1 | 1 | 1 | 2 | 1 | 1 | 1 | 1 | 11 | |||||||||
 Бобслэй
| ● | 1 | 1 | ● | 1 | 1 | 4 | |||||||||||||
 Горныя лыжы
| 1 | 1 | 1 | 1 | 1 | 1 | 1 | 1 | 1 | 1 | 10 | |||||||||
 Канькабежны спорт
| 1 | 1 | 1 | 1 | 1 | 1 | 1 | 1 | 2 | 1 | 1 | 2 | 14 | |||||||
 Кэрлінг
| ● | ● | ● | ● | ● | ● | 1 | ● | ● | ● | ● | ● | ● | ● | ● | ● | ● | 1 | 1 | 3 |
 Лыжнае дваяборства
| 1 | 1 | 1 | 3 | ||||||||||||||||
 Лыжныя гонкі
| 1 | 1 | 2 | 1 | 1 | 1 | 1 | 2 | 1 | 1 | 12 | |||||||||
 Санны спорт
| ● | 1 | ● | 1 | 2 | 1 | 5 | |||||||||||||
 Скачкі на лыжах з трампліну
| 1 | 1 | 1 | 1 | 1 | 1 | 6 | |||||||||||||
 Скелетон
| ● | 1 | 1 | 1 | 3 | |||||||||||||||
 Скі-альпінізм
| 2 | 1 | 3 | |||||||||||||||||
 Сноўбордынг
| ● | 1 | 2 | 1 | ● | 2 | 2 | 1 | ● | 2 | 11 | |||||||||
 Фігурнае катаньне
| ● | ● | 1 | ● | ● | 1 | 1 | ● | 1 | ● | 1 | 5 | ||||||||
 Фрыстайл
| ● | 1 | 1 | 1 | 1 | 1 | 1 | 1 | 1 | 1 | ● | 3 | 2 | 1 | 15 | |||||
 Хакей з шайбай
| ● | ● | ● | ● | ● | ● | ● | ● | ● | ● | ● | ● | ● | ● | 1 | ● | ● | 1 | 2 | |
 Шорт-трэк
| 1 | 2 | 1 | 1 | 2 | 2 | 9 | |||||||||||||
| Узнагароды | 5 | 8 | 5 | 9 | 8 | 9 | 7 | 8 | 9 | 6 | 6 | 9 | 6 | 7 | 9 | 5 | 116 | |||
| Люты | 4 Сер |
5 Чац |
6 Пят |
7 Суб |
8 Няд |
9 Пан |
10 Аўт |
11 Сер |
12 Чац |
13 Пят |
14 Суб |
15 Няд |
16 Пан |
17 Аўт |
18 Сер |
19 Чац |
20 Пят |
21 Суб |
22 Няд |
Узнагароды |
Табліца мэдалёў
[рэдагаваць | рэдагаваць код]| Месца | Краіна | Золата | Срэбра | Бронза | Усяго |
|---|---|---|---|---|---|
| 1 |  Нарвэгія | 18 | 12 | 11 | 41 |
| 2 |  ЗША | 12 | 12 | 9 | 33 |
| 3 |  Нідэрлянды | 10 | 7 | 3 | 20 |
| 4 | Італія | 10 | 6 | 14 | 30 |
| 5 |  Нямеччына | 8 | 10 | 8 | 26 |
| 6 |  Францыя | 8 | 9 | 6 | 23 |
| 7 | Швэцыя | 8 | 6 | 4 | 18 |
| 8 |  Швайцарыя | 6 | 9 | 8 | 23 |
| 9 |  Аўстрыя | 5 | 8 | 5 | 18 |
| 10 |  Японія | 5 | 7 | 12 | 24 |
| 11 | .svg){kind=small} Канада | 5 | 7 | 9 | 21 |
| 12 |  Кітай | 5 | 4 | 6 | 15 |
| 13 |  Рэспубліка Карэя | 3 | 4 | 3 | 10 |
| 14 |  Аўстралія | 3 | 2 | 1 | 6 |
| 15 |  Вялікабрытанія | 3 | 1 | 1 | 5 |
| 16 |  Чэхія | 2 | 2 | 1 | 5 |
| 17 |  Славенія | 2 | 1 | 1 | 4 |
| 18 |  Гішпанія | 1 | 0 | 2 | 3 |
| 19 |  Бразылія | 1 | 0 | 0 | 1 |
 Казахстан | 1 | 0 | 0 | 1 | |
| 21 |  Польшча | 0 | 3 | 1 | 4 |
