Знойма

Знойма
чэск. *Znojmo*
	Знойма; чэск. Znojmo
	Населены пункт
Сьцяг	Герб
Краіна	Чэхія
Край	Паўднёвамараўскі край
Раён	Знойма
Першыя згадкі	1055
Дата заснаваньня	1226
Кіраўніцтва і ўлада
Мэр	Францішак Коўдэла[d]
Геаграфія
Плошча	65,93 км²
Вышыня НУМ	290 м
Часавы пас	UTC+1;
Каардынаты	48°51′20″ пн. ш. 16°02′56″ у. д.HGЯO
Насельніцтва
Колькасьць	▼ 34 055 чал. (2012)
Лічбавыя ідэнтыфікатары
Тэлефонны код	2
Паштовыя індэксы	669 — 02
Нумарны знак	B (старыя ZM)
Сайт	www.znojmocity.cz
	Знойма на мапе Чэхіі Знойма

Зно́йма (па-чэску: Znojmo, па-нямецку: Znaim) — места ў раёне Знойма Паўднёвамараўскага краю Чэхіі. Месьціцца на левым беразе ракі Дыя, каля мяжы з Аўстрыяй.

Гісторыя

Места заснавана ў 1055 року. Сучасны Знойма закладзены ў 1226 року чэскім каралём Пржэмыслам I Отакарам на месцы старадаўняй сталіцы Мараўскага маркграфства, зруйнаванай у 1145 року. Да сярэдзіны XIII стагодзьдзя выкарыстоўваўся як цьвердзь чэскай дынастыі Пржэмысловічаў. Да нашых дзён ад цьвердзі захавалася толькі ратонда.

У Знойма 12 ліпеня 1809 року было заключана перамір’е паміж Напалеонам I і аўстрыйскім эрцгерцагам Карлам пасьля заканчэньня Ваграмскай бітвы. У часы ўваходжаньня Чэхіі ў склад Аўстрыйскай імпэрыі места называлася Цнайм (па-нямецку: Znaim).

У 1953 року ў месцы быў заснаваны футбольны клюб «Знойма».

Эканоміка

У горадзе маецца гарбарная, керамічная, абутковая й тэкстыльная прамысловасьці. Існуе вытворчасьць спартовага інвэнтару. Харчовая прамысловасьць прадстаўлена вінаробствам і вытворчасьцю фруктовых і агароднінных кансэрваў.

Гістарычная спадчына

У месцы ёсьць мноства ўзораў сярэднявечнай архітэктуры. Найбольш вядомыя зь іх:

Гатычны касьцёл Сьвятога Мікалая (Kostel sv. Mikuláše). Пабудаваны ў 1348 року імпэратарам Карлам IV
Будынак муніцыпалітэту зь 75-мятровай вежай (каля 1446)
Ратонда Сьвятой Катаржыны. Зьяўляецца частка руінаў замку, які належаў Пржэмысловічам. Інтэр’ер ратонды ўпрыгожаны фрэскавымі росьпісамі 1134 року з выявамі біблейскіх сцэн і прадстаўнікоў роду Пржэмысловічаў.