Зорныя войны

«Зорныя войны» (па-ангельску: Star Wars) — эпічная фантастычная сага амэрыканскага рэжысэра Джорджа Лукаса. Сэрыял аказаў велізарны ўплыў на міжнародную поп-культуру, на ягонай аснове паўстаў пашыраны Сусьвет «Зорных войнаў» са шматлікімі кнігамі, тэлесэрыяламі, відэагульнямі й коміксамі. Асаблівай увагі пасьлядоўнікаў заслужыў пэрыяд паміж першай і другой трылёґіямі.

Першы фільм выйшаў 25 траўня 1977 году пад назвай «Зорныя войны». Ён меў велізарны касавы посьпех. Гэта выратавала кампанію «20th Century Fox» ад пагражаўшага ёй крызысу. Калі сумненьні ў акупальнасьці праекту адпалі, першы фільм атрымаў падзагаловак «Новая надзея». За ім выйшлі два працягі: «Імпэрыя наносіць удар у адказ» (1980) і «Вяртаньне джэдая» (1983). Першы фільм трылёґіі-прыквэлу зьявіўся праз шаснаццаць рокаў ад выхаду VI эпізоду, і зь перапынкамі ў тры гады выйшлі наступныя дзьве часткі.

У кастрычніку 2012 The Walt Disney Company набыла Lucasfilm і абвясьціла пра свой намер сфільмаваць трылёґію-працяг, першая частка якога павінна зьявіцца ў 2015 року^[1].

Франшыза апісвае сусьвет «Зорных войнаў» як падзеі далёкага-далёкага мінулага ў далёкай-далёкай галяктыцы. Джэдаі — прадстаўнікі дабра, іхнія антаганісты — сытхі. Зброя абодвух бакоў — лязэрныя мечы — стала вельмі папулярнай у фанатаў.

Кінаэпапея

У нізку фільмаў «Зорныя войны» ўваходзяць шэсьць сэрыяў. Спачатку былі зьнятыя эпізоды IV—VI, праз пэўны час — I—III.

У цэнтры «Зорных войнаў» жыцьцёвы шлях Энакіна Скайуокера — галоўнага героя сагі.

Арыгінальная трылёґія

1977 — «Зорныя войны. Эпізод IV: Новая надзея» / Star Wars: Episode IV — A New Hope. Бюджэт — 11 мільёнаў $
1980 — «Зорныя войны. Эпізод V: Імпэрыя наносіць удар у адказ» / Star Wars: Episode V — The Empire Strikes Back. Бюджэт — 32 мільёны $
1983 — «Зорныя войны. Эпізод VI: Вяртаньне джэдая» / Star Wars: Episode VI — Return of the Jedi. Бюджэт — 32,5 мільёны $

Трылёгія-прыквэл

1999 — «Зорныя войны. Эпізод I: Цьмяная пагроза» / Star Wars: Episode I — The Phantom Menace. Бюджэт — 115 мільёнаў $
2002 — «Зорныя войны. Эпізод II: Атака клонаў» / Star Wars: Episode II — Attack of the Clones. Бюджэт — 120 мільёнаў $
2005 — «Зорныя войны. Эпізод III: Помста сытхаў» / Star Wars: Episode III — Revenge of the Sith. Бюджэт — 115 мільёнаў $

Трылёгія-сыквэл

2015 — Зорныя войны. Эпізод VII / Star Wars: Episode VII
Зорныя войны. Эпізод VIII^[2] / Star Wars. Episode VIII
Зорныя войны. Эпізод IX^[3] / Star Wars. Episode IX

Крыніцы

^ Disney to make new 'Star Wars' films, buy Lucas co (анг.) MSN Money Праверана October 31, 2012 г.
^ Star Wars: Episode VIII - IMDb (анг.) Праверана 2013-03-21 г. Архіўная копія ад 2013-03-27 г.
^ Star Wars: Episode IX - IMDb (анг.) Праверана 2013-03-21 г. Архіўная копія ад 2013-03-27 г.

Вонкавыя спасылкі

Афіцыйная бачына (анг.)
Wookieepedia — вікі-праект, прысьвечаны сусьвету «Зорных войнаў» (анг.)

[1] Disney to make new 'Star Wars' films, buy Lucas co (анг.) MSN Money Праверана October 31, 2012 г.

[2] Star Wars: Episode VIII - IMDb (анг.) Праверана 2013-03-21 г. Архіўная копія ад 2013-03-27 г.

[3] Star Wars: Episode IX - IMDb (анг.) Праверана 2013-03-21 г. Архіўная копія ад 2013-03-27 г.

[1]

[2]

[3]