| 22 |  Новая Зэляндыя | 0 | 2 | 1 | 3 |
| 23 |  Фінляндыя | 0 | 1 | 5 | 6 |
| 24 |  Латвія | 0 | 1 | 1 | 2 |
| 25 |  Грузія | 0 | 1 | 0 | 1 |
 Данія | 0 | 1 | 0 | 1 | |
 Эстонія | 0 | 1 | 0 | 1 | |
| — |  Індывідуальныя нэўтральныя атлеты | 0 | 1 | 0 | 1 |
| 28 |  Баўгарыя | 0 | 0 | 2 | 2 |
| 29 | .svg){kind=small} Бэльгія | 0 | 0 | 1 | 1 |
| Усяго | 116 | 118 | 115 | 349 | |
Маркетынг
[рэдагаваць | рэдагаваць код]Эмблема і сьлёган
[рэдагаваць | рэдагаваць код]Упершыню эмблема Алімпійскіх гульняў была вызначаная шляхам публічнага галасаваньня. 6 сакавіка 2021 году ў час фіналу музычнага фэстывалю ў Сан-Рэма 2021 году былыя італьянскія алімпійскія чэмпіёны Фэдэрыка Пэлегрыні і Альбэрта Томба паказалі два прапанаваныя варыянта пад назвай «Дадо» і «Футура». Абодва варыянты былі распрацаваныя кампаніяй Landor Associates[25][26]. 30 сакавіка 2021 году «Футура» была абвешчаная пераможнай эмблемай[27][28]. Эмблема складаецца з стылізаванай літары «26», якая намаляваная адной рысай, якая сымбалізуе ўплыў невялікіх жэстаў і ёсьць праявай спорту, салідарнасьці і ўстойлівага разьвіцьця[29].
Афіцыйны сьлёган гульняў «Гэта твой настрой (вайб)» быў абвешчаны 23 лютага 2025 году. У напісаньні ангельскай мовай пачатак сьлёгану зроблены з выкарыстаньнем загалоўных літараў «IT’s», якая таксама адначасна ёсьць абрэвіятурай ад Італіі. Такім чынам, сьлёган у розных кантэкстах адлюстроўвае гульні і краіну, якая іх ладзіць[30][31].
Талісманы
[рэдагаваць | рэдагаваць код]
Анлайн-галасаваньне, якое завяршылася 28 лютага 2023 году, ладзілася сярод кандыдатаў зь сьпісу, высунутага каб выявіць двух талісманаў імпрэзы. Кандыдаты-пераможцы, распрацаваныя вучнямі школы ў Тавэрне і натхнёныя гарнастаямі[32], былі прадстаўленыя падчас другога вечара музычнага фэстывалю ў Сан-Рэма 7 лютага 2024 году[33]. Гарнастаі атрымалі імёны Тына і Мілё, якія паходзяць ад назваў гарадоў-гаспадароў. Талісманы ёсьць сваякамі, то бок братам і сястрою[34][35][36]. Выбар гарнастаяў быў растлумачаны тым, што гэтыя жывёлы ўвасабляюць сучасны італьянскі дух цікаўнасьці, здольнасьць зьмяняцца ў залежнасьці ад сэзонаў і здольнасьць адаптавацца да складаных асяродзьдзяў пражываньня[35][36]. Двух галоўных талісманаў дадаткова суправаджаюць шасьць кветак пралесак, якіх клічуць Флё[37].
