Дэвальвацыя

Дэвальва́цыя — зьніжэньне залатога зьместу грашовай адзінкі ва ўмовах залатога стандарту. У сучасных умовах тэрмін ужываецца для сытуацыяў значнага зьніжэньня курсу нацыянальнай валюты адносна цьвёрдых валют (звычайна, даляру ЗША, эўра, SDR). Дэвальвацыя разглядаецца як інструмэнт цэнтральных банкаў у кіраваньні нацыянальнай валютай, супрацьлеглы рэвальвацыі.

Ва ўмовах ваганьня валютнага курсу не адбываецца прамога афіцыйнага прызначэньня каштоўнасьці нацыянальнай валюты. Цэнтральны банк можа хіба ўскоснымі мэтадамі (валютнымі інтэрвэнцыямі) зьмяняць курс. У гэтых умовах дэвальвацыя будзе ня вынікам прыняцьця афіцыйнага дакумэнту, а вынікам зьмяненьня каштоўнасьці валюты пад узьдзеяньнем рынкавых мэханізмаў.

Найбольшыя дэвальвацыі

Сьпіс найбольшых дэвальвацыяў пасьля 1990 року^[1].


Краіна	Рок	Велічыня, %
Беларусь	2011	54,4
Аргентына	2002	54
Этыёпія	1992	54
Расея	1998	38
Беларусь	1999	37
Інданэзія	1998	37
Мэксыка	1995	36
Рэспубліка Карэя	1997	34
Бразылія	1999	33
Уругвай	2002	29
Эквадор	1999	29

Беларусь

Курс беларускага рубля з 2009 году прывязаны да «кошыку валют», у які ўваходзяць даляр ЗША, эўра і расейскі рубель.^[2] На 2011 год калідор ваганьняў курсу беларускага рубля адносна кошыка валют устаноўлены ў межах ±12%^[3]. 23 траўня 2011 году Беларусь пабіла сусьветны рэкорд па дэвальвацыі нацыянальнай валюты — рубель быў дэвальваваны на 54,4%. Беларуская дэвальвацыя, паводле зьвестак Сусьветнага банку, стала самай вялікай за 20-гадовую сусьветную гісторыю, абагнаўшы этыёпскую 1992 году і аргентынскую 2002 году^[1].

Глядзіце таксама

Крыніцы

Вонкавыя спасылкі

Нацыянальны банк Рэспублiкi Беларусь

Гэта — накід артыкула па эканоміцы. Вы можаце дапамагчы Вікіпэдыі, пашырыўшы яго.

[record-1] 1 2 Беларусь пабіла сусветны рэкорд па дэвальвацыі, Наша Ніва

[koshyk-2] Беларускі рубель зьвяжуць з «кошыкам валют», Радыё Свабода

[kalidor-3] Даляр — 5000. Прэс-рэліз Нацбанка, Наша Ніва

[1]

[2]

[3]