Дзяніс Грачыха
| Дзяніс Грачыха | ||
| ||
| Пэрсанальная інфармацыя | ||
|---|---|---|
| Нарадзіўся | 22 траўня 1999[1] (25 гадоў) | |
| Рост | 183 см[3] | |
| Вага | 72 кг[2] | |
| Пазыцыя | паўабаронца | |
| Клюбная інфармацыя | ||
| Клюб | Дынама Менск | |
| Нумар | 18 | |
| Клюбы | ||
| Гады | Клюб | Гульні (галы)¹ |
| 2017—2018 | Дняпро Магілёў | 30 (0) |
| 2019 | Дняпро Магілёў[d] | 0 (0) |
| 2019 | → Рух Берасьце | 13 (4) |
| 2019—2021 | Рух Берасьце | 64 (13) |
| 2022 | Дынама Менск | 27 (4) |
| 2023—2024 | БАТЭ | 17 (0) |
| 2024 | → Жэніс | 18 (1) |
| 2025— | Дынама Менск | 1 (0) |
| Зборныя | ||
| 2018—2020 | Беларусь (да 21) | 11 (2) |
| 2022—2023 | Беларусь | 5 (0) |
|
¹ Колькасьць гульняў і галоў за прафэсійны клюб лічыцца толькі | ||
Дзяні́с Грачы́ха (нарадзіўся 22 траўня 1999 году) — беларускі футбаліст, паўабаронца казаскага клюбу «Жэніс», дзе гуляе на правах арэнды. Правы на гульца належаць барысаўскаму БАТЭ.
Кар’ера
[рэдагаваць | рэдагаваць крыніцу]Клюбная
[рэдагаваць | рэдагаваць крыніцу]З 2017 году, пасьля выхаду магілёўскага «Дняпра» ў Найвышэйшую лігу, пачаў гуляць за дублюючы склад клюбу. У жніўні 2017 году поруч зь іншымі маладымі гульцамі падпісаў паўнавартасны трохгадовы кантракт з магілёўцамі[4]. Неўзабаве пачаў прыцягвацца і да асноўнага складу, дэбютаваўшы ў Найвышэйшай лізе 23 кастрычніка 2017 году ў хатнім матчы супраць БАТЭ (0:2). Футбаліст адгуляў усе 90 хвілінаў на пазыцыі правага абаронцы. У сэзоне 2018 году замацаваўся ў стартавым складзе магілёўцаў.
У лютым 2019 году, пасьля таго як стала вядома пра аб’яднаньне «Дняпра» зь менскім «Промнем», накіраваўся на прагляд у аб’яднаную каманду. У сакавіку 2019 году афіцыйна стаў гульцом агульнай каманды, якая атрымала назву «Дняпро»[5], а ў красавіку быў аддадзены ў арэнду берасьцейскаму «Руху»[6]. У жніўні 2019 году перайшоў у «Рух» на трывалай аснове, склаўшы трохгадовы кантракт[7]. У якасьці гульца асноўнага складу дапамог берасьцейскай камандзе прасунуцца ў Найвышэйшую лігу. У 2020—2021 гадах гуляў за «Рух» у Найвышэйшай лізе, трывала зьяўляючыся ў пачатковым складзе.
У сакавіку 2022 году, пасьля таго як берасьцейскі клюб зьняўся з Найвышэйшай лігі, некаторы час трэнаваўся зь «Менскам», а неўзабаве ўзмоцніў склад менскага «Дынама»[8]. Хутка замацаваўся ў стартавым складзе каманды. У чэрвені 2022 году па заканчэньні кантракта пакінуў сталічны клюб[9]. У ліпені 2022 году трэнаваўся з расейскім клюбам «Хімкі», аднак бакі не дамовіліся аб пераходзе, і хутка футбаліст вярнуўся ў «Дынама», падпісаўшы новы кантракт да сканчэньня сэзону 2022 году[10].
У сьнежні 2022 году па заканчэньні кантракта пакінуў «Дынама»[11] і неўзабаве стаў гульцом барысаўскага БАТЭ[12]. У лютым 2024 году падоўжыў кантракт з барысаўчанамі да сканчэньня 2025 году і быў аддадзены ў арэнду казаскаму «Жэнісу»[13].
Міжнародная
[рэдагаваць | рэдагаваць крыніцу]14 лістапада 2018 году дэбютаваў у моладзевай зборнай Беларусі, выйшаўшы на замену ў другім тайме таварыскага матча супраць зборнай Харватыі (1:3). У далейшым быў асноўным гульцом моладзевай зборнай. З 2021 году пачаў прыцягвацца да нацыянальнай зборнай Беларусі, аднак упершыню згуляў за яе 3 чэрвеня 2022 году, выйшаўшы на замену ў другім тайме матча Лігі нацыяў УЭФА супраць зборнай Славаччыны (0:1).
Дасягненьні
[рэдагаваць | рэдагаваць крыніцу]- У сьпісе 22 найлепшых футбалістаў чэмпіянату Беларусі: 2021, 2022
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Дняпро Магілёў | 2017 | Найвышэйшая ліга | 4 | 0 |
| 2018 | Найвышэйшая ліга | 26 | 0 | |
Крыніцы
[рэдагаваць | рэдагаваць крыніцу]- ^ а б в Denis Grechikho // Transfermarkt (мн.) — 2000.
- ^ а б в г https://dinamo-minsk.by/osnovnoj-sostav/2022/denis-grechiho
- ^ а б https://dinamo-minsk.by/blr/asnouny-sklad/2025/dzyanis-grachyha
- ^ Шесть футболистов подписали контракты с могилевским «Днепром» (рас.)
- ^ Четыре игрока "Днепра" будут выступать в объединенной команде (рас.)
- ^ "Дняпро" отдал Дениса Гречихо в "Рух" (рас.)
- ^ "Рух" выкупил у "Дняпро" права на Гречихо (рас.)
- ^ Синенко, Виллиам и Гречихо стали игроками минского "Динамо" (рас.)
- ^ Гречихо и Виллиам покинули минское "Динамо" (рас.)
- ^ Гречихо подписал новый контракт с минским "Динамо" (рас.)
- ^ Минское "Динамо объявило о расставании с игроками (рас.)
- ^ Гречихо и Концевой подписали контракты с БАТЭ (рас.)
- ^ БАТЭ подтвердил аренду Гречихо в "Женис" (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)