Паводле легенды, Мілё, карычневы гарнастай, і Тына, белы гарнастай, нарадзіліся ў гарах Італіі, але пастанавілі сабе пераехаць у горад. Тына, галоўны алімпійскі талісман, сымбалізуе мастацтва, музыку і трансфармацыйную сілу прыгажосьці. Мілё, паралімпійскі талісман, нарадзіўся без нагі, але прыстасаваў свой хвост да таго, каб жыць нармалёвым жыцьцём з дапамогай кемлівасьці, сілы волі і творчасьці[35].
Песьня
[рэдагаваць | рэдагаваць код]Падчас фіналу музычнага фэстывалю ў Сан-Рэма 2022 году былі прадстаўленыя два канчатковыя кандыдаты на афіцыйны гімн спартовай падзеі, пасьля чаго адбылося галасаваньне. 7 сакавіка 2022 году пераможцам была абвешчаная песьня «Fino all’alba» («Да сьвітаньня»), напісаная моладзевым музычным гуртом La Cittadina з царквы Сан-П’етра-Мартырэ-ін-Сэвэза і выкананая падчас фэстывалю сьпявачкай Арызай[38].
Крыніцы
[рэдагаваць | рэдагаваць код]- ↑ Livingstone, Robert (1.02.2018). «Four 2026 Olympic Bid Cities To Travel To PyeongChang For Observer Program». GamesBids.
- ↑ Toy, Adam (4.10.2018). «Calgary named one of three candidate cities for 2026 Olympics». Global News.
- ↑ «Lausanne To Host Vote For Winning 2026 Winter Olympic Bid Instead of Milan After Italy Enters Race». GamesBids.
- ↑ «IOC To Move Up 2026 Olympic Bid Vote Three Months, Now June 2019». GamesBids.
- ↑ «Winter Olympics: Italy’s Milan-Cortina bid chosen as host for the 2026 Games». BBC.
- ↑ Harmony (Armonia): the vision that will unite the Opening Ceremony of the Olympic Winter Games Milano Cortina 2026. International Olympic Committee (17.10.2025). Архіўная копія ад 28.10.2025 г.
- ↑ Opening Ceremony of the Milano Cortina 2026 Olympic Winter Games to be a Celebration of Armonia. Milan-Cortina 2026 (16.10.2025). Архіўная копія ад 28.10.2025 г.
- ↑ Mariah Carey, announced as a first music icon of the Milano Cortina 2026 Winter Olympic Games Opening Ceremony. Milan-Cortina 2026 (15.12.2025). Архіўная копія ад 16.12.2025 г.
- ↑ Mariah Carey to sing at Winter Olympics opening ceremony. BBC (15.12.2025). Архіўная копія ад 16.12.2025 г.
- ↑ All I want for Christmas is the Olympics. Mariah Carey to perform at Milan Cortina opening ceremony. BBC (15.12.2025). Архіўная копія ад 16.12.2025 г.
- ↑ Laura Pausini will appear at the Opening Ceremony of the Milano Cortina 2026 Olympic Winter Games. Milan-Cortina 2026 (02.01.2026). Архіўная копія ад 13.01.2026 г.
- ↑ Maestro Andrea Bocelli to perform at the Opening Ceremony of the Olympic Winter Games Milano Cortina 2026. Milan-Cortina 2026 (11.01.2026). Архіўная копія ад 13.01.2026 г.
- ↑ «Milano Cortina 2026 set to become the most gender-balanced Olympic Winter Games in history». International Olympic Committee.
- 1 2 3 «Alpine skiing combined to become team event for Milan Cortina 2026». Inside the Games.
- ↑ «Alpine combined to be team event at ’26 Games». ESPN.
- ↑ Sheinin, Dave (10.02.2022). «The end of the combined? Alpine officials contemplate the future of the event». Washington Post.
