Дзьмітры Іваноў
| Дзьмітры Іваноў | ||
| Пэрсанальная інфармацыя | ||
|---|---|---|
| Нарадзіўся | 21 лютага 1997[1] (28 гадоў) | |
| Рост | 183 см | |
| Вага | 77 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2013—2014 | Віцебск-2[d] | 12 (3) |
| 2015 | Віцебск | 1 (0) |
| 2016—2018 | Тарпэда Менск | 11 (3) |
| 2017 | → Ворша | 8 (0) |
| 2017 | → Энэргетык-БДУ | 11 (0) |
| 2018 | → Ворша | 23 (3) |
| 2019 | Ворша | 27 (17) |
| 2020—2021 | Нёман Горадня | 9 (0) |
Дзьмітры Іваноў (нар. 21 лютага 1997 году) — колішні беларускі футбаліст, нападнік.
Кар’ера
[рэдагаваць | рэдагаваць крыніцу]Выхаванец віцебскай СДЮШАР «Камсамолец». З 2013 году пачаў выступаць за каманду «Віцебск-2» у Другой лізе. У 2015 годзе, пасьля таго як «Віцебск» вярнуўся ў Найвышэйшую лігу, пачаў гуляць за дубль, а часам прыцягваўся да асноўнай каманды. Дэбютаваў у складзе «Віцебску» 18 ліпеня 2015 году ў матчы Кубка Беларусі супраць пінскай «Хвалі» (3:1), выйшаўшы на замену ў другім тайме, а 8 жніўня таго ж году правёў свой адзіны матч за «Віцебск» у Найвышэйшай лізе, калі выйшаў на замену ў канцы сустрэчы зь «Белшынай» (1:1).
У 2016 годзе выступаў за менскае «Тарпэда»[2], дзе пераважна выходзіў на замену. У першай палове 2017 году гуляў у арэндзе ў «Воршы»[3], а ў ліпені далучыўся да «Энэргетыка-БДУ»[4]. У якасьці гульца «Энэргетыка-БДУ» ў кастрычніку 2017 году быў заяўлены на матч Першай лігі з «Тарпэда» (0:0), хоць гэта супярэчыла ўмовам арэнднага пагадненьня, праз што пазьней тарпэдаўцам была прысуджана тэхнічная перамога зь лікам 3:0.
У сакавіку 2018 году зноў быў аддадзены ў арэнду ў «Воршу»[5], а ў лютым 2019 году перайшоў у гэты клюб, склаўшы паўнавартасны кантракт[6]. Замацаваўся ў якасьці асноўнага нападніка «Воршы», у сэзоне 2019 году з 17 галамі стаў другім бамбардзірам Першай лігі. З студзеня 2020 году знаходзіўся на праглядзе ў гарадзенскім «Нёмане» і ў лютым падпісаў трохгадовы кантракт з клюбам[7]. Гуляў пераважна за дубль, у асноўнай камандзе звычайна зрэдку выходзіў на замену ў канцы матчаў. У чэрвені 2021 году кантракт зь «Нёманам» паводле пагадненьня бакоў быў скасаваны[8].
Статыстыка
[рэдагаваць | рэдагаваць крыніцу]| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Віцебск | 2015 | Найвышэйшая ліга | 1 | 0 |
| Тарпэда Менск | 2016 | Першая ліга | 11 | 3 |
| Ворша | 2017 | Першая ліга | 8 | 0 |
| Энэргетык-БДУ | 11 | 0 | ||
| Ворша | 2018 | Першая ліга | 23 | 3 |
Крыніцы
[рэдагаваць | рэдагаваць крыніцу]- ^ а б в Dmitri Ivanov // Transfermarkt (мн.) — 2000.
- ^ Первая лига. Заявки команд. «Гомель» Журавля и «Днепр» Седнева: видим цель — не видим преград? (рас.)
- ^ «Прессбол» №53 (4023), 7 красавіка 2017
- ^ Кубок Беларуси. Анонс. «Шахтер»: легкая прогулка? (рас.)
- ^ Минское "Торпедо" отдало Дмитрия Иванова в аренду "Орше" (рас.)
- ^ Пять человек подписали контракты с "Оршей" (рас.)
- ^ "Неман" подписал бомбардира из первой лиги (рас.)
- ^ Контракт нападающего Дмитрия Иванова с "Неманом" расторгнут по соглашению сторон (рас.)
Вонкавыя спасылкі
[рэдагаваць | рэдагаваць крыніцу]- Статыстыка «ПБ-Инфо» (рас.)