Ежы Бузэк

Ежы Бузэк Jerzy Buzek
Ежы Бузэк
Кіраўнік Эўрапарлямэнту
14 ліпеня 2009 — цяперашні час
Папярэднік:	Ганс-Гэрт Пэтэрынг
Наступнік:	---
Прэм’ер-міністар Польшчы
31 кастрычніка 1997 — 19 кастрычніка 2001
Прэзыдэнт:	Аляксандар Квасьнеўскі
Папярэднік:	Уладзімеж Цімашэвіч
Наступнік:	Лешэк Мілер
Асабістыя зьвесткі
Нарадзіўся:	3 ліпеня 1940 (84 гады) Сьмілавічы, Пратэктарат Чэхіі й Мораў, Трэці Райх
Партыя:	Грамадзянская плятформа
Сужэнец:	Людгарда Бузэк[d]
Дзеці:	Агата Бузэк
Бацька:	Павал Бузэк
Маці:	Браніслава Шчука
Адукацыя:	Сылескі політэхнічны ўнівэрсытэт[d]
Узнагароды:	мэдаль Робэрта Шумана[d] (2014) Ганаровы грамадзянін Кракава[d] (2015) honorary doctorate of the Łódź University of Technology[d] (4 чэрвеня 2010)
Ежы Бузэк Jerzy Buzek у Вікісховішчы

Е́жы Ка́раль Бу́зэк (па-польску: Jerzy Karol Buzek, нар. 3 ліпеня 1940 году ў Сьмілавічах) — польскі палітык.

Зь лютэранскай сям’і родам са Сьлёнска Цешынскага. Брат яго дзядкі, Юзаф Бузэк, быў сэнатарам і заснавальнікам, дырэктарам Галоўнага статыстычнага ўпраўленьня.

Скончыў Сьлёнскую палітэхніку (1963, хімічная інжынэрыя), доктар з 1969 году, доктар габілітаваны з 1979 году, прафэсар звычайны з 8 ліпеня 1997. Выкладаў у Сьлёнскай палітэхніцы і Апольскай палітэхніцы. Быў чальцом Польскай Акадэміі навук.

З 1980 году быў дзеячом «Салідарнасьці». У 1997 годзе атрымаў мандат пасла на Сойм з акругі Глівіцэ. Да 2001 году займаў пасаду прэм’ер-міністра Польшчы. Быў другім пратэстантам на гэтай пасадзе і першым пасьля 1989 году, які працаваў да канца 4-гадовага скліканьня Сойму. Пачаў 4 вялікія і непапулярныя рэформы: адукацыі, аховы здароўя, эмэрытальную і адміністрацыйную. Пасьля 2001 году выкладаў у прыватнай Акадэміі палянійнай у Чанстахове. 13 чэрвеня 2004 году быў абраны дэпутатам Эўрапарлямэнту па сьпісе Грамадзянскай плятформы зь першым вынікам у краіне (173 389 галасоў). У 2009 годзе зноў абраны эўрадэпутатам. 14 ліпеня 2009 году стаў кіраўніком Эўрапарлямэнту.

Доктар honoris causa 5 ВНУ.

Бацька акторкі Агаты Бузэк.

Вонкавыя спасылкі

• prof. dr hab. inż. Jerzy Karol Buzek / Nauka Polska  (пол.)
• Старонка дэпутата Эўрапарлямэнту  (пол.)
• Старонка дэпутата Сойму  (пол.)
• Асабістая старонка  (пол.)