- ↑ «Alpine Combined To Become Team Event At 2026 Games». Snow Industry News.
- ↑ Sharma, Hritika (21.07.2021). «Ski mountaineering added to 2026 Winter Olympic program». Infobae.
- ↑ «NHL players to return to Olympics in 2026 and 2030». CNN.
- ↑ Closing Ceremony of the Milano Cortina 2026 Olympic Winter Games to Be a Tribute to "Beauty in Action". Milan Cortina 2026 (06.11.2025). Архіўная копія ад 14.11.2025 г.
- ↑ Verona's Roman Arena to host Winter Games closing ceremony. Reuters (06.11.2025). Архіўная копія ад 14.11.2025 г.
- ↑ Ballet star Roberto Bolle will headline 2026 Winter Olympics closing ceremony in Verona. AP News (06.11.2025). Архіўная копія ад 14.11.2025 г.
- ↑ Competition Schedule V.5 (by session). Milano-Cortina Organising Committee for the 2026 Olympic and Paralympic Winter Games (13.03.2024). Архіўная копія ад 16.07.2024 г.
- ↑ Milano Cortina 2026: Full test events calendar. Inside the Games (28.12.2024). Архіўная копія ад 28.12.2024 г.
- ↑ Dal festival di Sanremo Pellegrini e Tomba lanciano 'Dado' o 'Futura', loghi di Milano-Cortina 2026. la Repubblica (06.03.2021). Архіўная копія ад 16.01.2023 г.
- ↑ Milano Cortina 2026 Launch Online Vote to Decide Emblem // International Olympic Committee, 09.03.2021 г. Архіўная копія ад 10.03.2021 г.
- ↑ Primavera, Erika (07.03.2021) Olimpiadi 2026, 'Dado' o 'Futura': ecco il loghi per Milano Cortina Архіўная копія ад 16.01.2023 г.
- ↑ Milano Cortina 2026, i nuovi simboli. E’ 'Futura' il logo scelto, bianco per le olimpiadi, colorato per le paralimpiadi – Sport. Agenzia ANSA (30.03.2021). Архіўная копія ад 16.01.2023 г.
- ↑ Milan Cortina 2026 unveil "Futura" design as Winter Olympic and Paralympic logo. www.insidethegames.biz (30.03.2021). Архіўная копія ад 30.03.2021 г.
- ↑ Milano Cortina unveils slogan // Inside the Games, 23.02.2025 г. Архіўная копія ад 23.02.2025 г.
- ↑ Milano Cortina 2026 unveils official motto: "IT’s Your Vibe". Olympics.com (21.02.2025). Архіўная копія ад 20.02.2025 г.
- ↑ Milano-Cortina: dalla Calabria la mascotte delle Olimpiadi. Agenzia ANSA (01.03.2023). Архіўная копія ад 01.03.2023 г.
- ↑ Scaletta seconda serata Sanremo 2024, l’ordine di uscita di cantanti e ospiti stasera. Sky Italia (07.02.2024). Архіўная копія ад 07.02.2024 г.
- ↑ Di Grazia, Ida (07.02.2024) Sanremo 2024, diretta seconda serata Incursione del signor Ruggero di Viva Rai2. I cantanti diventano presentatori. Giorgia co-conduttrice. Leggo. Архіўная копія ад 07.02.2024 г.
- 1 2 3 The mascots of Milano Cortina 2026. IOC. Архіўная копія ад 13.02.2024 г.
- 1 2 Milano Cortina 2026 unveils mascots Tina and Milo. olympics.com (07.02.2024). Архіўная копія ад 29.07.2024 г.
- ↑ La storia di Tina e Milo. IOC. Архіўная копія ад 08.02.2024 г.
- ↑ Bila, Leticia. Milan Cortina 2026 unveils official song after earning 72 per cent of vote // InsideTheGames.biz, 07.03.2022 г. Архіўная копія ад 16.01.2023 г.