Перайсьці да зьместу

Дзьмітры Каплуноў

Зьвесткі зь Вікіпэдыі — вольнай энцыкляпэдыі
Дзьмітры Каплуноў
Пэрсанальная інфармацыя
Нарадзіўся 21 красавіка 1994(1994-04-21) (30 гадоў)
Рост 178 см
Вага 68 кг
Пазыцыя абаронца
Клюбная інфармацыя
Клюб Лякаматыў Гомель
Нумар 55
Клюбы
Гады Клюб Гульні (галы)¹
2011—2017 Баранавічы 98 (1)
2017 Дняпро Магілёў 25 (3)
2018 Дняпро Магілёў 22 (1)
2019 Дняпро Магілёў[d] 0 (0)
2019 Мікашэвічы 28 (2)
2020 Гомель 19 (0)
2021—2022 Арсэнал Койданаў 50 (1)
2023—4 Лякаматыў Гомель 39 (2)

¹ Колькасьць гульняў і галоў за прафэсійны клюб лічыцца толькі
для нацыянальнай лігі, адкарэктавана на
22 чэрвеня 2024.

Дзьмітры Каплуноў (нарадзіўся 21 студзеня 1994 году) — беларускі футбаліст, абаронца гомельскага «Лякаматыва».

Кар’ера[рэдагаваць | рэдагаваць крыніцу]

Выхаванец баранавіцкага футболу. Пачынаў дарослую кар’еру ў 2011 годзе ў складзе «Баранавічаў» у Першай лізе. У тым сэзоне «Баранавічы» занялі апошняе месца і выбылі ў Другую лігу. У 2012—2013 гадах малады абаронца амаль не гуляў праз службу ў войску, а ў сэзоне 2014 году замацаваўся ў першым складзе каманды ды дапамог камандзе вярнуцца ў Першую лігу. У 2015—2016 гадах быў адным зь лідэраў «Баранавічаў» у Першай лізе. У пачатку 2017 году пачаў трэнавацца зь менскім «Промнем», і ў сакавіку 2017 году быў арандаваны гэтым клюбам на сэзон 2017 году. Здолеў замацавацца ў першай адзінаццатцы сталічнага клюбу і дапамог яму прасунуцца ў Найвышэйшую лігу. Па заканчэньні сэзону ў сьнежні 2017 году перайшоў у «Прамень» на трывалай аснове[1]. У першай палове сэзону 2018 году трывала зьяўляўся ў пачатковым складзе, але ўжо зь ліпеня радзей выходзіў на поле.

У пачатку 2019 году ў сувязі зь пераездам «Промня» ў Магілёў і аб’яднаньнем зь мясцовым «Дняпром» стаў гульцом аб’яднанай каманды, якая атрымала назву «Дняпро». У красавіку 2019 году быў аддадзены ў арэнду ў мікашэвіцкі «Граніт»[2], дзе трывала гуляў у стартавым складзе. У студзені 2020 году пачаў трэнавацца з «Гомелем» і ў лютым падпісаў кантракт з клюбам[3]. Гуляў пераважна ў пачатковым складзе, дзе дапамог камандзе вярнуцца ў Найвышэйшую лігу. У студзені 2021 году пакінуў гомельскі клюб[4].

У лютым 2021 году рыхтаваўся з койданаўскім «Арсэналам» і неўзабаве склаў зь ім угоду[5]. У сэзоне 2021 году быў трывалым гульцом асноўнага складу. Дапамог клюбу прабіцца ў Найвышэйшую лігу. Сэзон 2022 году таксама пачынаў у стартавым складзе, пазьней пачаў зьяўляцца на полі нерэгулярна. З студзеня 2023 году трэнаваўся з гомельскім «Лякаматывам» і ў лютым афіцыйна быў працаўладкаваны ў клюбе[6]. У лютым 2024 году падоўжыў пагадненьне зь «Лякаматывам»[7].

Статыстыка[рэдагаваць | рэдагаваць крыніцу]

Клюб Сэзон Чэмпіянат
Дывізіён Матчы Галы
Прамень 2018 Найвышэйшая ліга 22 1

Крыніцы[рэдагаваць | рэдагаваць крыніцу]

Вонкавыя спасылкі[рэдагаваць | рэдагаваць крыніцу]