Заходня-Сэрбская Фэдэрацыя

Зьвесткі зь Вікіпэдыі — вольнай энцыкляпэдыі
Перайсьці да навігацыі Перайсьці да пошуку
Заходня-Сэрбская Фэдэрацыя
сэрб. Западно Српска Федерација
State Flag of Serbian Krajina (1991).svg
 
Flag of the Republika Srpska.svg
1991-1992—1995 Flag of Croatia.svg
 
Flag of Bosnia and Herzegovina (1992–1998).svg
Сьцяг Заходня-Сэрбскай Фэдэрацыі Герб Заходня-Сэрбскай Фэдэрацыі
(Сьцяг) (Герб)
Месцазнаходжаньне Заходня-Сэрбскай Фэдэрацыі

Тэрыторыі, на якія прэтэндавала ЗСФ (вылучаныя чырвоным)

Афіцыйная мова сэрбская, сэрбскахарвацкая
Сталіца ня вызначаная
Форма кіраваньня Рэспубліка
Гісторыя
 • Абвяшчэньне незалежнасьці РСК
 • Абвяшчэньне незалежнасьці Рэспублікі Сэрбскае
 • Заплянаванае аб’ядноўчае пасяджэньне парлямэнтаў
 • Скасаваньне аб’яднаньня
 • Ліквідацыя РСК
 • Аднаўленьне тэрытарыяльнае цэласнасьці БіГ

26 лютага 1991
28 лютага 1992
травень-чэрвень 1995
чэрвень 1995
7 жніўня 1995
14 сьнежня 1995
Валюта дынар

Захо́дня-Сэ́рбская Фэдэра́цыя, Захо́дняя Сэ́рбія (па-сэрбску: Западно Српска Федерација, Западна Србија) — праект аб’яднаньня ў адзіную незалежную рэспубліку двух населеных пераважна сэрбамі самаабвешчаных дзяржаваў на тэрыторыях рэспублікаў былое Югаславіі: Рэспублікі Сэрбскай (РС) у Босьніі й Герцаґавіне (з студзеня 1992) ды Рэспублікі Сэрбскай Краіны (РСК) у Харватыі (зь сьнежня 1991).

Праз палітычныя рознагалосьсі ды моцны ціск кіраўніцтва Сэрбіі не было рэалізаванае абвешчанае ў чэрвені 1991 аб’яднаньне ў Дэмакратычную Рэспубліку Краіну Сэрбскае Аўтаномнае Вобласьці Басьнійскае Краіны (з красавіка 1991, у цэнтральна-заходняй (Пасаўскай) Босьніі) й Сэрбскае Аўтаномнае Вобласьці Краіны (зь лютага 1991, у Харвацкай Краіне), непаглядаючы на тое, што 25 чэрвеня 1991 урады Краінаў падпісалі «Дамову пра супрацоўніцтва ды інтэґрацыю», улучаючы стварэньне агульнага парлямэнту, а 28 чэрвеня 1991 парлямэнтамі (скупшчынамі) Краін на сумесным пасяджэньні ў Босанска-Ґрахаве абвешчаная «Аб’яднальная Дэклярацыя».

Аднак спробы аб’яднаць сэрбскія землі працягваліся рабіцца. Як крок на шляху да Вялікае Сэрбіі меркавалася ідэя арґанізацыі Заходня-Сэрбскае Фэдэрацыі, што было падтрымана Сэрбскаю радыкальнаю партыяю й іншымі палітычнымі сіламі Сэрбіі.

У 1994 быў створаны Аб’яднаны штаб войскаў РС ды РСК. 20 траўня 1991 парлямэнт РСК прыняў рашэньне пра аб’яднаньне з РС. На канец траўня — пачатак чэрвеня 1995 было заплянаванае сумеснае пасяджэньне парлямэнтаў РС ды РСК для абвяшчэньня Заходня-Сэрбскае Фэдэрацыі. Аднак праз міжнародны ціск кіраўніцтва Сэрбіі прымусіла РС ды РСК скасаваць аб’яднаньне.

РСК была зьліквідаваная ў жніўні 1995 падчас хады харвацкае вайсковае апэрацыі. РС у сьнежні 1995, паводле міжнародных пагадненьнях, увайшла ў фэдэрацыйны Зьвяз Босьніі й Герцаґавіны.

Плян Вялікае Сэрбіі Вука Драшкавіча

Крыніцы[рэдагаваць | рэдагаваць крыніцу]