Зьміцер Бугаёў

Зьміцер Бугаёў
	Зьміцер Бугаёў
Дата нараджэньня	12 студзеня 1929
Месца нараджэньня	Сычыкі[d], Бацьвінаўскі сельсавет, Крычаўскі раён, Магілёўская акруга, БССР, СССР;
Дата сьмерці	28 сьнежня 2017 (88 гадоў)
Месца сьмерці	Менск, Беларусь;
Месца пахаваньня	Паўночныя могілкі[d];
Месца вучобы	Сацыяльна-гуманітарны каледж[d] (1948); Магілёўскі дзяржаўны ўнівэрсытэт імя Аркадзя Куляшова (1952); МДПІ (1955);
Занятак	літаратуразнаўца, літаратурны крытык, прафэсар унівэрсытэту, літаратар
Навуковая сфэра	літаратуразнаўства і літаратурная крытыка
Месца працы	Мазырскі дзяржаўны пэдагагічны ўнівэрсытэт імя І. П. Шамякіна; Інстытут літаратуры імя Янкі Купалы; філялягічны факультэт БДУ;
Сябра ў	Саюз пісьменьнікаў СССР, Беларускі ПЭН-цэнтар і Саюз беларускіх пісьменьнікаў
Навуковая ступень	кандыдат філялягічных навук[d]
Дзеці	Людміла Сінькова[d]

Зьміцер Якаўлевіч Бугаёў (12 студзеня 1929, в. Сычыкі, Крычаўскага раён, Магілёўскай вобласьць — 28 сьнежня 2017) — беларускі літаратуразнавец і крытык. Кандыдат філялягічных навук (1960), прафэсар.

Біяграфія

Нарадзіўся 12 студзеня 1929 году ў в. Сычыкі Крычаўскага раёну Магілёўскай вобласьці. У 1945—1948 гадох вучыўся ў Магілёўскай пэдагагічнай вучэльні. У 1948—1952 гадох — у Магілёўскім пэдагагічным інстытуце. У 1952—1955 гадох — у асьпірантуры Менскага пэдагагічнага інстытуту.

У 1955—1959 гадох працаваў у Мазырскім пэдагагічным інстытуце, у 1959—1964 гадох — у Інстытуце літаратуры імя Янкі Купалы АН БССР, з 1964 году — дацэнт Беларускага дзяржаўнага ўнівэрсытэту, дзе выкладаў на філялягічным факультэце. Сябра беларускага ПЭН-цэнтру з 1989 году. Сябра Саюзу пісьменьнікаў СССР з 1961 году.

Памёр 28 сьнежня 2017 году^[3].

Навуковая дзейнасьць

Друкаваўся з 1957 году. Выступаў у друку па праблемах сучаснага літаратурнага працэсу, мастацкага майстэрства і стылю. Адзін з аўтараў «Гісторыі беларускай савецкай літаратуры» (т. 1-2, 1965-1966). Дасьледаваў творчасьць Максіма Танка, Уладзімера Дубоўкі, Максіма Гарэцкага, Івана Мележа, Васіля Быкава.

Бібліяграфія

«Шчодрае сэрца пісьменніка» (1963)
«Паэзія Максіма Танка» (1964, 2003: 2-е выд.)
«Уладзімір Дубоўка» (1965)
«Максім Гарэцкі» (1968, 2003: 2-е выд.): першае, пасля часу замоўчваньня, даследаваньне творчасьці Гарэцкага.
«Шматграннасць» (1970)
«Зброяй сатыры, зброяй праўды» (1971, 2004: 2-е выд.)
«Вернасць прызванню: Творчая індывідуальнасць Івана Мележа» (1977)
«Талент і праца» (1979)
«Чалавечнасць» (1985)
«Васіль Быкаў» (1987)
«Арганічнасць таленту» (1989)
«Спавядальнае слова» (2001)
«Служэнне Беларусі» (2003)

Крыніцы

^ ^а ^б нарматыўны кантроль Бібліятэкі Кангрэсу (анг.) — Library of Congress.
^ ^а ^б Buhajeŭ, Dzmìtryj Jakaŭlevìč // Нацыянальная служба Чэскай рэспублікі
^ Памёр літаратурны крытык Дзмітрый Бугаёў

[_e8a769e9d42d0ab5-1] а ^б нарматыўны кантроль Бібліятэкі Кангрэсу (анг.) — Library of Congress.

[_6e6a5b14522fdfe5-2] а ^б Buhajeŭ, Dzmìtryj Jakaŭlevìč // Нацыянальная служба Чэскай рэспублікі

[3] Памёр літаратурны крытык Дзмітрый Бугаёў

[1]

[2]

[3]